الموضوع: ايه الفرق بين الوديعة و شهادة الاستثمار

ليه يا باشا البنك الاهلى بيدى فايده كام علشان يكون اعلى بنك ؟؟ اللى اعرفه بنك saibank احد الاعضاء قالى عليه بيدى 12% على الشهادات تصرف كل 3 شهور

يا سلام عليك .
نرجو الأفادة لأنى مهتم بالموضوع نفسة

المشاركة الأصلية كتبت بواسطة lolnk

ليه يا باشا البنك الاهلى بيدى فايده كام علشان يكون اعلى بنك ؟؟ اللى اعرفه بنك saibank احد الاعضاء قالى عليه بيدى 12% على الشهادات تصرف كل 3 شهور

كان بيدي 11.45 من كام سنة و نزلوها بعد كده ل 11% و مش عارف دلوقتي كام.
البنك الأهلي 10.5 دلوقتي.
المهم ايه الفرق بين الوديعة و الشهادة.

الوديعه بيبقى العائد بتاعها عباره عن فلوس بتاخدها لأنك سايبها للبنك. اما الشهاده فهى أنك بتشترك مع البنك فى التمويل بتاعه فى اى من المشروعات الى هو مشارك فيها.
بالنسبه للعائد الشهاده بتبقى أعلى من الوديعه و ممكن توصل 13% (7 سنين و المبلغ اظن أقل حاجه 30ألف) فى بعض البنوك و بتبقى محجوزه طبعا و مينفعش تبعها غير بعد 6 شهور على الأقل و بياخد منك مصاريف فى المقابل انك مكملتش معاه . فالأخر انا كتير حسبتها هو الموضوع انك بتحاول تحافظ على القوه الشرائيه لفلوسك بمقدار الزياده لأن بعد 5 سنين بتلاقى ان كل الى لميته مساوي تقريبا لو كنت أشتريت عمله او دهب بالرغم من أنهيار سعر الدهب فى الفتره الماضيه .
حاول تجيب بيهم حاجه سعرها ثابت او بيعى زي المعادن النفيثه (ذهب . فضه ....) او عقار أو عمله أجنبيه (دولار . يورو أو حتى أسترليني . لان فى الأخر فعلا تحس ان الفلوس قوتها الشرائيه بتتضيع.

المشاركة الأصلية كتبت بواسطة svneleven

كان بيدي 11.45 من كام سنة و نزلوها بعد كده ل 11% و مش عارف دلوقتي كام.
البنك الأهلي 10.5 دلوقتي.
المهم ايه الفرق بين الوديعة و الشهادة.

saibank الفايده 12% ومتاكد

تقريباً الاتنين واحد
الوديعة هي مبلغ من المال حضرتك بتحطه في البنك فترة زمنية متفق عليها لا يجوز انك تكسر الوديعة قبلها والا هتخسر الفايدة بتاعت الوديعة والعائد مرتبط بمدة الوديعة والعائد يصرف اما سنوياً او اخر المدة او كل 3 شهور حسب الوديعة والاتفاق
شهادات الاستثمار نفس التفاصيل بتشتري شهادات بمبلغ معين مضاعفات الاف مثلا ولمدة زمينة كل ما تكبر الفائدة الشنوية تكبر والفوائد تصرف برضه سنوياً او كل 3 شهور

الاتنين ينفع الاقتراض بضمانهم
الاتنين مرتبطين بمدة زمنية لا يجوز سحب المبلغ خلالهم الا بخسارة الفوائد وبعض المصاريف الاخري
الاعلى في العائد الشهادات وبتوصل في saib فعلاً ل 12 % وفي اعلان ليهم انها بتوصل 13% بس اكيد للشهادات ال 5% والفوائد اخر المدة عشان تعمل اعلى عائد

الوديعة تتميز بزمن متغير يعنى ممكن تطلب من البنك وضع وديعه لمدة محدودة 6 شهور مثلا او 9 شهور و بتكون نسبة الفائدة قليله نسبيا , الشهادة بتكون لفترة ثابته و عاده من 3 -5-7 لحد 10 سنوات و استردادها قبل ميعادها بيعرضك لخسارة كبيرة حيث تخصم الفوائد + مصاريف ادارية حيث يعتبر انك اخليت بشروط التعاقد لكن فى الودائع قصيرة الاجل المشكله دى تقريبا مش موجودة. وممكن تعمل وديعة شهرية ( للطوارئ) و أخرى سنوية او شهادات.
الموضوع الاهم وهو احتياجك المالى : الشهادات او الوديعة لو عايز دخل شهرى تبقى مناسبة لكن لو مش محتاج سيولة او دخل شهرى يبقى عليك و على العقارات سواء شقق او اراضى لتعويض التضخم السنوى.
أخيرا بنك saibank فعلا بيدى 12% شهادات 3 سنوات و يصرف العائد كل 3 شهور و عموما خلال ايام البنك الاهلى و بنك مصر و بنك القاهرة هيصدر شهادات تسمى شهادات قناه السويس بضمان البنك المركزى مدتها 3 سنوات بفائدة 12% و تصرف ايضا كل 3 شهور و ربنا يوفق

يعني تقريبا بالشهادات
اللي 50 الرف كف يجيبةا عائد 500ج شهريا يصرف كل 3شهور