المشاركة الأصلية كتبت بواسطة hany63
يا صديقي العزيز
من يقول ان الفلوانس مثلا برقبة السيفيك
ولا الباسات برقبة الاكورد و بعدين الفرنساوي اللي مش عاجبك و قلت عليه كله مش نافع كان
منزل عربيتين زمان حلم اي شاب و فتاه ال٥٠٤ و ال ٥٠٥ انا معاك انهم عكوا كتير ردح من
الزمان ( حلوه ردح دي ) وانا مجرب ده فعلا بس ايه اللي يمنع انهم يظبطوا تاني بدليل انهم منزلين
موتور بي ام و الفتيس سيستم بورش في ال ٥٠٨
لحد هنا احنا متفقين
فعلا ال 504 قمه الجمال و الاعتماديه ,, انا ليا صديق معاه 504 اوتوماتك و الفتيس زى الفل (رغم انه حتى مش بيغيرله زيت )
و العربية فعلا بحاله الزيرو لحد دلوقتى و لسه بقطع غيارها الاصليه رغم انها موديل 1978 afair
و المشكله الواضحة اوى ف الموديلات اللى فعلا الفرنساوى عك فيها مع بدايه الالفينات
و نتعشم ان الفلوينس و ال 508 يكونوا بدايه جديده
كل حاجه فيها و فيها و اكيد ممكن ماركه في الاوروبي تكون مش قوي بس اكيد لما تقارن
اعلى فئه فيها بفئة اقل في الياباني ده لو جاز اكيد الاوروبي هنا له اليد الاعلى عشان فئته اعلى
و بالنسبه لثبات السيفيك الياباني اكيد احسن من ال البيجو ٣٠١ الاوروبي
و احسن من عربيات اوروبى ف فئتها زى الفلوينس و الميجان و ال C4
بس عشان اوصل لك الفكره الثبات درجات يعني لو ادينا السيفيك ٦ و نص من عشره مقارنة
باحسن عربيه كوري تاخد ٥ قصاد البيجو و الباسات ٨ و البي ام و المرسيدس ٩ فما فوق
اكيد الدنيا لازم تختلف بدليل لما جبت ال ١٣٠ بالبيجو حسيت انها ٩٠ بالسيفيك و اللي راكب بي ام
الفئه الخامسه هيجيب ٢٠٠ كم هيحسه ١٦٠ بالباسات و هكذا
لو اتفقنا في المطلق ان الياباني احسن من الاوروبي ( مرضي كده ؟ )
اليابانى مش افضل ف كل حاجة ,, فى حاجات كتير بيتفوق فيها الاوروبى و بالذات الالمانى لكن من ناحيه الاعتماديية ,, اليابانى افضل من الاوروبى بفرق ملحوظ و من الفرنساوى بفرق كبيييييييير
و ف نفس الوقت اليابانى ما اتنزلش عن نقط مهمه زى الثبات و الامان
لو بصيت للسوق هتلقى ان الياباني بينزل اقل فئه عشان الجمارك و السعه اللتريه انما الاوروبي
بينزل فئات اعلى عشان جمارك اقل بسبب اتفاقية الجات و مواتير متربنه بتخلي العربيات الفخمه
تدخل شريحه جمركيه قليله فالفرق في الاسعار بقى قليل جدا يعني بدل ما اجيب عربيه ياباني هاي
لاين ازود حاجه بسيطه و اجيب اوروبي فئه اعلى بيزلاين و اتمتع بفرق امكانيات و قدرات مش
كماليات اعلى بكتير
ارجو اني اكون قدرت اوضح الفكره تحياتي
وصلت ياباشا ,,
المفضلات