يا ريت حد يقولي ارتفاع العربية كام سم عن اﻷرض
عشان بفكر أشتريها وحاسس إنها واطية ﻷني بمشي في طرق فيها مطبات عالية
وإية رأيكوا هي ولا الفلوانس ولا بيجو 508 ولا أوبل انسجنا
عرض للطباعة
يا ريت حد يقولي ارتفاع العربية كام سم عن اﻷرض
عشان بفكر أشتريها وحاسس إنها واطية ﻷني بمشي في طرق فيها مطبات عالية
وإية رأيكوا هي ولا الفلوانس ولا بيجو 508 ولا أوبل انسجنا
ال a7 ارتفاعها ممتاز اعتقد 15.5 سم
هي أفضل من الفلوينس طبعا . والبيجو 508 أفضل منها
وانا شايف ان الانسينيا أفضلهم عيبها الوحيد وكيلها
ارتفاعها 15.5 فعلا وممتاز الارتفاع ده
وبالنسبه ل 508 تتفوق في كل شىء عدا اعاده البيع
ههههههههههه الغريبه ان موضوع حضرتك مش ذاكر فيه كلمة a7 وماشاء الله الناس عرفت حضرتك تقصد ايه بس عموما شيل الفلوانس لانها فئه اقل منهم وانا شايف ال3 عربيات محترمين جدا ومؤكد اى واحده فيهم لن تندم على شرائها وان كنت افضل ال 508 بقالها فتره كويسه جدا وماشاء الله كل الناس شكرت فيها وحتى فى اعادة البيع اتوقع انها افضل من اوبل بس ده ميمنعش ان الانسيجنيا عربيه رائعه انت شوف قلبك مايل لايه اكتر وتوكل على الله 3 عربيات محترمين جدا ثبات وامان واوبشنز وشكل وجودة تصنيع
بصراحه انا في نفس حيرتك
اولا كنت بقارن الفلوانس والأوكتافيا ، والفلوانس من العربيات الجيدة جدا وخصوصا الأصدار الحالي منها بعد تغير الموتور والفتيس الي نيسان وادي الي تلافي سلبيات ضعف التكيف والسحب وكل ملاكها بيشكورا فيها وخصوصا سعرها مع الكماليات المتوفرة بها .
ولكني فضلت الأوكتافيا لثقتي في الماركة أكثر وارتباطي العاطفي بالأسكودا وهو الأمر الذي لم تستيطع الفلوانس التغلب عليه عندي .
ولكن بالصدفة اتفرجت علي البيجو ال 508 أول فئه وبصراحه انبهرت بمعني الكلمه ومبقتش بفكر في الأوكتافيا واتجهت انجاه كامل نحو 508 وخصوصا بعد قراءه المواضيع الخاصة بها وعدم شكوي الأعضاء منها منذ تواجدها في مصر من 2012 فهي أعلي من الأوكتافيا في التكنولوجيا الخاصة بالموتور وقوته والسحب وفي جودة الخامات والتقفيل والعزل والمظهر العام كمان تحس انك راكب بجد حاجة محترمه - ولكن للأسف سمعت ان في تغير في الشكل فيس ليفت في اول السنه ومش عارف اتقبل اني اكون راكب موديل 2015 زيرو وبعد ثلاثه أشهر مثلا ابقي انا الشكل القديم لسه مش متقبلها وبحاول اتغلب علي الموضوع دا داخلي لأني بصراحه مقتنع بيها جدا لأنها وهم ، اجلس بداخلها بس وانت تحس انك ركبت فئه تانيه خالص غير الأوكتافيا .
اما الأنسجنيا مفكرتش فيها خالص وذلك لأن قطع غيار الأسترا أصلا غاليه فما بالك بالأنسجنيا .
اما طبعا اعادة البيع الأوكتافيا أحسنهم وان كان الحاله النضيفة في اي عربيها بيخليها تتباع ولكن هيكون بمعدل أكثر خسارة من الأوكتافيا .
ربنا يوفقك للأصلح وخد وقتك في التفكير علشان لما تشتري تبقي متأكد انك حطيت فلوسك في انسب أختيار لك مش لغيرك .
تحياتي
شكرا لكل اللي رد
طب مشكلة البيجو اني حاسس انها واطية شوية حد يعرف ارتفاعها اية بالضبط
البيجو عاليه مش واطيه
والاوكتافيا عاليه لما تبقى محمل وتعدى على مطبات عاليه بتحك من الخلف مش من النص