يا شباب يا رجالة سيراتو اعلى فئة ٢٠١٥ ولا شارك اعلي فئة ٢٠١٥ انا عايز ركوبة حلوة وإعادة بيع وقطع غيار متوفرة
يا شباب يا رجالة سيراتو اعلى فئة ٢٠١٥ ولا شارك اعلي فئة ٢٠١٥ انا عايز ركوبة حلوة وإعادة بيع وقطع غيار متوفرة
سيراتو عشان شكل جديد و اوبشن كتير اوي عكس الشارك شكلها بقي قديم ونازل بقالها من 2008 و اوبشن قليل ( اعتقد)
بالنسبه لثبات اعتقد الاتنين واحد ... انا بقول الكلام ده حسب كلام اصاحب السيراتو 2015 و 2014 وبيقولو ثابتها كويس وكان فيه عضو في المنتدي مصور العداد وهو ماشي علي 200km ماشاء الله وبيقول ثابتها كويس... ربنا يباركله في العربيه
انا عندي اﻻتنين والثبات افضل في السيراتو
سيراتو
سيراتو طبعاً
أنا قفلت عداد السيراتو و ثابتة ثبات وهمي ... بجد روعة و كمان شكل و برستيج أحلي من الشارك لأن شكلها بقي قديم و كمالياتها مرضية جدا بس و كتيرة جدا و كمان بتفضل ماسكة سعر و إعادة البيع كويسة و هتلاقي مئات المشترين
فخامه سيراتو
سيراتو طبعا
ههههههههه سألت نفس السؤال بس فى قسم الميتسوبيشى قالولى خليك فى الشارك وانت سألت فى القسم الكيا قالولك خليك فى السيراتو
كل قسم بيشجع نوع عربيته
كفاية وسع الشنطة لو دي عربية لاسرة! (سيراتو طبعا)
لو عاوز الافضل في اعاده البيه ابعد عن اعلي فئه اصلا
السيراتو بياعه اكتر
السيراتو افضل في قطع الغيار
الشارك اريح في القعدهواوسع وامتن في الصاج والخامات افضل وسعرها نازل شويه وكل يوم غرض جديد عليها
اكيد سيراتو
اركب الاتنين و هاتحس بالفرق
كله كده سيراتو؟؟؟
الله يرحم ايام ماكنا بنقول ياباني وكوري
انا اعتراضي على السيراتو فقط انها عربية ناشفة جدا وبتحس بكل مطب تاخده ودركسيونها اتقل من الشارك.
غير كده الواضح ان الفئة الاولى في الاتنين فاضية...من غير ايرباج او ABS
والشارك على فكرة مش واسعة خالص...انا حاسس ان السيراتو الجديد اوسع.......والله اعلم
:Copy of new:
شوف انا والله ولا انتمى لاى قسم ومعايا مازدا 6 فى السعوديه وباذن الله قريب اوى 508 وبقولك حاجه واحده بس سيراتو وانت مغمض حتى هنا فى ظل الظروف الصعبه جدا العربيه انتشرت انتشار رهييييب جداااااااا وشكلها جميل جدا واوبشنز فى الفل لاحصر لها والششارك شكل قديم جدا ياراجل دى السيراتو الفل هنا تمنها حالى 77 الف ريال والشارك تمنها حوالى 55 الف ريال شوف فرق اد ايه اكيد الفرق ده مش من فراغ
أسأل علي آسعار قطع غيار السيراتو الجديدة....لاني سمعت ان الفوانيس الامامية و الخلفية برقم فلكي....
عن تجربة هيونداى و بعدها كروز الفاشلة و بعدها نيو سيراتو و كنت زيك محتار بين الشارك و بينها و المقارنة كانت فى صالح السيراتو واسعة من الداخل و الشنطة واسعة و دركسيون خفيف عن الشارك بكتير و ثبات احلى طبعا و تكييف تلاجة و اوبشن ممتاز
على فكرة انا جايبها خليجى 2015
[QUOTE=mamahran;3875711499]كله كده سيراتو؟؟؟
الله يرحم ايام ماكنا بنقول ياباني وكوري
انا اعتراضي على السيراتو فقط انها عربية ناشفة جدا وبتحس بكل مطب تاخده ودركسيونها اتقل من الشارك.
