ممكن تعلق نمر تجاريه تقريبا اليوم ب 150 جنيه
والف مبروك وحاول تتجنب عيوبها هاتبقى معاك تمام وزى الفل
عرض للطباعة
صني الشكل القديم 2015 بس لو تعرف تجيبهاااا تعمل في حدود 115 الف و ان شاء الله خاليه من المشاكل و قطع غيار عند البقال و موتور ياباني
الف مبروك علي الغربيه وربنا يديك خيرها ويكفيك شرها واهم حاجه حافظ علي العربيه ومتجريش اكتر من 120 كم|س علشان العربيه خفيفه وربنا يكرمك بيها
الف مبروك وتوكل على اللة انا معايا 2015 عامل بيها 2500 العربية كويسة بس متجريش وربنا يكفيك شرها وخد طبعا كتاب الضمان
اتفضل
http://www.nilemotors.net/Nile/212403-a.html
والف مبروك مقدما
طلع حاجه لله قبل ماتركبها
وشغل ادعيه وقران فيها
وماتزودش عن 3 ار بى ام خلال ال 1000 ك الاولى وماتعديش ال 100 لغايه ماتلين
ربنا يباركلك فيها ويكفيك شرها ان شاء الله
شوف يا باشا الخيره فيما اختاره الله وانت استخرت ربنا يبقي دي احسن حاجه ليك ولو جبت حاجه
تانيه مش هتبقي احسن منها عشان صلاه الاستخاره مش اكتر
انا كنت زيك واستخرت ربنا وجبتها والحمد لله ادعي دايما بالستر وادعيتك والقران ضروري في اي عربيه
ربنا يباركلك
ألف مبروك يا باشا العربية..و ربنا يرزقك خيرها و يكفيك شرها..
العربية ثابتة لحد 160 و هي راكب فيها 4 و سحبها كويس..و أنت لوحدك بس فوق ال120 بلاش غرز خطف أو غرز مزدوجة..ثباتها في الموضوع ده مش قد كده..الفرامل كويسة مش وحشة..هي فيه عربيات بيبقى نوع التيل وحش..و التوكيل مع الزن بيغيره..و متيألي اتحلت أصلاً بعد موديل 2013..
بالنسبة للورق هتاخد الورق من الوكيل و اتأكد إن فيه ورقة فيها أرقام شاسيهات العربيات اللي نيسان عملتها و يبقى فيها رقم الشاسيه بتاع عربيتك علشان وقفوني عليها في المرور عشان العربية تقفيل مصري..مش فاكر اسم الورقة إيه صراحة و مفروض اصلاً إنها موجودة في المرور بس هما بيكسلوا و المناديب بيصوروها عشان ياكلوا عيش..انت اتأكد إن التوكيل أو المعرض مديهالك..و بعد كده بقى العادي..وصل الطفاية و المثلث و شنطة الإسعافات و التأمين الإجباري و هتفحص عادي..و كل ما تروح بدري كل ما كان أحسن..
و أنا شخصياً مشيت بالعربية من غير نمر أسبوعين و كان معايا ورق ملكية العربية و الحمد لله محدش وقفني..و اللي يوقفك كله لسه جايبها من المعرض و هرخص لسه..
و ألف مبروك مرة تانية و يرزقك خيرها و يكفيك شرها.. :)
ازيكم يا رجاله هتستغربو انا عملت ايه
اخدت الفلوس وكنت رايح احجز الصنى وفى اخر لحظة وانا فى المعرض الراجل بيقلى هتاخد الصنى خلاص قلتله لا هاخد لوجان الراجل نفسه استغرب بس بصراحة كده احسن انا مرتاح التانية كان كل شوية واحد يقلى فيها مشاكل وبعدين دى على قد فلوسى وعربية فيها كماليات كتير وشكلها حلو ومفيش حد اشتكى منها وان شاء الله رايح استلم النهاردة