رجة في الموتور بعد تغيير سيور اي 10
السلام عليكم
انا الأسبوع الي فات عملت صيانة الستين الف لهيونداي أي 10 في مركز الأقصى في المعادي العربية كانت كويسة قبل الصيانة بس كنت بشتكي من استهلاك عالي للبنزين، المهم غيروا زيت موتور و فلاتر زيت و هواء و بنزين و كمان السيور و بلية الكاتينة.
المهم استلمت العربية و لاقيتهم بيقولوا انه في بداية طقم دبرياج
و انا بجرب العربية لاحظت وجود رجة في الموتور على السلانسيه و اثناء المشي و مع أول تشغيل للتكييف سمعت صوت صفارة السير بتاع التكييف فبعدها بيومين كدا رجعتلهم تاني قلتلهم على أنهم يشدوا السير و على الرجة و كانت كمان لما تيجي تدور بتدور بصعوبة
فدخلوها عندهم و بعد أقل من ساعة قالولي خلصت و أن البطارية عايزة تغيير و أن هم شدوا السيور.
بعد ما مشيت من عندهم لاقيتهم الرجة زي ما هي و فتحت. الكبوت سمعت صوت كدا حاجة مع الدوران بتاع السيور وكل دوره يتكرر فما مش عارف ده من ايه و ارجع أقولهم ايه في خطورة على الموتور ولا لا
برجاء الافادة