الموضوع: يافرحة ما تمت ......خدها محلب وطار

المشاركة الأصلية كتبت بواسطة rotanamasoud

طيب يا استاذ ماهر قناه السويس متخسرش(الا لو فى حاله حرب واغلقت لا قدر الله) يعنى الاسهم حتزيد لا جدال والمصريين من نفسهم يفوقو ويكسبو يعيشو كويس
والصح جهاز سيادى فى الدوله يراقب مشترى الاسهم لاكن شهدات مفيش حد حيكسب حاجه
الاصل فى الموضوع غلط محلب ازاى رايسه السيسى يقول حننزل اسهم ويكدبه انا لو من السيسى احلب محلب

حلوة احلب محلب دى :-)
خلى بالك انهم لما قالوا اسهم و سندات من الاول واضح انها كانت مجرد فكرة عفوية اتقالت الغرض منها تشجيع و تحفيز الناس و شحذ انتماءهم . . . لكن وقت الجد لما تم دراسة كل الاحتمالات و الصعوبات العملية اللى فى الموضوع و انا وضحت بعضها فواضح انهم فضلوا يخلوا الموضوع ابسط و اسهل و كمان اضمن بدون تعقيدات. . . و بعدين يا سيدى هو خلاص قفشت معاك يا السهم ده يا بلاش. . . ما انت عندك 250 شركة تانية فى البورصة تشترى فيها و تكسب زى ما انت عايز و تبقى وارين بافيت الجديد :-)

محسن عادل عضو مجلس ادارة البورصة على سى بى سى دلوقتى

اول سؤال تم سؤاله. . . ليه شهادات مش اسهم
الاجابة انه بدائل التمويل الاخرى زى الاسهم و السندات عيبها الاطار الزمنى الطويل نسبيا المطلوب لتنفيذها و الذى لا يسمح به الاطار الزمنى المتسارع المطلوب للمرحلة الاولى لمشروع بهذا الحجم . . . يعنى انشاء شركة قابضة ثم نشرة اكتتاب ثم قيد للشركة فى البورصة ثم طرح عام اولى و غيره من الاجراءات اللى بتاخد حوالى 3 او 4 اشهر. . . كمان قال ان الشهادات حاليا هى لتمويل حفر القناة الجديدة فقط لكن ممكن لاحقا استخدام الاسهم و السندات فى بقية مراحل المشروع اللى هى اقامة المناطق اللوجستية و شركات الخدمات الملاحية و غيره

المشاركة الأصلية كتبت بواسطة imhotep

بورصة تعنى الاتى:
1- صعود و هبوط للقيمة بدون ضامن او محددات و تعرض للازمات العالمية القوية و اعتقد الازمة المالية العالمية مش بعيدة لما القيمة السوقية للشركات المسجلة فى البورصة المصرية نزلت لتلت قيمتها قبل الازمة
2- وجود احتمال لعدم المساواة بين اشخاص ملاءاتهم المالية كبيرة و بالتالى يستطيعون شراء ملايين و مليارات الاسهم و ممكن تطلع فى دماغ واحد يقعد يجمع اسهم على الهادى و فجأة ييجى يقول للحكومة انا مالك لربع اسهم قناة السويس. . . كأنه بيعمل hostile takeover . . . و لو اتحطت محددات و قيود على الحد الاقصى للملكية يبقى ضد مبدأ حرية التداول فى البورصة
3- توجد صعوبات عملية لان بورصة تعنى قيد فى سوق المال و تكويد للاشخاص فى شركات السمسرة و غيرها من الاجراءات اللى بتصعب الموضوع على الناس البسيطة و اللى ملهاش او مش مهتمة بالبورصة اصلا
4- الاصل فى المشاريع القومية ان الدولة هى اللى بتمولها. . . و ساعتها محدش كان هيعترض او يصعب عليه اوى انه مشاركش فى المشروع . . . لكن الدولة عايزة الناس تحس انها بتشارك فى التمويل بشكل مباشر مع انهم كان ممكن بكل بساطة يستلفوا من ال 1500 مليار ودائع اللى موجود فى البنوك بسندات حكومية كالمعتاد و خلاص و هم كل اللى عاوزينه 60 مليار . . . و كون انهم فكروا فى فكرة الشهادات فده لانها وسيلة سهلة على الناس و عارفينها كويس و كمان انها وسيلة تمويل مضمونة و مستقرة و مفيهاش شبهات تلاعب زى البورصة

فى ظل كل ما سبق اعتقد انهم اختاروا الاختيار الصح

الراجل ده بيقول كلام زي الفل

المشاركة الأصلية كتبت بواسطة hilal

الحل بسيط
ينص في عقد التأسيس أن تمتلك الدولة 51% من الأسهم

والراجل ده كمان بيقول كلام زي الفل

المشاركة الأصلية كتبت بواسطة rotanamasoud

السيسى يحلب محلب افضل من ان محلب يحلب الشعب
اوضحلك وجهه نظرى
الامل ان الشعب يكون عنده شعور بالمشاركه والاهم المشاركه فى الارباح لان
شيل الدعم كارثى بكل المقاييس ولازم اليات محدده وتخطيط مدروس على اعلى مستوى للتحكم فى الامر والا رحنا فى دهيه(تخيل2019 لما يوصل سعر لتر ال80ل4.5 والديزل ل5 حتكون العيشه عامله ازاى)تخيل المصانع زاد عليها الكهرباء ونقل العاملين ونقل البضاعه والمواد الخام واجور العمال بالحد الادنى تنافس ازاى (انهيار اقتصادى وده كلام خبراء اقتصاد مش كلامى)
طيب تخيل الانهيار حصل والدولار بقى ب14 حيكون سعر البنزين ب9 والسولار ب10
مش عايز اكون متشائم بس بحب اشغل عقلى لجميع الاحتمالات

استبعد السيناريو الخيالي الي بتقول عليه على الاقل فتره 5 - 6 سنين ويمكن 10 سنين

و كمان وممكن العكس يحصل الدولار بنهار والجنيه المصري يبقى ليه قيمه اكبر من دلوقتي