جزاك الله خير على سرد التجربة بس للأسف ده ضريبة العيش في مصر ........ ربنا يصلح حال بلدنا
رقم العضوية : 136214
تاريخ التسجيل : 09Mar2013
المشاركات : 612
النوع : ذكر
الاقامة : Agouza
السيارة: ..
السيارة[2]: Peugeot 307
الحالة :
السلام عليكم,
*الموضوع مش دعائي أبداً.. كانت لي تجربة مع إشتريلي وحابب أنقلها هنا للإفادة مش أكتر ولا أقل.
كان لي كذا تجربة شراء أون لاين فاشلة عن طريق الإي باي والأمازون, آخرها انتهت بإن الفلوس اتسحبت من الفيزا مباشرةً لكن البائع اشتكى ان الفلوس موصلتهوش, وبعدين اكتشفت دوّامة الدفع عن طريق الباي بال وانّي لازم ارفع قضية عن طريق الأمازون خلال 20 يوم وإلّا ضاعت الفلوس عليّا. يمين شمال الفلوس ضاعت عليّا في الآخر.
وفي تجربة أخرى الجمارك الفظيعة كلفتني 400 جنيه ضرائب على حذاء اشتريته من موقع أمريكي. توبة.
بطبيعتي مبحبّش المواقع الوسيطة بتاعت الشرا اون لاين, اصل ايه الزيادة اللي همّا بيعملوه مقدرش انا اعمله بنفسي وأوفّر فلوسي؟
لكن التجربة السيئة الأخيرة دي خلّتني أرفع راية الإستسلام وأدوّر على وسيط أون لاين.
جالي من سنة تقريباً هديّة موبايل Motorola Droid RAZR XT912 - الجهاز شغال بنظام أندرويد - من صديق لي في أمريكا, استعملته فترة وبعدين البطّارية باظت فجأة, دوّرت في النت وطلع ان الموتورولا ده بالذات في مشكلة سخونة في البطارية ومع الوقت البطارية بتبوظ.. لازم استبدالها بواحده تانية Replacement واتباع خطووات معيّنة لما تيجي تشحن الموبايل عشان تطوّل عمر البطارية.
طبعاً الموبايل اترمى في الدرج فترة طويلة لحد ما قررّت اشتريله بطارية جديدة.
دلوقتي معايا آيفون وتوبة من الأندرويد الحمدلله.
قلبت القاهرة رأساً على عقب ما لقتش بطارية للموبايل, سألت في الإمارات والكويت وبرضه مالقتهاش. مكانش قدّامي الا الأون لاين.
دخلت الإي باي واخترت البطارية اللي أنا عاوزها وإتأكّدت من تقييم البائع في الأوّل - حاجة مهمة طبعاً -
رحت ل أشهر وسيط أون لاين حالياً "إدفعلي" في الأوّل, عملت الأوردر وكل حاجة, كنت مستنّي الموافقة النهائية عشان احوّل فلوس من الفيزا.. اتفاجئت بإيميل منهم بيعتذروا لي بحجّة انهم مش بيشحنوا كيماويات - وده بيشتمل بطاريات الموبايل -
تعليقي: المفروض يكون في فليكسبيلتي أكتر من كده, صحيح ان بطاريات الموبايل من الناحية التقنية تندرج تحت مسمى الكيماويات.. لكن المفروض تكون استثناء.
رحت بعد كده لإشتريلي, عملت الأوردر وطلبت ان موظف يجي لي مخصوص لحد البيت يستلم منّي الفلوس - العملية دي بتتكلّف 30 جنيه زيادة -, وبالفعل في نفس اليوم جالي واحد وأخد منّي الفلوس.
الحسبة كانت كالآتي : (137 جنيه تمن البطّارية الفعلي + 28 جنيه ضرايب جمركية مالهاش لازمة بس لازم الدولة تقلّبك في اي قرشين + 5% من سعر المنتج الفعلي بتاخده اشتريلي + 48 جنيه شحن )
= 263 جنيه تقريباً.
هل الحسبة عادلة في رأيي؟ التكلفة بتقترب من الضعف تقريباً لكن راحة البال مش ببلاش.
الحسبة النهائية كانت ارخص من ادفعلي بالمناسبة. مش فاكر الفرق كان كام بالظبط.
