السلام عليكم :
استفسار بسيط :شراء السيارات المستعمله من على نايل موتورز مضمون ولا لأ ؟؟
عرض للطباعة
السلام عليكم :
استفسار بسيط :شراء السيارات المستعمله من على نايل موتورز مضمون ولا لأ ؟؟
وعليكم السلام ورحمة الله وبركاته
مع احترامى للجميع طبعا بس مفيش حاجه مضمونه
اللى بيفرق فـ نايل موتورز ان حضرتك ممكن تتابع مواضيع صاحب العربيه و تحدد فكره مبدأيه عن العربيه و عن صاحب العربيه بس ده مش معناه انك تعتمد على كده فقط لازم تكشف على العربيه كويس جدا
المنتدي زي السوق فيه الكويس و فيه الوحش. اللهم الا كنت هتشتري عربية من عضو معروف في المنتدي. بكل الاحوال لازم تكشف و تشوف السعر أكنك بتشتري من أي حد ما تعرفوش.
لازم تكشف علي العربية اللي هتشتريها سواء من المنتدي او من برة المنتدي
المنتدى افضل من السوق بمراحل بس ده ميمنعش انك تكشف على العربية
مفيش حاجة مضمونة فى البلد دى
البنى ادمين نفسهم مش مضمونين
ميزة المنتدي هية مواضيع العضو و مشاكل العربيىة ولكن هذا لا يغني عن الكشف الدقيق
شكرا على نصايحكم وعلى سرعه الرد ،
و اكشف عليها فين (العربيه شيفروليه اوبترا) يعنى فى التوكيل ولا فى بنزينه ولا فين؟؟
اكشف فى التوكيل
مش هقولك المنتدى ,, دا اللى يشترى عربية حتى من اخوه لازم يكشف عليها
مش سوء ظن لكن زى مابيقول الاجانب business is business
و بلاش ندخل العشم ف المعاملات المادية
و دا مايمنعش ان المنتدى كويس و ناسه محترمين لكن زى ماقال
الاخوه الافاضل ان كل مكان فيه الكويس و الوحش
و اصلا ادراة المنتدى مش مسئوله عن المعاملات التجارية اللى بتحصل فيه
لو هتشترى عربية من والدك لازم تكشف عليها .. مش عشان هو وحش لا سمح الله
ممكن يكون هو خبرته فالعربيات مش أد كدة و اشتراها من واحد راششها مثلا ومعرفش يكتشف دة تقوم انت تلبسها بعيوبها
لو هاتشتريها من نفسك اكشف عليها برضه
لمّا تشوف عربية للبيع هنا, اعمل بحث على مواضيع العضو واتفرّج على تاريخ العربية من مشاكل وصيانات وما الى ذلك.
دي الحاجة الوحيدة اللي بتفرق في نايل موتورز.
المنتدى غير مسئول عن اى تعاملات مادية باى شكل من اشكال سواء بين الاعضاء وبعضهم البعض او بين الاعضاء وبين اى معلن
كده كده هترفع العربيه في محطه بنزين حتي لو بتشتريها من والدك
الحياة خد وهات...وعم عشم مات!!!
حرص ولا تخونش
مفيش حاجة مضمونة انت وشطارتك
المهم تاخد حد خبرة يعاين
ده حتى الزيرو بينزل فيه مشاكل
الفرق ان هنا العربيه لها تاريخ مع مشاركات العضو فقط
لكن العربيات فى السوق الموضوع بيكون مبهم بعض الشىء
بكل الاحوال لازم تكشف عالعربية