مساعدة بخصوص كاوتش سيراتو 2010
السلام عليكم و رحمة الله و بركاته
أنا عارفة ان مش هلاقى حد يفيدنى فى الموضوع ده الا اخواتى هنا فى نايل موتورز
الحمد لله على كل حال امبارح و انا ماشية بالعربية مخدتش بالى من حديدة طالعة من الرصيف فراحت قطعت كاوتش العربية الخلفى من الناحية اليمين و على ما لحقت و وصلت لأقرب بتاع كاوتش كانت الفردة جابت الأرض و بتاع الكاوتش قاللى انها خلاص معدتش تنفع لأنها اتقطعت من الجنب و ركبلى الاستبن ..
الاربع فرد الكاوتش اللى راكبين كانوا نكسن n8000 جنط 17 ...17/45/225
بس الفردة الاستبن مش زيهم فى العرض جنط 17/45/215
المهم ان الفردة اللى باظت نوعها نكسن n8000
فكنت عايزة أسأل محدش يعرف هى سعرها كام و ممكن أجيب زيها منين من المنصورة و هل لو انا فضلت ماشية بالاستبن اللى راكب ده هيأثر على العربية فى حاجة؟
و شكرا ليكوا و يا ريت تعرفوا تساعدونى