عرض للطباعة
الساده اعضاء المنتدى
عندى مشكله عويصه ارجو مساعدتى فى حلها
انا عندى جار اعوز بألله بلطجى و غلاط و كل شويه يسد الجراج اللى بركن فيه تحت العماره
بعربيته و فين و فين لما ينزل يحركها
يا ترى ممكن اقدم فيه شكوى او اعمل فيه ايه بألظبط
حسبنا الله و نعم الوكيل فيه
اعمل عواميد بقفل
هتقدم شكوي يبقي معملتش حاجة
الحل اعمودين بقفل زي midooo_119 قال
ابعتلك شويه صعايده يربوه ويعرفوه غلطه ؟
العواميد ممكن الشرطة تشيلها ، حط بلوكات من بتاعت الرصيف و ثبتها في الأرض او هات ليه العجل على الأرض و هو مش هايعرف يعمل في عربيتك حاجة لأنها في الجراج
لو احنا في دولة عندها بـ 10 جنيه احترام كنت قولتلك بلغ الشرطة
للأسف الاشكال الوسخه دى مينفعش معاها غير الصياعه وقله الادب
الاول كلمه بذوق واحترام ولو متغيرش هاتله واحد بلطجى زيه يعرف يتعامل معاه واديله قرشين حلوين والبلطجيه دول الصراحه بيفهمو فى الاصول كويس بس ممكن يبيعك فى لحظه لو فى مصلحه ليه
ياراجل قول كلام غير دهاقتباس:
المشاركة الأصلية كتبت بواسطة safsaf43
بص كلمه بالزوق و بصيغة طلب مش بصيغة امر
والله نفذ كلامك يبقي تمام
عمل فيها عم الجن في حلول كتير
لو ليك واسطة في القسم ولازم واسطة شدو كل شوية علي القسم يتروق والله مرة واحدة و بعدها لو شافك هايمشي من شارع تاني ولو ليك حد تقيل في المرور تجيب الونش ياخدها او يكلبشها
او زي ما الاعضاء قالو قفل بجنزير و حديدتين
او لما تيجي طالع تجيب عربية تانية تركنها قدام الجراج (حل مش عملي اوي )
او تجيبله بلطجي مش باقي علي حاجة و غشيم يعني لو اتسجن باقي حياته مش فارقة معاه و لو ضيعه برضو مش فارقة معاه و الحل ده مش حلو حرام ممكن يموت ولا حاجة تبقي اشتركت في قتل نفس بسبب حاجة ماتستاهلش
و في حاجات تانية شيطانية
زيت باكم علي السقف و الكبوت و الشنطة
خشبة بمسامير تحت اي عجلة
اربط العربية بحجر كبير بجنزير
مسمار و اكتبله شتيمة علي الكبوت
يوم تاني و اكسرله فانوس
لو عرفت تفتح تانك البنزين فولو التانك (حط اي حاجة ربنا يقدرك عليها )
الشر مفيش اسهل منه
أستاذ ورئيس قسماقتباس:
المشاركة الأصلية كتبت بواسطة mshmshm3
اولا ماتكلموش خالص
هاتلو فرده واحده علي الارض
بس تخرمها من جنبها 6 او 7 اخرام علشان ماتنفعش تاني
هو الرجل بتاع الكاوتش هايفهمه غلطه
معلش انا عندي إعتراض علي كلام من اللي اتقال هنا
لو فضالوا العجل او خرملوا العجل هو كدة عمل مشكلة كبيرة لنفسه لإن صاحب الموضوع قايل إنه بلطجي.
