اللي اعرفه ان الخديوي اللي كان ايام ثورة عرابي ما كانش الخديوي اسماعيل. على ما اتذكر كان الخديوي توفيق. و بعدين الخديوي اسماعيل اللي يقرا التاريخ كويس حيلاقي انه الوحيد بعد محمد علي اللي اهتم اهتمام شديد بنهضة البلد و كانت القاهرة في عهده تضاهي العواصم الاوروبية و انشأ اول كوبري على النيل (كوبري قصر النيل)و اعاد تخطيط القاهرة و انشأ الشوارع و الميادين وكذلك اهتم بالمدن الاخرى مثل الاسكندرية. كما انه قام بانشاء العديد من المشاريع القومية الخاصة بالزراعة و الري مثل القناطرو العديد من الترع (112 ترعة) و قام بزيادة الاراضي الزراعية في عهده نحو مليون فدان. كما قام بعمل تطوير كبير للسكك الحديدية و انشأ العديد من الهيئات مثل هيئة البريد و هيئة الاحصاء.....الخ
كما اهتم الخديوي اسماعيل بتطوير التعليم وانشأ العديد من المدارس. و انشئت في عهده اول مدرسة للبنات و كذلك مدارس للصم والعميان.كما اهتم بالحياة السياسية و انشئ في عهده مجلس الشورى كأول مجلس نيابي في تاريخ مصر كما انشأ العديد من المجالس النيابية المحلية و طور من النظام القضائي.
و لكن عاب الخديوي اسماعيل اسرافه الشديد في الانفاق و استدانته من الدول الاجنبية مما اثقل ميزانية البلاد بالاعباء و الديون و ادى الى تدخل الدول الاجبية في مصر و تعيين وزيرين اجنبيين في الوزارة المصرية لأول مرة. و تجمعت قوى من قادة الشعب المصري و اعلنوا اكتتاب لسداد اقساط الديون المتعثرة و طالبوا بعزل الوزيرين الاجنبيين. و بالفعل استجاب الخديوي اسماعيل للمطالب الوطنية رغم تحذيرات الدول الغربية له بعزله عن العرش, و امر بتشكيل وزارة وطنية برئاسة شريف باشا و اصدر مرسوم بتسوية الديون. و بالطبع لم ترد الدول الغربية ان تتيح لاسماعيل بمساعدة وزارته الوطنية و قوى الشعب المتحالفة أن يخرجوا البلاد من عثرتها فعملت على عزله و تولية ابنه الخديوي توفيق الحكم لينتهي بذلك واحد من ازهى عصور التاريخ المصري الحديث.
انا عارفة ان كلامي ده مالوش دعوة بالموضوع الاساسي بس انا بأرد على الكلام المكتوب في الموضوع عن الخديوي اسماعيل اللي بحس انه من اكثر الشخصيات المظلومة في تاريخنا, و معرفش ليه دايما في تركيز شديد على مساوئه و الكلمتين المشهورين اللي بيتكتبوا عنه انه كان مسرف اسراف شديد و اقام حفل تاريخي لافتتاح القناة و صرف عليه ببذخ و ادى لاستدانة مصر....الخ رغم ان الخديوي اسماعيل هو اعظم من حكم مصر في التاريخ الحديث و باني نهضة مصر الحديثة. و بعدين كان ليه عيوب ايوة و استلف و غرقنا في الديون يمكن, بس على الاقل هو استغل كتير من الفلوس دي في مشروعات قومية بنستفيد بيها لغاية دلوقتي. غيره بقى غرقونا في الديون و عموا بيها ايه؟
المفضلات