الجامعة السويسرية suc في مدينة نصر و القناطر

**ma7med** · 17-08-2014 11:50 PM

السلام عليكم ورحمة الله وبركاته

كان عندي استفسار بخصوص الجامعة السويسرية حد سمع عنها
و هل هي معتمدة من المجلس الأعلى للجامعات ﻷنهم بيقولوا
انها بتاخد من 60% صيدلة و هندسة ولكن القبول اعتمادا على القدرات
الكلام الصراحة مش داخل دماغي و بيقولوا انهم ليهم فرع في مدينة نصر و القناطر
الخيرية ومعتمدين دوليا و مش عارف شوية حاجات كدة
ياربت لاو حد عنده معلومة عنها يفيدني و يفيد الناس

وشكرا لكم جميعا

**eng.salama93** · 18-08-2014 01:32 AM

اول مره اسمع عن الجامعة السويسرية و خصوصا موضوع القناطر دا .. انا من القناطر و عايش فيها
انا دورت ع النت و لقيت ليها عنوان ف منطقة انا عارفها ف القناطر بس اول مره اعرف ان في جامعة هناك او ان في جامعة ف القناطر اصلا
الحاجة الوحيدة اللي كانت موجودة هو معهد الإعلام العربي و قفل بعد سنتين و كان اصلا شقه ف دور ارضي تعبان

**Mamoud salah H** · 18-08-2014 01:34 AM

بصراحة اول مرة اسمع عنها

**r0xer** · 18-08-2014 10:06 AM

اشتغالة ومش معترف بيها في اي حتة. ومفيش حاجة اسمها تاخد هندسة وطب من 60% دا كان بتوع النقابات ردحولهم او فجروا الجامعة :d

نصابين وابعد احسنلك.

**عبدالحكيم** · 18-08-2014 12:30 PM

لا يوجد ما يسمى بالجامعة السويسرية في مصر .. هذا نوع من "النصب" الشيك...

دخلت على صفحتهم على الفيس بوك فوجدتهم يقولون بأنهم فرع لجامعة اسمها "جيبسون"، بحثت عن جامعة جيبسون هذه فوجدتها عبارة عن "موقع إلكتروني"! يدعي القائمون عليه أنهم يمنحون درجات علمية "عبر الانترنت"!!

لعلمك، هناك الآن كثير من النصابين باسم التعليم، ينشؤون مواقع إلكترونية، ويصدرون شهادات وهمية، ويستخدمون أختام جامعات مشهورة على الانترنت لوضعها على شهاداتهم..

خلاصة القول: حرِّص على مستقبلك!