مشكلة مع لينك دوت نت

**matrix_it** · 18-08-2014 02:27 AM

السلام عليكم
اللى حصل كالتالى قريت اعلان ان فى روتر بقيمة 100 جنيه فقط بدلا من290 للعملاء الحاليين
والدتى راحت تشترى الراوتر و مضوها على ورقة تعاقد سنة و ادوها ورقة ممضية من المدير انها تستلم الراوتر بعد اسبوع و والدتى بالتأكيد دفعت ال100 جنيه و استلمت الوصل

روحت استلم الراوتر بالوصل قالولى مافيش راوتر و ممكن تستفاد بالفلوس دى تزود السرعة او تطول المدة

ليه يا عم مانا مشترك فى العرض قالولى لا هو كدة لانك اشتريت راوترين من عندنا قبل كدة (انا عميل من 2009 و طبيعى لما الراوتر يبوظ او عايز اغيره بغيره من فرع لينك عشان يظبطهولى و اروح اشغله على طول)

كلمت 155 جهاز تنظيم الاتصالات يوم 20\7 و لسة محدش رد عليا

اعمل ايه عشان اجيب حقى؟؟؟

**matrix_it** · 18-08-2014 02:27 AM

**ahmedfouad** · 18-08-2014 09:20 AM

مفيش رقابة على الناس دى .. عزبة !!

**amrezzat82** · 18-08-2014 03:02 PM

اقرفهم ايميلات لعلاقة العملاء و الجودة و صفحة الفيس بوك يمكن تجيب نتيجة
شركات زبالة جداااا و مفيش رقابة من البلد عن تجربة معاهم و حماية المستهلك ولا عمل حاجةو القومى للاتصالات بقى هو اللى بيدورلهم على مخرج لحد ما لغيت التليفون اصلا

**omar101970** · 18-08-2014 08:46 PM

انا اكنت مشترك مع لينك لمده سته أشهر وبجد هى شركه سيئه جدا وكل حاجه عندهم زفت خدمه عملا سيئه ونت بطىء وبيقطع وعملت اكتر من شكوى مع الجهاز القومى للاتصالات 155 بدون اى نتيجه لحد ما زهقت منهم ولغيت اشتراكى معاهم وحاليا باعمل اشتراك مع تى اى داتا وربنا يسهل ويكونو افضل.

**MotorX** · 19-08-2014 01:03 AM

من الاقرار اللي انت حاطط صورته واضح انك كنت مقدم طلب الغاء اشتراك ، وبعدين هما حاولوا يراضوك بالعرض ده علشان توقف طلب الالغاء ، وبعد ما مضوك على استمرار الاشتراك 12 شهر اتلككوا على اي حاجة فارغة وقالولك لا ما فيش عرض ، كده انت ما تسبهمش وعليك وعلى مرفق الاتصالات وجهاز حماية المستهلك ولو ينفع تعملهم محضر في القسم تتهمهم فيه انهم خدوا ثمن الراوتر بدون تسليمه لك .

تحياتي.