السلام عليكم ورحمة الله
ممكن تدولى ياجماعة على الوان جين 2 موديل 2015؟
وهل حيبقى فيها فرق عن الموديل السابق؟
وسعرها وصل كام دلوقتى للاوتوماتيك؟
عرض للطباعة
السلام عليكم ورحمة الله
ممكن تدولى ياجماعة على الوان جين 2 موديل 2015؟
وهل حيبقى فيها فرق عن الموديل السابق؟
وسعرها وصل كام دلوقتى للاوتوماتيك؟
بالنسبه للسعر فاعتقد 116 زيها زي البيرسونا اما الالوان مش عارف هيبقى في الوان مختلفه عن الموديلات القدديمه ولا ﻷ, في اعتقادي مش هيبقى في اختلاف كتير
110000 جنيه مانيوال
116000 جنيه اوتوماتيك
الالوان:احمر-اسود-ابيض-فضي(علي حد علمي)
بالنسبة للإختلافات بينها و بين موديلات2012-2013 مفيش حاجة مختلفة
من 2009-2010-2011 الفرق هو الكاسيت و الفانوس الخلفي فقط
من اسبوع او اسبوعين كنت في عز العرب (المعرض نفسه) مفيش 2015 اللي عنده دلوقتي 2014
مبروك مقدما
الف شكر على الردود ياجماعة
طيب الفيرانى مش موجود ؟
طيب فى فروقات او تحسن فى استهلاك البنزين او الخامات عن 2008 لانها هى اللى كانت معايا لمدة سنة ونص ومقصرتش معايا ابدا وعشان كدة فكرت فيها تانى
انا سمعت إن الcampro iafm إستهلاك البنزين بتاعه اقل شوية من الcampro العادي
و الخامات سمعت كدة بردو بس الصراحة مش متأكد
و بردو في عربيات 2006،2007و سعات 2008 بحس إن التابلوه بتاعها إجرب إنما من اول 2009 مبقتش اشوف الكلام (رأي شخصي)
بس في حاجات إتشالت زي مثبت السرعة في الاوتو بالنسبة للجين
الsport package بقت سبويلر بس و هي اصلا فئة واحدة اوتو او مانيوال
الجنوط مختلف
الإكصدامات مختلفة
للأسف الساعة اللي في النص إتشالت
الفرش إتغير بما فيه فرش الباب
عمتا تقدر تشوف العربية سواء كانت بيرسونا او جين الاتنين واحد في كل حاجة حتي الخامات اللي انا شايفها كويسة جنب الاكسنت و الالينترا الجداد و مش هبالغ لو قلت إن فرش الباب احسن من البروتون بفرق بسيط(قصدي علي البلاستيك و طبعا البروتون من اول 2009)
و في طبعا الوان اتلغت
اسف للإطالة
الف شكر عالافادة ياجماعة ربنا يخليكوا يااارب
بس الالوان الاساسية للجين2 دلوقتى اييه الفيرانى او الزهرى مش موجودين ؟؟
مره ياباشا شوفت جين 2 بنى و كان شكلها روعة
هل اللون دا سبيشيال اوردر و لا الراجل راشش العربية ؟
حاجة تانيه ,,
فى بيرسونا بتركن جمبى لونها سلفر بس بحس ان لونها مطفى و فيه درجة سماوى
فى حين ان فى جين 2 تانية اعرفها لونها سيلفر صافى و لامع
ليه الفرق ف اللون دا ؟!!!!!!
هل هما درجتين مختلفتين ؟ و لا واحد فيهم راشش العربية و لا ايه بالظبط ؟
انا شوفت جين 2 بني مرة واحدة في6 اكتوبر كان شكلها حلو جدا بس دي كانت موديلات 2010-2011-2009
في2010 الالوان كانت ازرق-فضي-اسود-برتقالي-رمادي بس محدش قالنا حاجة عنه في عز العرب
في2011 اعتقد شالوا لون من الازرق او البرتقالي و الاحمر بقا مكانه.
بالنسبة لفرق اللون بين البيرسونا و الجين 2 معرفش ايه السبب الحقيقة
متابع
لو سمحتم يا جماعة انا عضو جديد و دخلت مخصوص لانى ناوى اشترى بيرسونا و سمعت كلام ان الموديلات الجديدة اقل من القديم فى جودة التقفيل و الخامات فهل دة صحيح ولا لاء و لكم جزيل الشكر
العكس
من 2006،2007،2008 الخامات كانت مش اوي و التقفيل كان ضايع بس المفروض بتتحل مع الصيانة
من 2009،2010،2011،2012،2013 الخامات اتحسنت شوية و التقفيل كمان اتحسن
في 2014 مشاكل التقفيل مبقتش زي الاول و بقت قليلة علي حسب كلام الاعضاء اللي استلموا بيرسونا 2014
مشكوووووووور جدا على الرد يا استاذ عمر بس فى حاجة تانية سمعتها من اكتر من واحد بخصوص الفرامل انها ضعيفة هل دة صحيح
عفوا علي ايه،
لأ الفرامل مش ضعيفة علي قد قوة العربية
بس لو راكب عربية هيونداي او كيا اللي مشوار الدواسة بتاعهم قصير ممكن ساعتها تحس إن الفرامل ضعيفة لحد ما تتعود عليها
اعتقد عز العرب الفرع الرئيسي في ابو رواش عنده تست درايف للبيرسونا لو عايز تجرب العربية و بالمرة الفرامل لإنها مهمة.
تحياتى يا استاذ عمر و انا ان شاء الله هجرب اسوق عربية واحد صاحبى موديل 2012
شباب هو فين مكان عز العرب بالظبط واوصله ازاي
وهل الاقي عنده جين 2 استلام فوري
لو حضرتك من سكان المهندسين
هتمشي في شارع البطل احمد عبد العزيز عند مدرسة الاورمان هتلاقي شارع ادخله هتمشي علي طول للاخر بس متطلعش الكوبري هتلف من تحتيه و ترجع تاني هتلاقيه هناك و الشارع اسمه شارع شاهين.
و في واحد تاني عند الطريق الصحراوي،هتاخد المحور و تنزل نزلة الصحراوي و هتلاقي معارض كتير علي اليمين في الناحية اللي هتوديك إسكندرية بس انا مش فاكر بالظبط هو كان اول معرض ولا تاني معرض معلش بس هو قبل داندي مول.
بالنسبة للإستلام الفوري معرفش بس ممكن تلاقي عنده.
يعني الجين 2014 مفيهاش الازرق والفيراني
احسن لونين ؟!!