الموضوع: يافرحة ما تمت ......خدها محلب وطار

يافرحة ماتمت اخدها محلب وحكو مته وطار

اسهم مشروع قناة السويس

الزعيم و القائد الملهم السيسى قال امام ملايين الشعب المصرى وعلى الهواء لازم كل مصرى حتى الطالب فى المدرسة يمتلك وكل على قد مقدرته يمتلك ولو سهم واحد من اسهم مشروع القناة الجديدة حتى يشعر انه شارك وامتلك جزء من مشروع قومى كبير لمصر
اذا بمحلب النهاردة يطلع لنا ويقول وهو متوتر هربا من اسئلة الاعلاميين عن الاسهم
قال دى شهادات ولكن الاسئلة تتكرر له عن الاسهم فيرد ويقول شهادات
وفى الاخر ....قال مافيش حاجة اسمها اسهم ...ماحدش قال اسهم ...مين اللى قال كده
مكذبا السيسى المفترض انه رئيس الجمهورية موش عمدة فى عزبة ولازم كلامه يكون نافذ

قال موضحا انها شهادات زى شهادات الاستثمار مدتها خمس سنوات بضمان البنك المصرى المركزى يعنى بعد الخمس سنوات ...بح.....ايوه ... بح ....يعنى ممكن تتلغى هذه الشهادت بعدها فى اى وقت ولا تتجدد
يا حلاوة ياولاد......هييييييييييه
مافيش فايدة فى البلد دى ...مازال مسلسل استحمار عقول الشعب المصرى مستمرا
والاستهانة باحلامه
يعنى ياسيدى حرام على الشعب الغلبان انه يكون شريك ومالك حتى ولو سهم واحد من مشروع المفترض انه قومى ليشعر انه يمتلك شىء له قيمة فى هذا البلد
بعد ان استباحت الانظمة السابقة وعصابتها حتى الان مقدرات وانجازات ثورة 23 يوليو
فعاد الاقطاع من جديد وتملك فئة كل شىء حتى شركات القطاع العام شروها بثمن بخس
واراضى بملايين الفدادين ببلاش والله دى مسخرة ومهزلة
يعنى ياعم محلب انتم عملتم المشروع ده عشان تشغلوا الشعب عن فشلكم وكمان على حساب ومن جيوب الشعب الغلبان المقهور والممصوص دمه وسايبين منظومة رجال الاعمال اللى نهبت البلد لصالحها وهربت اموالها للخارج وكمان تهرب من سداد المليارات من الضرائب
طيب لاتضحكوا على الشعب الغلبان بسراب كمشروع العلاج بالكفته ولو عايز تمول المشروع
روح حصل مليارات الضرائب من ساويرس وامثاله ممن نهبوا البلد طبق قانون من اين لك هذا على القضاة والاعلام وضباط الجيش والشرطة وتجار المخدرات وغسيل الاموال ورجال الاعمال وسيبوا الناس الغلابة تكافح الاسعار والغلاء وسيب باقى الملاليم اللى فى جيوبهم لتوفير لقمة عيش بشرف لهم وباولادهم
صحيح اللى اختشوا ماتوا

المشاركة الأصلية كتبت بواسطة محمد يوسف

مش فاهم ياد.هلال ايه المشكلة؟

هو بياخد منك فلوس يشتغل وبيديك عليها فايدة...يعنى الطرفين مستفيدين

ممكن بعدين لو المشروع تم واشتغل يعملوا له أسهم

أستاذ محمد
فرق شاسع بين أن تكون مساهما أي شريكا ، وأن تكون مقرضا
الشريك يساهم في الادارة من خلال الجمعية العمومية للمساهمين
فهو يشارك في اتخاذ القرار ويشارك في أرباح المشروع
وقيمة السهم تزداد بمرور الزمن ، يعني السهم ممكن تتضاعف قيمته عشرات المرات
وأهم شيء هو شعور الشريك بالانتماء لبلده

أما المقرض فليس له سوى أمواله الاصلية التي من حق الادارة أن تردها له في أي وقت تريد
بالاضافة إلى نسبة الفائدة المحددة ، والقيمة الحقيقية لأمواله تنخفض بفعل التضخم
تقبل تحياتي وشكري