الموضوع: ايه رأيكم في ال 406 موديل 2006

المشاركة الأصلية كتبت بواسطة hossam99

أنا شايف الموضوع ده من أول ما نزل بس قولت سيب الناس اللي سمعت تفضفض باللي سمعتة
يا جدعان بلاش تقييمات السمع دي ... مبتنفعش
نيجي للعربيه ... أختصاراً .. هاتلاقي نوعين من العربية دي :
الأول عربية أول يد مع صاحبها و صيانات منتظمة و كماليتها شغالة و حالتها هايلة
النوع الثاني هلكاااااااااااان و أشتغل و طلع عينة بدون صيانات و تحولت إلي مقلب زبالة

النوعين دول ملهمش تالت ...

قطع غيارها موجودة و أرخص من الكوري و الياباني و أصلي و من التوكيل و برة التوكيل في التوفيقيه و الحرفيين و كل شوارع مصر فيها حد بيبيع بيجو و اللي يقول غير كده يبقي عدس

الصيانات : طالما العربية سليمة يبقي مش محتاج غير صياناتك الدورية سيور و فلاتر و تيول و خلافة و دي أي صبي في أي ورشة يركبهم
لو حاجة كبيرة و محتاجة كشف اللي شغاليين في البيجو كتير و لو أني أفضل التوكيييييل

نيجي للركوبة : لا هاتنفع نقارنها بلانسر علشان ده ظلم للغلبانة لانسر اللي طبلوها و عدادتها لسة معتمين حتي و أحنا في 2014
و لا كورولا و لا إلانترا و لا أوبل ..... هي أرخص من كل دول في قطع الغيار و أقوي من حيث الصاج و العفشة و الصالون مريح أكثر
لو أشتريت عربية سليمة لا يمكن هاتفرط فيها و 70 أو 75 دول بيجيبو فيرنا و مفيش لانسر حالتها معقولة هاتعمل أقل من 95
ربنا يوفقك للصالح

متفق معاك في كل اللى بتقوله وانا بصراحه معرفش أسعار قطع غيار ال 406 بس اكيد كلامك صح لاني معايا باسات موديل 2000 ودي اللي يسمع سيرتها يترعب من كلمه باسات وقطع غيار بس في الحقيقه أسعار قطع غيارها ببلاش يعني في مره باظ مني رشاشاشين وموبينه جبت طقم رشاشات وموبينه استيراد ب 600ج الاتنين على بعض لو جبتهم للانوس هتلاقيهم نفس السعر ففعلا من كلامك اقتنعت أن قطع غيارها هتكون أرخص من الياباني وفعلا السمع مبوظ سمعه عربيات كتير

المشاركة الأصلية كتبت بواسطة monamize4

بص كدا ع الفيديو دا ,,, و قولى رايك
https://www.youtube.com/watch?v=nxcz2v-nif4

ههههههههههههه
طيب لية هو مغيرش اللمبات للوحش اللي كان في أول الفيديو ... الـ407 أغيرهالك و أنا سايق ... أسهل في الفك من المازدا الفاميلي
و بلاش كلام عن مبيعات بيجو علشان عاملة أداء عالمي و الثالث السنة دي (أوروبا)
و مفيش بلد بتدي قيمة للتويوتا غير أمريكا
و اللي أنا ذكرته و الله ما عيوب ... دي مواتير مطلوب منها أداء معين فمينفعش أحط طقم بوجيهات بـ45 جنيه لازم البوش بـ140 جنيه

مينفعش 2 لتر مياه و أزود الرياداتير ...لا لازم يبقي دورة التبريد مفيهاش الهوا و تستخدم سائل تبريد أصلي ب60 جنية الجالون ... دا أصلاً في عز الصيف و الحرارة 47 العربية بتجيب ماية من الشكمان فتخيل درجة الحرارة جوة عاملة أزاي فمتجيش تطفي الحريقة دي بماية من االحنفية.... مينفعش