اية البلطجة دي كلها واضح ان البلد كلها بلطجية حضرتك ماقولتلناش الجراج دة خاص بيك وببيتك ولا لا ولو هو ملكيتك يبقي بمنتهي السهولة بلغوا الاول بان دى ملكيتك ولايجوز انة يقفل عليك مخرج السيارة في ملكك بعد كدة محضر اثبات حالة وتثبت فية تعمدة تعطيل خروجك وياسلام لو بلاغ للنجدة علشان التثبات والمحضر يهتموا بية بعدها محضر تاني بتعمدة ايذائك بالسب وشهادة من مستشفي باصابات وكدمات تحتاج علاج اكتر من 21يوم وهيتحول للنيابة وترفع قضية وتطالب بتعويض لو عايز ولو انت طيب اكتفي بتعهد بعدم التعرض ليك في النيابة مش القسم صدقني الاعيب المحامين بلا حدود وتشيب راسة وعيلتة كلها وبلاش امور تاخد حقك بدراعك دى لانها بتخسر كتير وبتقلل من احترامك لذاتك ونظرة الجيران ليك بتبقي وحشة وفي الاخر بقيت زيه مافيش فرق تحياتي وخلي نفسك طويل مع الاشكال دى هتكسب كتير
مش هعرف اوضحلك ازاى تتعامل مع الموقف دة
بس انا لو مكان حضرتك هعرف اتعامل معاة كويس
سيبك من المحاضر لأنة ممكن يتبلى عليك ويعملك محضر وحش وانت مش وش كدة
حاول تستخدم معاة لغة التهديد باصحابك ومعارفك الواصلين وانك ممكن تعمل الغلط بس ميخلصكش لأنة جارك
وطبعا اللى احسن من كدة خالص وتقلب العداوة محبة لو عملت معاة واجب تمام واجب جدعنة مش تروح تجبلة حشيش
طبعا كل اللى الكلام اللى انا قولتة دة مش هو اللى لو انا فمكانك كنت هعملة
انا ممكن اعمل حاجات اخلية يعزل من المنطقة كلها
متابع
+1×1
كل يوم صحيه الساعة 2 قبل الفجر وقول له عاوز أخرج وانت قافل علية
حطله بططسايه في الشكمان وازنؤها جامد واحشرها جوا الشكمان هيموت من الغيظ ومش هيعرف يدورها ومش هيعرف السبب وهيجنن أو حطله مسمارين في عجلتين عكس بعض ادام يمين وورا شمال برضه هيحتاس معاهم
فكرة جامدة بس الموز اسهل من البطاطساقتباس:
المشاركة الأصلية كتبت بواسطة hitmangate
كل دي افكار ؟؟؟؟؟؟؟؟؟؟؟؟
ربنا يقويك و تحلها بالحسني .... و لو مش بالذوق حاول تبقي حاجه قانوني بلاش تبقي بلطجي زييه
و الطريقه هتسأل محامي و هو هيبلطج عليه قانونيا
اية كم الافكار الشيطانية دي
المواجهة احسن
جيبلة جماعة من حبابيك واصحابك واقعدو معاة قاعدة رجالة
وهو لنا يعرف انك مس لوحدك هيتلم
ياعم ريح نفسك و اعمل عواميد حديد قدام الجراج و لو الشرطة جت و شالتهم ( و دي استحالة اساسا ) ابقى اعمل غيرهم
بس ما تنساش تعمل سلسلة بينهم عشان مايركنش في النص
هو انت جربت تكلمه وهو قالك حاجه جرب جايز يلين ويسمع الكلام ويادار مدخلك شر
اقفل مدخل الجراح باي طريقة
متخليش حد ينفع يركن
الساده اعضاء المنتدى اشكركم جميعا على اقتراحاتكم
لكن المشكله انه بلطجى و قافل على العماره كلها و لما بحب اطلع بيدلع اوى و ينزل بعديها بنص ساعه
و بعدين انا عندى عربيه تانيه بركنها فوق مش فى الجراج بس فى مكان مميز تحت البيت
قاللى بقولك ايه شيل العربيه بتاعتك من هنا علشان عاوز اركن هنا
قولتله يعنى ايه اشيل عربيتى قاللى بقوللك ذوقيا شيل عربيتك
قلت له انا مش حشيل عربيتى و يعنى ايه اشيل عربيتى علشان تركن انت
قعد يشتم و يسب و لم الشارع علينا و الناس كلها غلطتو و هو و لا هنا
و ان بصراحه مش بعرف اتعامل مع الناس دى و قعدت اقوله يا عم اتق الله دا احنا لسه مصلييين الجمعه فى نفس الجامع من 10 دقائق - يا عم ده يوم جمعه يعنى يوم مفترج
و هو كأن بالوعه مجارى انفتحت فى بقه بأحط و اسوا الالفاظ
انا بقيت مش عارف ارد عليه و االى كان من السكان بيدخل يقوله عيب يطيح فيه و يقوله و انت مالك انت
واحد جارنا من العماره نزل على صوت الخناقه و ساحبنى لحد ما طلعن شقتى و قاللى متقلش قيمتك مع واحد زى ده
لا حول و لا قوه الا بألله العلى العظيم
حسبنا الله و نعم الوكيل
طالما وصلت لكدة انا لو مكانك هقوله مش هشيلها و اعلي ما خيلك اركبهاقتباس:
المشاركة الأصلية كتبت بواسطة ahmedtalat
و لو راجل يلمس العربية ساعتها هولع في امه
او خليه يركن مكانك و اقفل عليه بالعربية التانية و لو عايز يخرج اعمل زي ما هو بيعمل
موقف زي ده حصل معايا من سنتين
لا اله الا الله
للاسف فى ناس كدة
بس تخيل يا اخى ان ده مريض نفسى كل ما بيشوف حد احسن منة بيضايق وكمان مبيعرفش يسيطر على نفسة ربنا يشفية
اولا فى بلدنا العظيمة مصر لازم تتبع الاصول قبل القانون بمعنى اطلب منة حقك بمنتهى الهدوء والاحترام بصيغه ما تقفلش عليا علشان مقفلش عليك
ثانيا لازم الكل يشهد معاك
ثالثا لو اتكرر الموضوع تانى لازم تعمل محضر وللاسف تصرف علية علشان تاخد حقك
ربنا يعافينا ويهدى الناس
ربنا يقويك عليه