معاينه لنيسان سنترا من قلب توكيل مودرن ابو رواش
http://nileup.com/up/uploads/nilemotors_14083262481.jpg
السلام عليكم و رحمة الله و بركاته
انهارده كنت في توكيل نيسان ابو رواش بتاع مودرن بستلم ورق عربيتي النيسان صني شكل قديم بس 2015 :ask: و بعدين قلت اتفرج علي السنترا ..
الاول الشكل الخارجي و التقفيل و الخامات ممتازة فكرتني بالتويوتا كورولا 2013 الياباني و علي فكرة العربيه من جوه منسوخة من التويوتا 2013 نفس التكيف البكر بتاع التسعينات و اللي مزعلني اني بعت التويوتا بسبب نقص الاوبشن و انهم منزلين الهاي لين من السنترا بتكييف بكر و ابشن مش كبير خالص .
العربيه واسعه من جوه ما شاء الله و خامات الكراسي و الطابلوه محترمه جدااا و الفتيس شيك بس لو معاها شويه اوبشن كانت هتاكل الجو .
الاوبشن في الهاي لين و اللي مش موجوده في النسخه العادية .. اسبويلر و جنط 16و استارت انجن و ريموت زكي و 4 سماعات و كاست شينجر و فوج .
الموتور موتور التيدا الجديده و فتيس اكس ترونيك سي في تي العربيه 1600 118 حصان في اقصي عزم
عاليه جدا عن الارض بشكل غريب اتمني الا ياثر علي الثبات 165 مم
السعر 175 الف
المنشا . تايلاند
الخلاصه .. عربيه عائليه محترمة و منافس قوي للباحثين عن اسم عريق يعيبها نقص الاوبشن