فعلا, اللى عايز يشترى , يحرس من التجار, لان معظمهم نصابين وبيضحكوا على الناس, والافضل انك تشترى العربية من صاحبها نفسه
عرض للطباعة
فعلا, اللى عايز يشترى , يحرس من التجار, لان معظمهم نصابين وبيضحكوا على الناس, والافضل انك تشترى العربية من صاحبها نفسه
والله العظيم ياجمااعة
زي ماافية الوحش فية الحلو
صوابعكوا مش زي بعضهاااا :)
أنا أشتريت مرتين سيارات مستعملة والحمد لله المرتين كانوا من المالك, وكان الاعلان على النت
وبعت السيارة الأولى على النت برضو
مرة روحت أبص على عربية من اعلان على النت, لما روحت اكتشفت ان صاحبها تاجر
هو طبعا انكر انه تاجر بس انا عرفت على طول من لهجته ومن طريقة تصرفاته, وهو اتنرفز جدا لما قولت له انت شكلك بيقول انك تاجر مش صاحب العربية, وقعد يقولى ده انا عندى مطعم فى امريكا
أسهل طريقة انك تعرف ان اللى بيبيع على النت تاجر من الاعلان, خد رقم التليفون المحطوط وأدخل على جوجل واكتب " للبيع + الرقم "
لو ظهارلك كذا لينك لسيارات مختلفة اعرف انه تاجر, لكن لو ظهرلك السيارة المعروضة فقط أو لم يظهر شىء يبقى براءة
الفكره ان التاجر بيلزق فى العربيه عشان يبيعها
انا بصراحة معرفش عن سوق السيارات
بس بالنسبة للنت ببساطة لما تروح تشوف العربية بيبان صاحب العربية تاجر ولا لا .. انا اشتريت عربية من راجل محترم جدا و كان باين من طريقة كلامه انها عربية بيت و الراجل محترم جدا حتى بعد سنتين من بيعه كان فيه مشكلة فى المخالفات و كان هو ملهوش ذنب فيها بس الراجل رد و حاول يساعد فى حل المشكلة على قد ما يقدر مع انه كان ممكن ببساطة ما يردش من الاساس .. و عايز اقولك نفس العربية ديه انا بعتها بعد سنتين الراجل جيه اشتراها و الله من غير ما يجيب اى حد يكشف عليها ولا وداها اى مكان يكشف عليها .. صدقنى بسهولة تعرف ده صاحب العربية ولا تاجر بيبان اوى من طريقة كلامه و فهمه للعربية