مش عارف اركن بسبب الجيران
انا يا جماعة عندى مشكلة فى موضوع الركن دة
كان الاول والدى و عربية تانية بس اللى بتركن فى مكان كدة و باقى السكان كانوا بيركنوا فى حتة تانية عشان المكتن دة فيه قهوة
المهم
بعد ما انا جبت عربية فى واحد جارنا جاب هو كمان عربية بعديا بيومين
فبقينى اربع عربيات
شوية شوية الناس حلى فى عنيها المكان و جه كل السكان يركنوا هنا
بقى عدد العربيات كتير
السكان اتلموا (من غيرنا ) و اتفقوا على مكان كل واحد و كان من ضمن التشكيلة بتاعتهم انى اقف تحت الشجرة (ورق شجر و نراب و قرف)
بعد كدة جت عربية زيادة
اتفقوا مع والدى ان انا و هو نقف ورا بعض بالطول بحيث اننا نقدر نتصرف مع بعض
طبعا الكلام دة معجبنيش بس انا فوت كدة منعا للمشاكل
و موضوع انك تنزل تشتل العربية و بعد كدة تخرج عربيتك و اطلع ارجع المفاتيح بتاعة والدى و بعد كدة انزل امشى مقرف اوى بصراحة و كنت زهقت بس للاسف والدى ادبس و قالهم خلاص ماشى و والدى من النوع المسالم اللى مش بيحب حد يزعل منه حتى لو جه على نفسه
بعد كدة جة والدى فى يوم راجع البيت و لقانى واقف و المكان اللى جانبى فاضى راح وقف فيه
الباشا اللى المكان بتاعة جة وقف فيه راح قفل على والدى و شد الفرامل و ساعتها كنت انا برة (ياعنى المكان بتاعى فاضى و كان ممكن يقف فيه ) و لما انا جيت و شوفت كدة طبعا اتدايقفت
عقبال مطلعت لقيت التليفون بيرن كان بيتصل بينا( و احنا عادة عندنا اننا لو نمرة غريبة مش بنرد ) و الموبيل كمان بتاع والدى بيرن و والدى و هوا نايم بيعمل الموبيل سيلنت
لما جينا ننزل انا و والدى طبعا بنكلموا مش بيرد ولا بيفتح الباب و بعد خمس دقايق لقيته طالعلى من البلكونة و بيقولى عايز ايه يا اسلام
قولتيله انزل شيل العربية راح قالى انا مش قولتلك متقفش هنا قبل كدة
روحت مخبط معاه فى الكلام
بعد مرجعت البيت لقيت الباشا عامل حديدتين حاجز بيهم المكان
ليلة العيد كنت سهران برة و رجعت لقيت ولما رجعت البيت ملقيتش غير والدى بس روحت و قفت جنبة مش وراة
لما الراجل اللى انا وقفت مكانه جة راح قفل عليا بس انا منزلتش و تانى يوم لقته واقف مكانى مردش اقفل عليه بس تانى يوم لما لقته لسا واقف مكتنى روحت قافل عليه بس هوا لحقنى و انا نازل و قالى انا ماشى دلوقتى رديت عليه بقلة ذوق بصراحة و قلتيله عدى عليا و انت نازل و نا هاشيلهالك
و حصلت مشكلة طبعا بسبب الموضوع دة و مش عارف اعمل ايه مع الناس دى الصراحة لان صعب انا و والدى نقف ورا بعض كل يوم بجد الموضوع مقرف
اسف يا جماعة طولت عليكم
بس انا فعلا مش عارف اعمل اية