معلوماتي على ادي معلش بس صححولي لاني محتار
المشكلة في اللوجان الجديدة ان منزلش منها اوتوماتيك للاسف
سعرهم قريب من بعض واللوجان 1.6 على 8v وال سويفت 1.2 على 16 v أظن قريبين من بعض في الاستهلاك في الآخر
سعة الكراسي معرفش واسعين زي الماتريكس كدا وللا ضيقين ؟
بفكر أجيب كارينز أو ماتريكس مستعمل بس خايف يتنصب عليا فيهم :(
أشيروا علي
سمعه لوجان وحشه و السويفت بيشكروا فيها
سمعة اللوجان مش وحشة زى Adnfalcon على العكس العريية لها سمعتها و أنتشارها دليل على ذلك
لكن السوزكي قطع غيارها غالية نار و مش متوافرة برة التوكيل و الموديلات اللى نازلة مصر تقفيل مجري و هندي
الماتريكس أحسن من الأتثين و أفضلهم منهم كلهم في رأيي الكارينز
و علشان ما حدش بيضحك عليك فى المستعمل تروح التوكيل و تعمل فحص فني شامل و يسلمك تقرير فني مكتوب فى إيدك بعيوب العربية و تقدر تشتري مستعمل و أنت مطمئن
أكتر عربيتين كتر الكلام عليهم أفيو و لوجان واعمل بحث فالمنتدي وشوف الأشعار اللي ملاكهم بيقولوها عليهم !!!:T_thum1[1]:اقتباس:
المشاركة الأصلية كتبت بواسطة Yehya Badr
شوف حاجه استعمال نظيف ومضمونه
حضرتك طبعا في حيرة مع أستبعاد الماتريكس التي لا تقارن بالكارينز الكارينز أوتوماتييك عاملة كيلومترات قليلة و بصيانات الوكيل أعتقد دى حتبقى خيارك الأول لكنها بأى حال من الأحوال لن تقل عن 125000
نيجى بقى للمقارنة التانية الزيرو حضرتك بتقارن بين سويفت ديزاير حلوة ياباني 100% لكنها لن تنتشر
أفيو عربية منتشرة تصميم قديم حتى مع الفيس ليفت الجديد موتور 1500 سى سى 83 حصان كماليات قليلة توكيل سئ غالية على الفاضى دلوقتى معدية ال 106000 أوتوماتيك نيجي بقى للوجان الأخ العزيز d r . A d n f a l c o n بيقول أن سمعتها وحشه ماعلش حضرتك وضح يعنى أيه سمعتها وحشة العربية معقولة على قد فلوسها يعنى القيمة مقابل المال أومال أذا كانت اللوجان سمعتها وحشة أمال النيسان صنى سمعتها أيه و الأفيو أيه ظروفها في السمعة حلوة يعنى بياعة ومسمعة في السوق كويس شيفروليه الكورية لم تنتج ألا الأوبترا و الوحش كروز غير ذلك لم تنتج حضرتك اللوجان أصلا داتشيا رومانى بتكنولوجيا و مواتير رينو الفرنسية زى سكودا كده ما كنانت سمعتها و حشة وزى الزفت و كانت من أسوء العربيات اللىى نزلت مصر وكان موتورها في الخلف و كانت بتسخن لحد ما نزلت الفيفوريت و بعدها الفيليشيا هلم جرا بقى فتخت نتيجة شراء فولكس فاجن الألمانية لها و بدأت تتغول الأى أن وصلت الى ما هي فيه الأن سيدى الفاضل اللوجان عربية حلوة ما فيش كلام لكن عند مقارنتها بالكارينز الكارينز تكتسح بس يشترط الحالة الجيدة و تقرير التوكيل عن العربية لكن لو زيرو اللوجان واسعة من جوه و شنطتها كبيرة و أستخير ربنا و أحنا تحت أمرك في أي حاجة أحنا ما يهمناش أنك تشترى لوجان علشان أنت داخل قسم اللوجان العيوب حنقوللك عليها بصراحة أنت أسأل و أحنا تحت أمرك و أهم حاجة الاستخارة
ههههه
معلش مكانش مفروض اقول كده علي لوجان ف قسم رينو
ازاي اعمل كده ؟ عيب طبعا
دا نفس الكلام اللي اتقالي لما اتكلمت ع الصني والأفيو
وبصراحه انا ف غني عن النقاش الكتير والجدال مع الناس المنحازه لعربيه معاهم
رغم انك لو اخدت لفه ف قسم المقارنات مثلا هتلاقي ملاكها بيقولوا ما لها وما عليها لكن هنا تلاقي ما لها فقط
الكلام موجه لصاحب الموضوع . . انا نصحتك نصيحه وأكيد كل واحد حر فأختياره وربنا يوفقك بس نصيحه أخيره روح اسأل ملاك فعليين ع أرض الواقع يكونوا قرايب مثلا عن العربيه
تحياتي . .
