ممكن تشوفي الرابط ده ....
http://www.nilemotors.net/Nile/showthread.php?t=42766
عرض للطباعة
ممكن تشوفي الرابط ده ....
http://www.nilemotors.net/Nile/showthread.php?t=42766
ممكن تشوفي الرابط ده
http://www.nilemotors.net/Nile/showthread.php?t=42766
خليكى فى حاجه صغيرة ولما تتعلمى وتمتلكى السواقه ابقى غيرى يعنى خليكى فى ماروتى 94 او لادا حاجه ممكن تظبطى السواقه صح انا متعلم على لادا الوسواقه اتظبطت معايا على كل العربيات.
انت مش قلتي انها سوزوكي سويفت الرابط عن اوبل كورسا
انا راى مختلف جدا
انا راى تجيبى حاجه زيرو
انتى بنت و المستعمل اعطاله كتيير و مينفعش لللبنات
لازم تشترى حاجه زييرو عشان اعطاله قليله على الاقل فى اول كام سنه
الكلام ده لو الظروف الماديه تسمح
لكن لو لا تسمح يبقى تسمعى راى الاعضاء فى العربيات اللى هيختروها
و بعدين تشوفى العربيات دى بنفسك و اكتر عربيه ترتاحى لها نفسيا
توكلى على الله و اشتريها و حاولى تختارى عربيه حالتها حلوه
بتتعلمى القياده يعنى عاوزه عربيه ابعادها مش كبيره يعنى نستبعد الاكسيل(علشان كبيره) و اللادا(علشان ناشفه)و انا شايف ان عمليا عمليا تكون شاريد 93 او سوزوكى ماروتى و دى عربيات هاتش باك و قيادتها مثل الفيديو جيم بسيطه خالص . ولو انتى من القاهره يبقى واحد سمكرى كويس و امين (ضرورى) يروح السوق معاكى و هتلاقى طلبك ..
انا بقه رأيي بصراحة انك تشتري عربية 127 او 128 تتعلمي عليها السواقة الاول
وبعدين قطع غيارهم ومشاكلهم تعتبر كتاب مفتوح لأي صنايعي او صبي ميكانيكي
والميزة انك لو حبيتي تبيعي ممكن ما تخسريش خالص وتبيعيها زي ما اشتريتيها
ولما تتعلمي السواقة وتتمكني ابقى اشتري حاجة تانية احلى واحدث
وعلى فكرة انا عندي عربية فيورا موديل 84 وسعرها كويس جدا
وتحت امرك في اي استفسار
السلام عليكم استاذة امال
بصراحة لو حضرتك لسه مش قد كد في السواقة يبقى خليكي في المستعل اه هو المستعمل اعطالة كتير بس ده على حسب حالة العربية
بصراحة انا شايف لحضرتك المناسب للبنات او السيدات
سسويفت او اكسل واونو وممكن تجبيهم في حدود المبلغ بتاع حضرتك وبعدين اهم حاجة تشوفى اسعار قطع الغيار بتاعة العربيات وسهولة صيانتها ده اهم حاجة لاكن نصيحة من اخوكي ابعدي عن الكورسا والابيزا والبونتو العربيات ديه تحفة لو حلتها كويسة طبعا بس مشكلتها قصطع غيرها غالية جدا جدا وساعات مش متوفرة فخليكي في التلاتة اللى قلت لحضرتك عليهم وربنا يوفقك في حاجة كويسة واهم حاجة وحضرتك بتشتري العربية تخدي واحد امين معاكي يكون بيفهم في العربيات كويسة وكمان لو حضرتك تقدري ارفعيها كمان في بنزية علشان تشوفي حالة الموتور اصل العربية مش اهم حاجة تكون فبيركة ده لازم يكون الموتور حالة كويسة والعفشة كويسة وده يحتاج واحد بيفهم كويس
نصيحة لحضرتك
انا كان معايا سكودا فليشيا ولسه بيعها علشان مسافر ومراتي مش بتعرف تسوق
والله العربية ديه حلة جدا جدا جدا وبصراحة تستحمل البهدلة وكمان شكلها شيك وشبابية
الناس بتقول انها نشفه في السوقة بس بصراحة انا مش شايف فيها الكلام ده خالص وبعدين انا اصلا شريها من واحد ست وكانت معاها 12 سنة يعني لو كانت مجنناها كانت بعتها وبعدين قطع غيرها موجودة كلها ورخيصة
نصيحة بلاش زيرو في الاول الخبطة فيه لا قدر الله بتزعل قوي وكمان بتقل من ثمت العربية كتير
واى خدمة وربنا يوفقك
شكرا يا جماعة علي ارائكم بس حبت اقولكم اني لسة مختارتش العربية لسة محتارة ومافيش عرض جذبني لحد دلوقتي