الموضوع: تقيم لمراكز خدمة كيا

السادة الأفاضل وحوش كيا
إيه رأيكم كل واحد يقول تجربته مع وكيل كيا أثناء الصيانة وطريقة التعامل ومستوي الخدمة وإذا كانت مشكلته أتحلت ولا لأ علشان كنا نعرف نتوجه لأي فرع

أنا معايا سيراتو 2015 وكيل ورحت عملت صيانة الألف فى توكيل المقطم
للأسف المهندس اللي قابلني تقريبا اول مرة يشوف العربية لدرجة اني سالته علي عدادات متوسط البنزين قعد يفكر فيها , وقولتله إني سامع صوت الكاوتش جامد جدا جوه العربية قاللي دا عادي من غير مايطلع يجرب جايز يكون دا صوت حاجه تانية والغريب انهم بعد لما خلصو الصيانه حسيت ان سحب العربيه قل ومعدل إستهلاك البنزين ذاد رجعتلهم تاني قالولي بردو عادي
تنصحوني اروح أي مركز خدمة يكون المهندس هناك فاهم وبيسمع

حصل معايا بعد صيانة الاف ... زيادة معدل استهلاك البنزين لكن بعد حوالى 600 كيلو العربية اتظبطت متقلقش .. الصوت الى انت سامعو دة بسبب الكاوتش فعلا كاوتش سيء وهتسمع صوت صرخة خفيفة مع الفرامل نصيحة لو تقدر تغير الكاوتش هتبقى استريحت مقدرتش يبقى استنى لما يتهلك وغيرو