حد عنده حل لمشكلة التعرق الزائد دى :(

**a raafat** · 18-08-2014 02:09 PM

السلام عليكم

انا ياجماعه عندى مشكله مضايقانى اوى وهيا انى بعرق بغزاره جدا ومن أقل مجهود وده بسيببلى أحراج يعنى ابقى نازل مثلا بهدوم لسه مغسوله ومكويه ممكن على ما اوصل المكان اللى انا رايحه يبقى القميص كله مبلول من العرق تحت الباط والكوع والصدر والظهر كله
فكرت فى فكره وهى انى شوفت بدى قديم مش عاوز البسه وسعته شويه من عند الرقبه وبقيت البسه تحت اى قميص بحيث يمتص العرق لكن الفكره دى مكنتش عمليه اوى برده
حد عنده فكره لتقليل العرق ده بس بعيدا عن الادويه ؟
وعلى فكره انا مشكلتى التعرق نفسه مش ريحة العرق يعنى مزيلات العرق والحاجات دى مجبتش نتيجه لانها بتمنع ريحة العرق لكن العرق نفسه موجود والهدوم بتتبل :(

**mk3** · 18-08-2014 02:28 PM

اليومين دول عادى جدا
انا بقعد فى العربية وبشغل التكييف اطلع منها مبلول بمعنى الكلمة

**#MAAM#** · 18-08-2014 02:48 PM

عندي نفس المشكلة :(

**drcobra** · 18-08-2014 03:17 PM

مفيش حل للعرق لان الاعصاب اللى بتتحكم فى الغدد لا ارادية

ممكن تحاول تقلل الاملاح فى الاكل وتعمل رياضة مستمرة بحيث ان اثناء الرياضة الجسم هيعرق جامد بالاستمرار جسمك هيتعود مع المشوار العادى اللى مفيهوش تعب مش هتعرق

انا جربت الموضوع دة فترة وكان ممتاز
بس طبعا كنت فورمة ومكنتش اعرق خالص والحركة والمجهود عادى جدا بس دة بعد جيم يوميا لمدة ساعة +جرى 10 كيلو فى فترة حوالى 4 شهور

حل متعب وبياخد وقت بس عملى جدا وهيفرق فى الصحة بعد كدة

**salodas** · 18-08-2014 03:29 PM

المشاركة الأصلية كتبت بواسطة drcobra

مفيش حل للعرق لان الاعصاب اللى بتتحكم فى الغدد لا ارادية

ممكن تحاول تقلل الاملاح فى الاكل وتعمل رياضة مستمرة بحيث ان اثناء الرياضة الجسم هيعرق جامد بالاستمرار جسمك هيتعود مع المشوار العادى اللى مفيهوش تعب مش هتعرق

انا جربت الموضوع دة فترة وكان ممتاز
بس طبعا كنت فورمة ومكنتش اعرق خالص والحركة والمجهود عادى جدا بس دة بعد جيم يوميا لمدة ساعة +جرى 10 كيلو فى فترة حوالى 4 شهور

حل متعب وبياخد وقت بس عملى جدا وهيفرق فى الصحة بعد كدة

+1111

**A_H_M_A_D** · 18-08-2014 03:51 PM

بص انا عندي نفس مشكلتك تقريبا , بعرق بغزارة شديدة و لازم اقعد في مكان مكيف عشان معرقش و علطول ماشي بمناديل

اعتقد ان الموضوع ده بيكون له سبب مرضي يا اما في الغدد او الاعصاب , وسمعت ان فيه دكاتره بتعالج المشكلة دي بعملية كي لاعصاب معينة بتقلل كمية العرق المفرزة , بس بصراحه محاولتش اني ادور ورا الموضوع ده

**Land_Cruiser** · 18-08-2014 06:16 PM

تقليل الأملاح و الرياضه بيقللوا الموضوع ده بشكل ملحوظ

**DODGE2013** · 18-08-2014 06:24 PM

المشاركة الأصلية كتبت بواسطة land_cruiser

تقليل الأملاح و الرياضه بيقللوا الموضوع ده بشكل ملحوظ

+++++++++++++1

وكمان صاحب الموضوع وزنك كام؟؟؟؟؟؟؟؟؟؟؟؟؟

واخيرا سمعت من دكتور ان التعرق الزائد سببه مرض اسمه الرهاب الاجتماعي

وافضل طريقه عشان متعرقش هيا محاكاة العقل الباطل ( جربت الطريقه ونجحت )

طبعا مش حتفضل قاعد في التكيف على طول او في العربيه لازم حتنزل

فا تجرب الطريقه ديه وانا جربته ونجحت

الجسم بيعرق ليه ؟؟؟؟

لان المخ والعقل الباطل بيدي اشارات للغدد المسؤوله عن التعرق ان الدنيا حر اعرقي وبهدلي هدومه

هههههههههههه فا بتعرق فا انت اضحك على عقلك الباطل ولما تنزل في الحر

مدة نص دقيقه كده حاكي عقلك وقول ايه البرد ده وحاول تحس بشعور الشتا على رعشتين كده

كأنك في الشتا بالظبط حتلاقي بعد يومين تلاته الجسم استجاب للحركه ديه حتلاقي نسبة التعرق

قلة جدا والي مش مصدق الموضوع ده يجربوا حيذهل بجد + حاول متمشيش بسرعه او تمد

خلي ماشيتك هاديه وريلاكس .... جرب وقولي

**الاستاذ** · 18-08-2014 06:28 PM

ياراجل كبر مخك اصلى هتعمل اية يعنى
اتفر ج على حفلات عمرو دياب بيعرق وبيبقى التشيرت كلة مية ولو كان لقى حل كان عملة
بس البس فانلات قطن تحت القمصان دايما
انما لو عايز حلول فى ادوية بتقلل العرق وفى عملية بتموت عصب العرق تحت الباط وفى كف اليد بس مش بتمنع المشكلة هى بتقللة بس