الموضوع: اكسنت rb 2012 - ياريت الناس تساعدني

-أصوات اللي تحسها جاية من التكييف ناحية درج التابلوه كانت عندي و أختفت لوحدها رأي بلاش تشغل بالك فيها لو سبت الصنايعية يفتوا هيدمروا العربية
-السخونة عندي برضو و لما بحس بيها بشغل التكييف أسهل حل :d
-المساعدين عيب ف كله و لما تغيرها العربية هتنشف كأنها جنط 17 بس لازم تغيرها ﻷن فعلا القديمة خفيفة جامد

المشاركة الأصلية كتبت بواسطة ahm.mngm

السلام عليكم
انا بقالى فنره طويله جدا مش بدخل على المنتدي مع انى عندي كام مشكله فى العربيه بس عارف ان مفيش وقت انى اروح اصلح عشان كده مسالتش وسجلت كل حاجه لما اخدت اجازه بس طلبي ان الناس تساعدني بسرعه قبل ما الاجازه تخلص

انا عربيتى ار بي 2012 وشاريها مستعمله ( ومرحتش التوكيل ياعني بره الضمان )

1- انا شفت الناس بتتكلم على المساعدين اللي ورا هل دا كان عيب فى 2011 بس والا كله , طبعا العربيه مستواها منخفض وبتحك بس اتحسنت بعد ما غيرت لجنوط 15 لكن عندي ملاحظه انى لما باخد فواصل الكباري لو كانت فرقه شويه او عاليه العربيه بترزع جامد وزي ماتكون بتروح يمين من ورا مش بتثبت وهيا بتاخد الفاصل دا !!!

2 - التكيف بيعمل صوت كركره او حشرجه مع صوت الموتور ودا وهيا واخده نقله او ماشيه انما لو الفتيس على p او N مش بيعمل الصوت دا حتي لو دوست بنزين !!

3- بحس ان العربيه سخنه من الصالون مع انى فصلت السخن وكان عندي ماسوره من جمب دوايه البنزين بتبقي مولعه نار على طول بعد ما فصلت السخن معدتش بتسخن لكن مازال الجو جوا العربيه سخن ( المصدر اللي واضح قدامي من تحت فرامل اليد

4- استهلاك البنزين احساسي انه كتيررر بيجيب دلوقتي فى العداد 14L/100Km هوا اغلب مشيي جوا البلد

5- اللزق الاسود اللي على الابواب اللي بيبقي حوالين الزجاج , دا باظ وفي حتت منه طلعت وعاوز يتغير !! هل بيتباع جاهز عند غبور والا لازم يتعمل ؟


انا اسف جدا على الاطاله بس نفس اخلص القصص دي كلها اليومين اللى واخدهم اجازه

هرد على اللى اعرف اكلمك فية
موضوع المساعدين العربية بتنزل بيهم لازم يتغيروا لانهم سوفت جدا والعربية اكيد هتحك والثبات بقل معاهم طبعا لو انت برا الضمان وعايز تغيرهم ممكن تغير باكتر من نوع مش لازم بتوع التوكيل ممكن kyp او مونروا او موندو


استهلاك البنزين بيعتمد على دوسة البنزين يعنى جرب تفول العربية وتدوس بنزين وبعدين تمشى على مهلك بدوسة خفيفة هتلاقى الاستهلاك ممكن يوصل 4.5 اربعة ونصف او خمسة لتر لكل 100 كيلوا
وجرب تشغل التكييف وتقف بالعربية وتزود بنزين الاستهلاك هيوصل 99 لتر تسعة وتسعين لتر

الخلاصة بعد ما تفول العربية لو هتاخد مشوار طويل على سرعة معقولة الاستهلاك هيبقى قليل والعداد مش هيزيد اوى
اما لو فولت وشغلت التكييف ووقفت او وسط زحمة هتلاقى ارقام غريبة

أيه أخر صيانة عملتها والعربية ماشية كام كيلو

انا عملت صيانة ال 20 بس في مركز معتمد ومشترتش كل حاجه ! لان الاسعار كانت غاليه جدا


بالنسبه للاصوات بتاع التكييف هيا جايه من ناحية الموتور مش من التابلوه وبتيجي لما الكومبروسور يبقي شغال والنهارده كنت مشغل التطييف فتره طويله حسيت بصوت زي سير بيوش كده لما ادوس بنزبن واسيبه وال rpm معدي على رقم واحد يقوم عامل صوت زي ما يكون بيحك فى حاجه !!! هوا في سير للتكيف ؟؟؟؟؟؟؟؟؟؟ بس كمان بيزيد صوت صفاره ظهرت جديد ودي ملهاش دعوه باي حاجه بتيجي وتروح لوحدها بس جايه من تحت درج التابلوه

بالنسبه للمساعدين هل فى اي فكره عن الاسعار . والمونرو اسمع انه ناشف ؟؟؟؟

بالمناسبه انا سالت على اللزق اللى على الابواب , موجود عند غبور القايم بتاع الباب الامامي ب 40 جنيه والقايم الخلفي ب 35 جنيه وطبعا لسه في حته تانيه فى كل باب بس مسالتش عليها ( الباب الواحد قطعتين)


الف شكر يا جماعه على الرد

نمشى خطوة خطوة أولا أستهلاك البنزين أعتقد بالفعل عالى عندك لكن وعن تجربة بعمل عمل الصيانة الدورية خصوصا تغيير شمعات الأحتراق وفلتر الهواء وفلتر البنزين سيعود ان شاء الله معدل الاستهلاك لوضعه الطبيغى

ممكن تجيب قطع الغيار من خارج التوكيل أرخص جدا ومتاح بدائل كورى لكن لا أفضلها صراحة
يعنى أسعار فلتر الهواء تبدأ من 40 جنية وسعر فلتر الهواء الأصلى 90 جنية ونفس الحال بالنسبة لباقي قطع الغيار فمتقيدش نفسك باسعار التوكيل لأن بره أرخص مليوووون مرة وفي نفس الوقت العربية ميكانيكا موش معقدة أنتا ممكن تعمل الحاجة بنفسك أو استنضف واد ميكانيكى نضيف

تانى حاجة بالنسبة لمشكلة المساعدين ده عيب فيها بالفعل وبتتغير فى الضمان لان المساعدين اللى كانوا فيها سوفت لا يتناسبوا مع الطرق عندنا
ولو حبيت تغيرهم شوف الموضوع ده واسعارهم وهتلاقى اختلاف كبير بين اسعار بره والتوكيل

http://www.nilemotors.net/Nile/435185-a.html

وفيه موضوع باسعار قطع الغيار بره وجوه التوكيل
http://www.nilemotors.net/Nile/335138-a.html

بالنسبة لموضوع التكييف هارجعلك فيه كمان شوية بس اكشف على السير لان اعتقد حان موعد تغييرة لان العربية موديلها 2012
وده سير مجموعة بيبقى سير واحد وكنت جايبه ب 100 جنيه تقريبا
وعالفكرة لو غيرت اعتقد مشكلة التكييف هتتحل