غير كده الواضح ان الفئة الاولى في الاتنين فاضية...من غير ايرباج او ABS
والشارك على فكرة مش واسعة خالص...انا حاسس ان السيراتو الجديد اوسع.......والله اعلم
:Copy of new:[/QUOTالسيراتو الجديد مش ناشفه اطلاقا غير القديمه وبالعكس الشارك من اكتر الحاجات الى الناس بتشتكى منها ان الدركسيوت تقيل جدا لانه زيت عكس السيراتو الكهرباء
انا ركبت الاتنين والمقارنة لصالح السيراتو اكيد وموضوع عفشة السيراتو اتغير تماما وبقت ناعمة جدا وعمرها ماحكت فى اى مطب والحمد لله ودريكسيون الشارك اتقل من السيراتو
بدن تحيز
لو عايز اعادة البيع
وقطع غيار
وابشن
خليك فى السيراتو
لو عايز
تكنولوجيا يابانى
واعادة البيع الى حد ما
ومتانة يابانية
خليك فى الشارك
سيراتو
أنا كنت محتار زيك بالظبط بس اخترت سيراتو في الآخر لأنهـا اعتماديه وقطع غير في كل مكان وتقفلها من جوه أقوى بكتير وبخامات افضل عكس الشارك اللي كل حاجة فيها فبر طبعا الثبات حلو جدا والعزل فيها فوق الممتاز وطبعا الأوبشنز أعلى بكتير
السيراتو بالتأكيد لان الكورى اصبح افضل من اليابانى
و الهيونداى و الكيا تفوقوا على اى شركة يابانى فى الاعتمادية
و الكورولا اصبحت تقفيل تركى و ليست يابانى و ثباتها و كمالياتها اقل من السيراتو
بالتأكيد الكوري افضل من الياباني !
الكوري تفوق علي الياباني في الاعتمادية !
http://www.autonews.com/Assets/graph...er-2014vds.jpg
ياريت حضرتك تطلع لنا في تقرير ال jd power اعلي ١٠ عربيات اعتمادية في العالم كام واحدة ياباني و كام واحدة كوري ؟
٤ ياباني و ولا عربية كوري . الكوري بيبدا في المركز ال ٢١ و ال ٢٨!
ثبات و كماليات الكورولا اقل من السراتو !
انا مندهش
متهيالي مافيش حاجه اسمها كوري وياباني ومين احسن...الموضوع بقا على عربيات بشخصها يعني مش كل الكوري فاشل ولا كل الياباني ناجح بلاش نبص للعلم والدوله لان دي مصانع.صحيح الفكر ثابت لكن مننساش ان معظم الياباني بقا بيتقفل بره اليابان وده حيخلي الكوري اللي لسه بيتقفل في بلده يتفوق قريبا في مساله الاعتماديه وبالتالي هي مساله نجاح وفشل عربيات بعينها كمان مش ماركه حتى ولا اسم...ايوه السيراتو الجديده نجحت وجدا كمان لانها اول ما نزلت ماكانتش بياعه زي اليومين دول..الشارك انا شايفها بتنجح وبتبيع كتير بس متاخر حبتين يعني على بال ماتاخد حجمها الحقيقي في السوق حيكون شكلها اتغير وساعتها حيبقى العين عليها...لكن كمان سعرها حيتغير وبكده حتاخد وقعه جامده اول ما تنزل زي السيراتو الجديد.المهم ما تدخلش في فئه عربيات اعلى عشان ما ترجعش تقع تاني....وهكذا
والله انا كمان مندهش واول مره فى حياتى اسمع حد يقول ان الكورى اكثر اعتمادية من اليابانى
الكوري فعلا مكتسح ويكفي مشكله فتيس الكورنولا القديمه
لو ختقارن بين السيراتو فئه 165 الف + اوفر بريس 9 تلاف =174 انصحك بكورولا وتستغنى عن الاوبشن لكن لو حتقارن بين سيراتو اول فئه 140 الف الفرق كبير 40 الف ولا دفع خلفي ولا الاعتماديه بتاعت الالماني بالغكس كل ما العربيه ترخص اعاده بيعها افضل ومش ضامن النترا او لانسر تغير الشكل وتطور العربيه تضرب الكورلا وتكون ارهص ودور بقا علي مشتري
لكن السيراتو كامله لا عات كورولا طالمه حتغامر بفلوسك الكورولا افضل من الكمليات ونفس رسك الفلوس كفايه التابلوه الصراحه
يا جماعة بعيدا عن الصناعة
السيراتو عربية ناجحة وجميلة فرأي
ومنافس للشارك