السلام عليكم
كنت بدور على المستعمل فى السيارات ولفت انتباهى ان العربية نيو صنى 2014 و2013 بتتباع بطريقة غبية ومنها اللى عامل 1500 كيلو و2000 كيلو وانت طالع والغريب ان البائع مغيرش اى حاجة للعربية ومعملش بيها اى حادثة ....وافتحوا دوبزيل وشوفوا بنفسكم عايزين تفسير للموضوع ده
العربية مليانة مشاكل
و كل يوم موضوع شكل من احد اﻻعضاء عن مشكلة قابلته
ابعد عنها احسن
انا مش هاجبها بس استغربت اوى لما لقيت ناس ماشية الف كيلو وعارضين العربية للبيع وناس تانية ماشية الفين ...اتحيرت اوى والمصيبة انهم كاتبين العربية فبريكة وكل صيانتها فى التوكيل.....لما هيه فابريكة وكل الصيانة عملوها فى التوكيل وموديل 2014 بيبعها ليه ده بس اللى محيرنى
عادي يا كبير اكيد اتخدعوا في اسم نيسان زي ناس كتير .. ولسة بيكابروا لحد دلوقتي
الناس كانت فاكراها زي الشكل القديم او احسن منها بس اكتشفوا
صاج ضعيف
تيل فرامل نوع ردئ
ثبات وحش جداااا
دا غير كميه الحوادث بسبب الفرامل والتعويم وايرباجز مفتحتش مع ناس وكله بالصور هنا فالمنتدي وعلي جروب الفيس بوك
فالبدايه خالص حذرت الناس منها بس ماشوفناش غير الهجوم الغير مبرر والغريب ان دلوقتي بشوف الناس اللي دافعوا عنها اعترفوا أخيرا بعيوبها دا غير طبعا اللي لسه بيكابر معرفش ليه
اقتباس:
المشاركة الأصلية كتبت بواسطة Adnfalcon
في واحد في nissan team egypt مصمم ان العربية بتاعته اثبت من الاوكتافيا a4 اللي كانت معاه قبل كدة .. بيقولي باخد غرز عال 200 -_-
اقتباس:
المشاركة الأصلية كتبت بواسطة eng f3lix
عايزك يكون عندك حسن النيه دايما و فعلا كلامه ممكن جدا يكون حقيقي يعني أنا لما قريت كلامه . . أول حاجه جت علي بالي انه يقصد انه معاه نيسان gtr مش sunny !!!!!!!
عادى جدا علشان العربية انتشرت كتير اوى
أكيد بيهزر هي كبيرها 120-130 و ده معقول جدا بالنسبة لطرق مصراقتباس:
المشاركة الأصلية كتبت بواسطة eng f3lix
اقتباس:
المشاركة الأصلية كتبت بواسطة adnfalcon
هو ده الكلام اللي كتبتهوله بالظبطاقتباس:
المشاركة الأصلية كتبت بواسطة adel_edrees
اقتباس:
المشاركة الأصلية كتبت بواسطة eng f3lix
معلش اي عربيه زيرو يطلع عليها كلام . . تلاقي ناس تدافع و ناس تهاجم . . و نادر جدا لما تلاقي حد بيقيم تقييم منطقي بدون تحيز وبفرح جدا لما الاقي مالك لعربيه و ينتقدها :Copy of new:
سياره مشاكلها كتير
اسف انى عارضتك فى يوم من الايام.واعترف امام الكل ان كلامك كله طلع صح عن العربية دىاقتباس:
المشاركة الأصلية كتبت بواسطة adnfalcon
والله أنا مش فاكر لأن ذاكرتي ضعيفهاقتباس:
المشاركة الأصلية كتبت بواسطة sameh1982elola
وعموما بلاش تتأسف كلنا بنتخدع فحاجات فاكرينها نينجا و تطلع ترتر
والله ده سبب رئيسى مخلنيش اشترى العربية ......انها بتتباع فى نفس سنة شرائها وما شية اقل من 5000 كيلو.....والغريبة انه منزل من سعرها 6 او 7 الاف فعلا حاجة تخوف
العربية باعت كتير جدا جدا .. ومازالت والموضوع في النهاية نسبة وتناسب يعني في غير الراضي عن العربية وده بنلاقيه حتى مع المرسيدس والميني والبيمر اللي بيشتريها ناس ومتكملش معاهم كام الف كيلو وتلاقيه عارضها للبيع .. معرض الفخراني في اسكندرية مليان بالحالات دي .. وفي اللي عاوز عربية اعلى واغلى وهكذا .. العربية 2013 معايا ومش متخيل نفسي اجيب غيرها ب 110 الف وقتها .. عربية هادية جدا وعالية ودي ميزه كبيرة وعائلية بامتياز .. وبنقول دايما اللي خايف منها ومقلق مايشتريهاش .. لكن كتجربة مالك العربية كويسة جدا في فئتها ..
اى عربيه هتلاقى فيها كده
هو بس علشان الكل مركز على الصنى فباين انها كثير
افتح دوبزيل وشوف فى الاسكندرية كام عربية صنى الشكل الجديد 2014....لسه مكلم واحده امبارح عايزة تبيع عربية معملتش الف كيلو موديل 2014 ......حاجة تجنن
مادام حضرتك مش عجباك العربية ومخوفاك متشتريهاش......شاغل نفسك بيها ليه.....الموضوع نسبي ومش شرط اللي يعجبك يعجب غيرك.....ولو حضرتك نزلت المهندسين شارع أحمد عرابي عند المعارض المتخصصة في المرسيديس والبي أم هتلاقي مرسيديس وبي أم بيتباعوا موديل السنة وكسر الزيرو......هل ده معناه إن المرسيديس والبي أم وحشين؟........لولا إختلاف الأذواق لبارت السلع
فعلا سيادتك أكيد حاجة تجنن مع أن العربية مالية الشوارع و كل اللى موجود منها على موقع دوبيزل 169 سيارة فقط من الفترة من فبراير 2013 الى أغسطس 2014اقتباس:
المشاركة الأصلية كتبت بواسطة sameh1982elola
مع العلم انها محققة مبيعات قياسية فى 3 سنين
بس كنت اتمنى من حضرتك تشوف العربيات التانية زى البيجو 301 مثلا اللى موجود منها 117 عربية كلها كسر زيرو موديل 2014 و 2015 فقط مع العلم بان البيجو مش منتشرة زى الصنى.
فهل دة دليل على ان البيجو 301 عربية فاشلة مثلاً !!!!!! اسيب الرد لحضرتك
عموماً العربية معايا و ما ظهرش فيها اى مشاكل حتى الان . و من وجهة نظرى المتواضعة هى أفضل إختيار فى فئتها السعرية.
زى إية مثلاً؟. نحب نستفيد من حضرتكاقتباس:
المشاركة الأصلية كتبت بواسطة د.عماد صلاح