الاثنين ذي بعض في السعر بس الكورولا فيه اوبشنز كتير ومش عجبني فيها التبلوه
اما الاوكتافيا مفيهاش اوبشن خالص.انا محتار مابين الاثنين دول ايه رائيكوا؟
عرض للطباعة
الاثنين ذي بعض في السعر بس الكورولا فيه اوبشنز كتير ومش عجبني فيها التبلوه
اما الاوكتافيا مفيهاش اوبشن خالص.انا محتار مابين الاثنين دول ايه رائيكوا؟
كورولا طبعا ... فيها كل ما تحلم به من مميزات في هذه الفئة و كمان لا تقل سمعة أو فخامة أو كفاءة عن الألماني
كورولا خامات داخليه أقل متانه وقيمه من الاوكتافيا
لكن سعر اعاده بيع ممتاز واوبشنز اعلي
ركوبه الاوكتافيا تتفوق طبعا وثبات أعلي
اختار اللي قلبك يميل لها
كورولا
كورولا ,,
لانها من اعلى العربيات من ناحية الاعتمادية ودا شئ معروف عن تويوتا عامة
واسعه و تكييفها ممتاز و من اريح العربيات من ناحية العفشة و الشكل الاخير
بقى فيه Esp و اصلا الكورولا دايما ماسكه سعر و مطلوبه ف السوق
كورولا
corolla best resale ever
a7 تحس انها اعلي شويه في الفئه بس فاضيه
astra جميله بس وجامعه الشكل والاوبشنز و الالماني بس وكيل سمعته مش تمام
لو انت مركبتش الماني قبل كدة مش هتفرق معاك الأوكتافيا خالص - يبقي خليك غي الكورلا عربيه محترمه وفيها اوبشن كتير تتبسط منه ,
وعلي فكرة أن شكلها من جوه مش عجبك الموضوع دا تملي بيحصل لما تبقي رايح تدفع فلوس كتير وعايز العربيه تبقي احسن كتير من ئل انت شوفته ، لو ذهبت مرة تانيه واتفرجت عليها هتلاقي نفسك ابتديت تتألف وتاخد علي العربيه وتبتدي تشوف الحاجات الحلوه ئل فيها .
وعلي فكرة الومتافيا الفئه الأولي بقت تنزل بكاسيت تاتش ورسم العربيه من جوه أحسن من الأول شويه .
تحياتي
انا كان معايا اوكتافيا 2010 و بعد كده ركبت هوندا
بجد الاوكتافيا افضل بكتير حتي لو كانت فاضيه
الكرولا عربيه حلوه و ناعمه بس الاوكتافيا تحس انها قئه تانيه زي الباسات
أنا شايف الافضليه لحد دلوقتي للكورولا .انا متابع ارائكم علي شان اخد القرار. انا فعلا مركبتش الماني قبل كده
لانوس اقعدت معايا 5 سنين و اوبترا قعدت معايا 4 سنين
من رايئ الاوكتافيا افضل
وعلشان تحسم قرارك حاول تسوق الاتنين
واللي ترتاح لها اكتر توكل علي اللة فيها
كورولا .. فيها كل ما تريد تقريبا - والكمال لله وحده - وبسعر معقول مقارنة بغيرها .. والله أعلم .
الاوكتافيا عربية محترمة بس ممتركبش الفئة الاولي لانك بتدفع 190 الف في عربية فاضية .