ياباشا أنت تنورنا والله العظيم و أحنا مش منخازين للعربية و لا حاجة دى شوية صاج و أنا لا أدافع عن أختياراتى أنا لحد دلوقتى لما بأسمع عن أرقام أسعار قطع الغيار يأقول دى عربية رومانى طلعت نزلت رومانى و أنا مدرك لذلك لكن تعالى نشوف اللوجان بتنافس في أنهى فئة الشكل القديم كان بينافس الفيرنا و اللانوس و ال بى واى دى الأف ثرى و الأسبيرانزا ال 516 بالله عليك ياشيخ و بدون تحيز أنت حتختار أيه من الموديلات اللى سبق ذكرها (زيرو )أه نسيت البروتون ساجا حتختار أيه من ناحية الكماليات و الصاج و العفشة و كل حاجة و الاعتمادية و سعر أعادة البيع و كل حاجة لكن لما تيجى تقارنها بعربيات تانية هتلاقى عيوبها معقولة و مقبولة في ظل الفلوس اللى أنت دفعتها الشكل الجديد برضه بينافس مع الأمجراند و الأفيو و الأنفى و لا تقارن بال سكودا رابيد أو البيجو 301 أو الريو أو الأكسنت أر بى رغم تحفظى على هذه السيارة شوف أنت حتختار أيه و أنت بتدفع 90 ألف جنيه و ياريت تقوللى بأمانة و بدون تحيز , تقوللى أيه عيوب اللوجان يمكن فى حاجات أنت شايفها تتطلع صح و يبقى بأمكاننا أن نبحث لها عن حلول حتى لو حاجات صغيرة أنتاشايفها عيوب بسيطة و يبقى جزاك الله خير على فكرة الكلام موجه لصاحب الموضوع اللى حضرتك كتبتها دى معناها أيه ؟؟؟؟؟؟؟؟؟؟؟؟؟؟؟؟؟؟؟؟؟؟ بدون زعلاقتباس:
المشاركة الأصلية كتبت بواسطة adnfalcon
استاذ عادل . .
والله اسلوبك محترم جدا ربنا يزيدك
ملاك كتير اشتكوا من موضوع الواير وان الحوار مطلعش له علاقه بالدواسات الجلد و وضعها وان التوكيل اعترف بالمشكله وبيحلها دلوقتي
بس كادت ان تعمل حوادث ع طرق سريعه بسبب ان الفرامل علقت !!
أخر جمله معناها نصيحه لصاحب الموضوع لا أكثر
وربنا مايجبش زعل
أنت اللى أنسان رائع بكل معانى الكلمةاقتباس:
المشاركة الأصلية كتبت بواسطة adnfalcon
فعلا المشكلة دى في دواسة البنزين لكن أنا أول مرة أسمع أنها موجودة في دواسة الفرامل أيوه كده أن أحنا نتحاور في المشكلة ونوجد لها الحلول عموما موضوع الواير بتاع دواسة البنزين أنا نفسى نزلت تحت في أرضية العربية و وشلت كل الدواسات من أرضية العربية و فضلت أضغط على الدواسة بأيدى و أسيب بتاع أكتر من ميت مرة علشان الدواسة تعلق ما علقتش و لا مرة و لوحد من الزملاء الأفاضل أكتشف المشكلة دى و حلها يقولنا علشان دى أرواح ناس و موضوع دواسة الفرامل أنا فعلا أول مرة أسنع عنه و أنا حأنزل أشوف و أتأكد بس حضرتك واثق أنها دواسة الفرامل مش البنزين و شكرا مرة ثانية على مشاركتك معانا و أنت منورنا و الله
انا عارف دواسه البنزين ومشاكلها بس المشكله دي ملهاش علاقه بالدواسات الجلد . . وحلها فالتوكيل تزييت الوير عشان ميعلقش
بالنسبه لمشكله الفرامل دي حصلت مع واحد هنا فالمنتدي بس ربنا كتبله عمر جديد وللأسف حصلت فعلا
التوكيل بأه مطالب بحل المشاكل دي ل موديل 2015 . . هل حلها ولا لسه ؟
معلش العربية موديل كام و ياريت اللينك بتاع الموضوع و هل لما راح التوكيل أعترفوا أن ده خطأمن عندهم و حل مشكلة دى كان أيه ؟اقتباس:
المشاركة الأصلية كتبت بواسطة adnfalcon
لو اتكعبلت فالموضوع تاني هبعتلك اللينكاقتباس:
المشاركة الأصلية كتبت بواسطة adel_edrees
التوكيل حل المشكله بتزييت الواير !