الموضوع: متابعه: حادثة برسونا 2012 كارتيرت الزيت 2

السلام عليكم يا شباب
من يومين كده كنت عديت على مطب عالي شوية جابلي كارتيرت الزيت وال Air bags وسالت هنا ف المنتدى اعمل ايه والناس ربنا يكرمها ردت عليا واقترحت عليا حلول شاكر لكل حد ححاول يساعد
اللي حصل النهارده كلمت ونش خدت العربيه للتوكيل طبعا اللي كان ف دماغي هصلح الكارتيره واخد العربيه لحد ماشوف حوار الـAir bags دل قدام شويه
اللي حصل ان الحمد لله الكارتيره ركبت بس للاسف مقاس الزيت اتغير للقديم اللي بينزل لموديلات 2007 عشان الكارتيره مكانتش متظبطه مع مقاس الزيت اللي موجود ف العربيه خدتو ب 150 ج مش عارف حاسسهم كتير علىيه الصراحه كان منظرو متهالك ومش عاطفي خالص بس المهم تتصلح وطبعا خدت القديم معايا..الحمد لله التوكيل خد 200 جنيه مصنعيه مع ان الراجل بتاع البنزينه اللي جنب مكان الحادثه كان عايز 500 وشكلو مكنش فاهم وهيضيع الدنيا الحمد لله
نيجي بقى لموضوع ال Airbags الراجل سألني تأمين ولا ﻷ انا للاسف مش مامن ف المهم حوار ال Air bags لو هيتم ف التوكيل هيكلف حوالي 20 الف جنيه فعلا زي م حد قال هنا قبل كده
طبعا ال Air bag مهم وكل حاجه بس المبلغ دا كبير شويتين فنا أجلت الموضوع شويه على ماشوف ايه الحلول التانيه اللي قدامي..طبعا الحزامين قفشوا مع الحادثه بما ان ال Air bags اتفتحت ف اضعف الايمان كان هيفك القفش والحزامين يشتغلوا عادي من غير بقى مايكونوا مربوطين بالكنترول وكده زي العربيات القديمه بس دا هيبقى يوم تاني لان العربيه خلصت على اخر اليوم خالص
اللي فاضل بقى موضوع ال Air bags الراجل قاللي لو مش هتركب ممكن تفك القديمه وتقفل كده لحد متشوف حل للموضوع ف هيعمل لحام فايبر لاماكن ال Air bags قاللي الفرده هتكلف 350 لو هلحم ف التوكيل وكده فلو حد ليه تجارب ف حوار اللحام الفايبر وفك ال Air bags القديمه ارجوا الافاده (الAir bags دلوقتي ملمومه مكانها لحد ماشوفلها حل)
في ملاحظه: العربيه كل ماركنها ف مكان وارجع كمان عشر دقايق مثلا الاقيها بتسرب هل دا طبيعي ولا المفروض متسربش خالص ؟ اروح تاني للتوكيل يكون في حاجه مش متربطه كويس مثلا؟

شاكر ليكم جدا ومعلش لو مطول عليكم انا بنشر التجربه من باب الافاده العامه لان مواضيع وتجارب زي دي افادتني الحقيقه ف اول الحادثه وشكرا