المشاركة الأصلية كتبت بواسطة hamadaghfar
السلام عليكم الحمد الله جدد الرخصه الخاصه النهارده من مرور العجوزة بعد حوالي 3 ساعات عشان النور كان قاطع لمدة ساعة المهم المطلوب كما يلي لازم يكون معاك 3 صور 2 للشهادات و واحده في الملف و
1- شهاده باطنة و نظر مختومه عليهم طابعين بتوع الاطباء و في شهاده الباطنه مكتوب فصيله دمك لو عارفوا قوله للمرضه تكتبهولك .
2- اول ما تروح المرور تروح النيابه و تجيب شهاده مخالفات بتاعت رخصتك و تكون مصور
البطاقه و تديها للموظف و معاها 5 جنيه
3- تروح تجيب ملف كارتون و ده ب 3.5 جنيه.
4- تجيب ملف جلد لونه برتقالي او ازرق و ده اجباري و ب12 جنيه
5- تروح للموظف وتديله الورق اللي هو الشهادين و شهاده المخالفات و الملف الكرتون و الحافظه هيبدأ الموظف يراجع الورق تكون مديله البطاقه و الرخصه القديمه مع الورق
ملحوظه حاول يكون معاك صورة الرخصه لو انت كنت مرور مختلف وغيرت محل الاقامه و برضوا لو معاك المؤهل هاته احتياطي وصوره منه يكون افضل عشان التلاكيك بعيد عندك
الموظف هيديك تروح تدفع في الخزينه 45 جنيه و 10 طوابع يبقي كله 55 جنيه
لو كل حاجه تمام هيقوللك روح اتصور للرخصه
هتروح تتصور وتستني لما ينادوا عليك عشان تستلم الرخصه و الف مبروك 10 سنين متشوفش الاشكال دي تاني
اخوكم محمد رشدي
المفضلات