اسعار ومواصفات فئات بيجو 508 موديل 2015

**Waleed_Fathy** · 23-08-2014 01:53 AM

كمان لو صور للفيس ليقت يبقا جزاكم الله خير
بس اهم حاجه ان الصور تكون اكيده مش اقتراحات تصميميه

**eleanor** · 23-08-2014 09:35 PM

انا عربيتى موديل 2013 وانوار الصالون الخلفيه فى السقف مش فوق النوافذ
اما بالنسبه للفيس ليفت هاينزل بموتور المينى كوبر الجديده اللى نزلت بره فى 2014

**beka_kader** · 23-08-2014 10:19 PM

المشاركة الأصلية كتبت بواسطة eleanor

انا عربيتى موديل 2013 وانوار الصالون الخلفيه فى السقف مش فوق النوافذ
اما بالنسبه للفيس ليفت هاينزل بموتور المينى كوبر الجديده اللى نزلت بره فى 2014

بس التوكيل كان بيقول مفيش فرق في المتور هو متور المني كوبر الجديد كام حصان و هل قظفي فرق في التكنولوجي

**beka_kader** · 23-08-2014 10:34 PM

Peugeot 508 facelift: full details | Auto Express
ده الفيس لفت وجهة نظري ان اللي موجود احلي الله اعلم علي الواقع هيبقا ايه و المتور الجديد الديزل ده مش بيجي عندنا و اعتقد انهم غيرو لان تقريبا هما كانو وقفو عشان مشكلة انو بيتحرق و المتور ال 1.6 بنزين هو THP 165 حصان تقريبا بقا فرق حصان :) و اعتقد ان نسبة العادم اتغيرت و ده مش هيفرق كتير في مصر التلوث محصرنا

**hany63** · 23-08-2014 10:39 PM

المشاركة الأصلية كتبت بواسطة beka_kader

بس التوكيل كان بيقول مفيش فرق في المتور هو متور المني كوبر الجديد كام حصان و هل قظفي فرق في التكنولوجي

هوا عادة التوكيلات كلامهم دايما في الفتره الحرجه و دي مدتها كام شهر قبل نزول اي شكل جديد غير موثوق فيه بمعنى لو كان الموتور هيتغير مثلا يبقى ساذج لو عمل تاءكيد للمعلومه و الا حالهم هيقف طول الفتره دي و العربيات اللي عنده سوقها يقف الا لو عمل عليها عروض مثلا و دي برضه هتبقى خساره
بالنسبه للموتور الميني كوبر انا مش عارف بالظبط ساعات في المنتديات يبقوا كاتبين ١٧٥ حصان و ساعات ١٨٥ حصان
فياريت اللي عنده معلومه يقولنا عليها
و وارد بعد كل ده الفيس ليفت ينزل مصر بالموتور الحالي عشان متجرب ببنزين ٩٢

**beka_kader** · 23-08-2014 10:49 PM

المشاركة الأصلية كتبت بواسطة hany63

هوا عادة التوكيلات كلامهم دايما في الفتره الحرجه و دي مدتها كام شهر قبل نزول اي شكل جديد غير موثوق فيه بمعنى لو كان الموتور هيتغير مثلا يبقى ساذج لو عمل تاءكيد للمعلومه و الا حالهم هيقف طول الفتره دي و العربيات اللي عنده سوقها يقف الا لو عمل عليها عروض مثلا و دي برضه هتبقى خساره
بالنسبه للموتور الميني كوبر انا مش عارف بالظبط ساعات في المنتديات يبقوا كاتبين ١٧٥ حصان و ساعات ١٨٥ حصان
فياريت اللي عنده معلومه يقولنا عليها
و وارد بعد كل ده الفيس ليفت ينزل مصر بالموتور الحالي عشان متجرب ببنزين ٩٢

هو فعلا في متور 180 حصان في ال 508 ال فيس لفت بس ده 2.0 litter ديزل لكن البنزين عيبقا 165 حصان 1.6 و ده نفس اللي موجود دلوقتي مع اعتقد فرق بسيط في نسبة العادم مع حصان زياده اللي موجود دلوقتي 163

**hany63** · 23-08-2014 10:54 PM

المشاركة الأصلية كتبت بواسطة beka_kader

هو فعلا في متور 180 حصان في ال 508 ال فيس لفت بس ده 2.0 litter ديزل لكن البنزين عيبقا 165 حصان 1.6 و ده نفس اللي موجود دلوقتي مع اعتقد فرق بسيط في نسبة العادم مع حصان زياده اللي موجود دلوقتي 164

حضرتك متاءكد ان اللي موجود دلوقت ١٦٤ ؟
معلوماتي انه ١٦٣ حصان
احسن حاجه ان الواحد يسجل نفسه على موقع بيجو سيرفس بوكس و يدخل ال Vin

**beka_kader** · 23-08-2014 10:57 PM

المشاركة الأصلية كتبت بواسطة hany63

حضرتك متاءكد ان اللي موجود دلوقت ١٦٤ ؟
معلوماتي انه ١٦٣ حصان
احسن حاجه ان الواحد يسجل نفسه على موقع بيجو سيرفس بوكس و يدخل ال Vin

لا حضرتك صح 163 مش 164 بس هو ايه بيجو سيرفس بوكس ده؟ و ال vin ده اللي هو الكود اللي مكتوب علي الورقه اللي مع المفتاح ولا حاجه تانيه

**hany63** · 23-08-2014 11:04 PM

ال Vin بيبقى مكتوب تحت القزاز و لو عملت سيرش عن طريق جوجل هتلقى الصفحه بتاعة بيجو سيرفس بوكس هتسجل نفسك على انك مهندس صيانه و هيديلك كلمة سر بعد ادخال البيانات بتاعتك المفروض لما تكتب ال Vin يجيبلك اصل و فصل العربيه كمواصفات انا سجلت نفسي بالفعل بس كل مره انسى انقل ال Vin عشان اكشف عليه