موضوع توافر قطع الغيار بالنسبة لبعض المحافظات أكاد أجزم المحافظة و لا البلد اللي هاتلاقي فيها قطع التويوتا هاتلاقي فيها قطع البيجو و كده كده جميع محافظات الصعيد بينزلو بعربياتهم للصيانة في مصر


و مفيش حاجة أسمها التويوتا تعيش سنة و الفرنساوي قصادها شهر ... تويوتا مبتعملش عربية في الفئة من الكامري و نازل إلا هو موتور يفضل شغال مبيعطلش يفوت و ميعطلش متعملش صيانات و ميعطلش ... لكن إذ فجأة مفيش عربية بتتلاشي علشان أداك موتور خدعك
لكن عفشة و أجزاء صالون و باقي العربية بتتفكك مع الإستخدام ده و اللي بيبسط الناس منها إنه بعد ما يهنها بيلاقي اللي يشتريها مهانة و بسعر عالي

علي فكرة أنا راكب برضة ياباني لكن نظرتي للياباني مختلفة أنا بحب ألماني اليباني اللي هي المازدا ... بتحس إنك خدت بفلوسك خامة و ثبات و أمان و صاج
و كذلك الهوندا و السوبارو ... لكن برضة بتحس إنهم بيبزلو مجهود علشان يوصلو لرفاهية و أداء عربية من الفئة تحت المتوسط في الأوروبي
باقي الياباني شركات صف تاني و ثالث

المشاركة الأصلية كتبت بواسطة monamize4

طب مفيش حد ياجماعة ناوى يعلق على الفيديو ؟!!!!!!
مفيش حد ناوى يقول ان التعقيد و ال %$#@ دا هو قمه التكنولوجيا ؟؟؟؟
:copy of new:

يا صديقي العزيز ما اختلفناش على على فكره
المشكله انك بتعمم يعني حاطط الاوروبي في كفه و الياباني في كفه يعني مثلا من يقول ان الفلوانس مثلا برقبة السيفيك
ولا الباسات برقبة الاكورد و بعدين الفرنساوي اللي مش عاجبك و قلت عليه كله مش نافع كان منزل عربيتين زمان حلم اي شاب و فتاه ال٥٠٤ و ال ٥٠٥
انا معاك انهم عكوا كتير ردح من الزمان ( حلوه ردح دي ) وانا مجرب ده فعلا بس ايه اللي يمنع انهم يظبطوا تاني بدليل انهم منزلين موتور بي ام و الفتيس سيستم بورش في ال ٥٠٨
كل حاجه فيها و فيها و اكيد ممكن ماركه في الاوروبي تكون مش قوي بس اكيد لما تقارن اعلى فئه فيها بفئة اقل في الياباني
ده لو جاز اكيد الاوروبي هنا له اليد الاعلى عشان فئته اعلى
و بالنسبه لثبات السيفيك الياباني اكيد احسن من ال البيجو ٣٠١ الاوروبي بس عشان اوصل لك الفكره الثبات درجات يعني لو ادينا السيفيك ٦ و نص من عشره مقارنة باحسن عربيه كوري تاخد ٥ قصاد البيجو و الباسات ٨ و البي ام و المرسيدس ٩ فما فوق
اكيد الدنيا لازم تختلف بدليل لما جبت ال ١٣٠ بالبيجو حسيت انها ٩٠ بالسيفيك و اللي راكب بي ام الفئه الخامسه هيجيب ٢٠٠ كم هيحسه ١٦٠ بالباسات و هكذا
لو اتفقنا في المطلق ان الياباني احسن من الاوروبي ( مرضي كده ؟ ) لو بصيت للسوق هتلقى ان الياباني بينزل اقل فئه عشان الجمارك و السعه اللتريه انما الاوروبي بينزل فئات اعلى عشان جمارك اقل بسبب اتفاقية الجات و مواتير متربنه بتخلي العربيات الفخمه تدخل شريحه جمركيه قليله فالفرق في الاسعار بقى قليل جدا يعني بدل ما اجيب عربيه ياباني هاي لاين ازود حاجه بسيطه و اجيب اوروبي فئه اعلى بيزلاين و اتمتع بفرق امكانيات و قدرات مش كماليات اعلى بكتير
ارجو اني اكون قدرت اوضح الفكره تحياتي