رأي لو معاك تزود للفئة التانية 215 الف كان بها مكنش هات الكورولا لو 190 الف هو المبلغ اللي معاك
من رايي اركب عربية ممتازة بكماليات اقل على انى اركب عربية متوسطة المستوى بكماليات اعلى
باختصار الاسكودا بدون نقاش
والله بجد صعب اننا نقول لواحد سوق الأثنين هنجيبهم منين ولو بالصدفة لقي واحدة مش هيلاقي الثانيه
احنا بنشتري علي السمع والقراءه والفرجه علي العربيه في المعارض بس اما سواقة الأثنين عن نفسي مش عارف اجرب لا أوكتافيا ولا 508 علشان احكم حكم عملي بعيد عن النظري
كلامكوا سليم يا جماعة ,,
فعلا طول عمر الباسات بتنافس السوبيرب و الانسيجنا
لكن ف الاوكتافيا
سواء octavia I او octavia II هنلاقى ان ال dimensions
ف ال2 قريبين من بعض ( ال2 platform مختلف) و ال 2 بيميلوا اكتر لل C-segment
لكن ف ال octavia III حصل stretching واضح اوى ف ال dimension
خلى العربية تميل اكتر لل D segment و حتى ف الريفيوهات الاجنبية هتلاقيهم
بدأوا يتعملوا معاها على انها D-segment
عموما atmi ان مافيش تعريف واضح و صريح لل D-segment
لكن لو هناخد على تعريف ويكيبيديا ((the size is approximately between 4,600 mm (181 in) and 5,000 mm (197 in).))
يبقى ال A7 فعلا دخلت فئة ال D-segment و لو انى مش مرتاح للتعريف دا اصلا
الموضوع كلة يتلخص في الراحة النفسية
كل واحد بجيب العربية اللي شايفها مناسبة لة
بص يا باشا
علشان بس ما نخرجش بعيد عن الموضوع الأساسي لمدة كبيرة
الموضوع مش طول العربية وخلاص. دة أحد أجزاء التقسيم. بس فيه حاجات تانية كمان زى قاعدة العجلات
بص كدة على الملخص ده
http://en.wikipedia.org/w/index.php?...classification
حتلاحظ ان الأوكتافيا والأسترا وجبتا فئة....
السوبيرب و الانسيجنا والباسات فئة أعلى...
وده فى كل التصنيفات سواء أوروبية او أمريكية او أسترالية او بريطانية او اليابانية
فعلا ويكيبيديا مصنفينها تبع ال C-segment ف اللنك دا
C-segment - Wikipedia, the free encyclopedia
لكن TIC ان ويكيبيديا لما اتكلموا عن نزول ال octavia III ف الهند
قالوا بالنص "The new D Segment sedan "
Škoda Octavia - Wikipedia, the free encyclopedia
,
,
,
,
,
اقولك على حاجة عشان ننهى الموضوع ,,
euroncap ,, و دى طبعا مؤسسه غنيه عن التعريف زى ما حضرتك عارف
صنفوا ال Octavia II على انها Familly car
ف حين انهم صنفوا Octavia III على انها large family car
و دا كان نفس تصنيفهم للباسات 2010 و الانسيجنا 2009
و دا دليل واضح على انها كانت C و بقت D ,, يعنى بقت نفس فئة الباسات و الانسيجنا
و دى اللنكات
Skoda Octavia | Euro NCAP - For safer cars crash test safety rating
Skoda Octavia | Euro NCAP - For safer cars crash test safety rating
VW Passat | Euro NCAP - For safer cars crash test safety rating
Opel/Vauxhall Insignia | Euro NCAP - For safer cars crash test safety rating
خلاص يبقى الكورولا كمان family car لأنها نفس الأبعاد وقاعدة العجلات. ومعاهم الأسترا والجيتا.....!!
معقولة يعنى كل شركة منزلة عربيتين ينافسوا فى نفس الفئة.....؟؟ وسايبين فئة فاضية مافيهاش موديلات....؟
عموماً الفئات مختلفة فى الأسواق المختلفة
وأيضاً تتغير داخل نفس السوق مع الوقت
مما يعنى ان المقارنات لازم تبقى فى نفس السوق ونفس السنة.
وعليه الكورولا والاوكتافيا عندنا نفس الفئة علشان زميلنا صاحب الموضوع زمانه زحق مننا وتاه