ايه رأيكم في ال 406 موديل 2006

**م.احمد زكريا** · 20-08-2014 10:42 AM

نهاية القول للاستاذ صاحب الموضوع البيسأل عن البيجو 406

اركب وانت مغمض

ومش هاتعرف تركب بعديها الا بحساب

**hany63** · 22-08-2014 07:55 PM

المشاركة الأصلية كتبت بواسطة toola

بصوا اختصارا للموضوع، العربيه مسمعتش اى شكوى فيها غير الفتيس و كثر فيه القول من انه عيب صناعه ولا اهمال، و لنكن واقعيين، فيه نسبه خطر من الفتيس و خوفتنى اجيبها زمان، بش فى الوقت الحالى لو لقيت حاله حلوه هتتكلم فى سعر ٦٥ ل ٧٥ الف.

قدامهم هتاخد ايه:

ماتور ٢٠٠٠ سى سى عفى و عمره طويل.
صالون واسع و مريح و يعتبر شيك
عربيه لسه بيتبصلها انها برستيج و خصوصا لو شكلها الخارجى مهتم بيه
قطع غيار متوفره و باسعار مناسبه لناس كتير و مقارنه بكل العربيات الجديده
فيه اكتر من ورشه محترمه بتفهم فى العربيه ديه

شوف عشان تاخد عربيه بالمواصفات و المكانيات ديه هتدفع كام؟؟

طبعا صفقه رابحه لو وقعت على واحده حالتها كويسه و بسعر مناسب، مع وجود بردو دقات نقص من الفتيس.

راجل مدير تقيل عندنا فى الشغل معاه العربيه ديه من الزيرو ٢٠٠٢، و عداد هادى ٨٠٠٠٠ ك عشان كان رافعها و مسافر، معاه غيرها باسات الجديده التربو و فولفو ٢٠١٤، بس تقريبا مبيجيش الشغل غير بال ٤٠٦، و عمال ازن عليه يبيعها يقولى مسبهااش ابدا.

لو اعتبرنا ان العربيه عيبها انها بتحتاج لعمرة فتيس على ال ١٦٠ الف امال العربيات الالماني اللي بتجيب فتيس على ال ٢٠ الف ايه ؟ و ياريتها بترجع زي الاول

**Abdo Taha** · 22-08-2014 09:49 PM

المشاركة الأصلية كتبت بواسطة hany63

لو اعتبرنا ان العربيه عيبها انها بتحتاج لعمرة فتيس على ال ١٦٠ الف امال العربيات الالماني اللي بتجيب فتيس على ال ٢٠ الف ايه ؟ و ياريتها بترجع زي الاول

عمرة فتيس ايه على ال 160 الف ؟؟؟؟؟؟؟ ليه ده العربية عاملة 150 الف يعني مع تغييرة الزيت هعمر فتيس ده على الاقل 250 الف ده على الاقل

**TOOLA** · 23-08-2014 01:58 AM

المشاركة الأصلية كتبت بواسطة abdo taha

عمرة فتيس ايه على ال 160 الف ؟؟؟؟؟؟؟ ليه ده العربية عاملة 150 الف يعني مع تغييرة الزيت هعمر فتيس ده على الاقل 250 الف ده على الاقل

بقلك ايه يا عبده، ما تدينى رقم الراجل اخلص فيها ان شاء الله :) لو الحاله تمام

**Abdo Taha** · 28-08-2014 01:02 AM

رحت و شفت العربية و طبعا العربية نظيفة جدا جدا و ما شاء الله عليها ملاحظاتي كالآتي و هقارن ما بينها و ما بين الفيكترا سي

اولا المحرك :
مقارنة ما بين 2000cc و 1600 برضه غير عادلة و لكن هقارن برضه
ال 406 انعم من الاوبل بكتير و طلعة ال 2000cc برضو افضل و استجابة اسرع بس تحس ان موتور الاوبل عصبي شوية و عفي عنها على السرعات و مغري شوية بس كأستجابة ال 406 تكسب

الفتيس :
اكيد ال 406 تكسب الايزي ترونك عنيف عنيف يعني

التكييف :
حلو و مرضي و لكن الاوبل تكسب بأكتساح مع ان دي 2000 و دي 1600

العرض و الوسع و الشنطة : الاوبل اوسع بصراحة بس الى406 ركوبتها لا تقل عن الاوبل و عربية فخمة جدا لكن الاوبل sporty اكثر شوية و تناسبني اكثر كشاب

مجملا العربية جميلة جدا جدا و احتمال كبير نخلص فيها ان شاء الله و ادعولي ربنا يكمل على خير

بس سؤال معلش ازاي استخدم الدراع اللي بيقلب الراديو و يا ريت لو حد يقلي على لينك او موقع اجيب منه الكتالوج
و شكرا ليكم يا رجالة البيجو و قمتو بالواجب و زيادة و ان شاء الله احتمال كبير ابقى معاكم

**abou-yahia** · 28-08-2014 05:37 AM

التكييف كده محتاج يتضبط لانه قوي جدا راجع عليه

Sent from my SM-N900 using Forum Runner

**abou-yahia** · 28-08-2014 06:15 AM

وحته عصبي ديه انا مش فاهمها

حاسسها خيال عند بتوع الاوبل

الموتور سلس جدا بتوصل بيه 200 من غير اي مشاكل مالوش صوت

وخد في اعتبارك ان ده فتيس 4 نقلات

Sent from my SM-N900 using Forum Runner

-

الموضوع: ايه رأيكم في ال 406 موديل 2006

LinkBack

أدوات الموضوع

عرض

-

-

-

-

-

-

المواضيع المتشابهه

رأيكم فى جولف 5 موديل 2006

رأيكم في مابل أسباير موديل 2006

ايه رأيكم فى الفئة السابعة موديل 82 و موديل 91

BMW 523 موديل 2001 (أو) Volex Wagen Passat موديل 2006

bmw 316 موديل 2006 ام bmw 520 موديل 2002 رجاء ساعدوني في الاختيار بارك الله فيكم

الكلمات الدلالية لهذا الموضوع

المفضلات

المفضلات

ضوابط المشاركة