المشاركة الأصلية كتبت بواسطة hany63

يا صديقي العزيز ما اختلفناش على على فكره
المشكله انك بتعمم يعني حاطط الاوروبي في كفه و الياباني في كفه يعني مثلا من يقول ان الفلوانس مثلا برقبة السيفيك
ولا الباسات برقبة الاكورد و بعدين الفرنساوي اللي مش عاجبك و قلت عليه كله مش نافع كان منزل عربيتين زمان حلم اي شاب و فتاه ال٥٠٤ و ال ٥٠٥
انا معاك انهم عكوا كتير ردح من الزمان ( حلوه ردح دي ) وانا مجرب ده فعلا بس ايه اللي يمنع انهم يظبطوا تاني بدليل انهم منزلين موتور بي ام و الفتيس سيستم بورش في ال ٥٠٨
كل حاجه فيها و فيها و اكيد ممكن ماركه في الاوروبي تكون مش قوي بس اكيد لما تقارن اعلى فئه فيها بفئة اقل في الياباني
ده لو جاز اكيد الاوروبي هنا له اليد الاعلى عشان فئته اعلى
و بالنسبه لثبات السيفيك الياباني اكيد احسن من ال البيجو ٣٠١ الاوروبي بس عشان اوصل لك الفكره الثبات درجات يعني لو ادينا السيفيك ٦ و نص من عشره مقارنة باحسن عربيه كوري تاخد ٥ قصاد البيجو و الباسات ٨ و البي ام و المرسيدس ٩ فما فوق
اكيد الدنيا لازم تختلف بدليل لما جبت ال ١٣٠ بالبيجو حسيت انها ٩٠ بالسيفيك و اللي راكب بي ام الفئه الخامسه هيجيب ٢٠٠ كم هيحسه ١٦٠ بالباسات و هكذا
لو اتفقنا في المطلق ان الياباني احسن من الاوروبي ( مرضي كده ؟ ) لو بصيت للسوق هتلقى ان الياباني بينزل اقل فئه عشان الجمارك و السعه اللتريه انما الاوروبي بينزل فئات اعلى عشان جمارك اقل بسبب اتفاقية الجات و مواتير متربنه بتخلي العربيات الفخمه تدخل شريحه جمركيه قليله فالفرق في الاسعار بقى قليل جدا يعني بدل ما اجيب عربيه ياباني هاي لاين ازود حاجه بسيطه و اجيب اوروبي فئه اعلى بيزلاين و اتمتع بفرق امكانيات و قدرات مش كماليات اعلى بكتير
ارجو اني اكون قدرت اوضح الفكره تحياتي

يا سلام علي الـ504 و الـ505 كان شعبياً يطلق عليهم "الدكر"
أول من عرف المصريين الفتيس الأوتوماتيك
أول من عرفهم الزجاج الملون (العسلي الشهير)
أول من عرفهم التكييف
أول من عرفهم الكراسي الأستوفة الفرنساوي
عربيات كانت بتطلع ليبيا و ترد ترجع علي سفاجا و محملة رايح جاي 7 أفراد بعزالهم أرتفاع دور و لسة شغالة علي هذا الحال

بالنسبة لموتور البرنس (Prince engines) فده مش بتاع BMW لوحدها ده ثمرة تعاون بين BMW PSA و حل محل TU القديم
و بيجو بذلت فيه مجهود زي BMW بالظبط

و علشان محدش يفهم غلط أنا عن نفسي ما بمجدش ماركة أو صناعة علي حساب أخري
لا ... أحنا بنوضح الإشاعات اللي الشعب المصري شغال عليها

و كده كده في النهاية الـ406 ملهاش منافس في مصر من الياباني أو الكوري و لا من حيث الشاسية و لا الموتور