إشتريلي بيطلب منّك مهلة شهر كامل لحد ما يوصلك الأوردر بتاعك لحد البيت. وفعلاً قبل نهاية شهر من عمل الأوردر ب 4 أيام كانت البطّارية وصلت المكتب بتاعهم ف اسكندرية واتشحنت في نفس اليوم عن طريق أرامكس ووصلت خلال يومين لحد باب البيت.
صور للشحنة:
وفي النهاية حسبي الله ونعم الوكيل في البلد اللي مفيهاش ثقافة الشرا اون لاين بسبب الجمارك المتعسّفة على كل صغيّر وكبير. من مشبك الشعر لحزام البنطلون كلّه بيتجمرك.
رقم العضوية : 144454
تاريخ التسجيل : 26May2013
المشاركات : 627
النوع : ذكر
الاقامة : السعودية
السيارة: لسه بدري
السيارة[2]: ACCENT 2014
الحالة :
جزاك الله خير على سرد التجربة بس للأسف ده ضريبة العيش في مصر ........ ربنا يصلح حال بلدنا
www.micro-controllers.com
رقم العضوية : 21507
تاريخ التسجيل : 08Oct2008
المشاركات : 1,869
النوع : ذكر
الاقامة : القــــــــاهرة
السيارة: Verna 2012 A/T
السيارة[2]: Sunny 2016 A/T
الحالة :
انا اشتريت منهم مرتين , مرة جراب تابلت لينوفو من موقع لينوفو امريكا ووصل عندي على الشركة بعد اسبوعين بالظبط
مرة تانية لسه من اسبوعين استلمت ساعه كنت شاريها من امازون عن طريقهم و وصلت بعد حوالي 25 يوم
تقييمي ليهم انهم ممتازين و اسعارهم و عروضهم احسن من ادفعلي
وعلى فكرة الشحن و الجمارك عن طريقهم بيكون ارخص من انك تشتري المنتج بنفسك من امازون و دي انا جربتها عمليا في الساعة اللي اشتريتها عن طريقهم كانت هاتكون اغلى 300 جنيه لو كنت اشتريتها من امازون مباشرة
رقم العضوية : 160847
تاريخ التسجيل : 30May2014
المشاركات : 367
النوع : ذكر
الاقامة : لا
السيارة: لا
السيارة[2]: لا
الحالة :
اوووووووووووووووووو .. ربنا يكون في عونك انا تبعتلك :/
بالنسبه للشراء الاون لاين انا بتعامل مع مواقع كتير بس كلها عربيه بصراحه ومحستش باي عيوب نهائيا الحمدلله
زي سوق.كوم ... نمشي ومش فاكر الباقي والله .. بس ع العموم حمدلله علي سلامه البطاريه اللي لفت العالم ^_^
وفعلا نظام الحكومه في الجمارك متخلف جدا جدا جدا ومخلي البلد عندنا متاخر 100 سنه ل وراء وياريت الجمارك اللي بندفعها بتبان في الدوله وبعدين لو علي بطاريه او مشبك والكلام دا ف دي حاجة فارغه ومن زمان بس جمارك توصل لانه يدفعك 132% دا اسمه هبـــــــــــــــــــــــ ـــــل
رقم العضوية : 13185
تاريخ التسجيل : 18Jun2008
المشاركات : 875
النوع : ذكر
الاقامة : Minia El-Kamh
السيارة: Cellphone: Samsung G810
السيارة[2]: Peugeot 504 GL 1977
دراجة بخارية: none
الحالة :
مبروك. الجمارك هنا بحالات بصراحة
و أنا من أنصار الشراء بدون وسيط إلا في حالات معينة.
مدونتي http://historyneverdies.blogspot.com
مدرس مساعد جراحة الأطفال و حديثي الولادة
رقم العضوية : 139863
تاريخ التسجيل : 09Apr2013
المشاركات : 344
النوع : ذكر
الاقامة : الاسكندرية
السيارة: ربنا يسهل
السيارة[2]: ماروتي
الحالة :
مبروك وصول المنتج بالسلامة
لكن اعتقد انك لو كان عندك عنوان في امريكا علي شوب اند سيب وشحنتها بنفسك كام ممكن توفر شوية في السعر....والله اعلم
للتواصل...اخوكم/ محمد عبد الجواد
qkash1@yahoo.com
01020390034
رقم العضوية : 13185
تاريخ التسجيل : 18Jun2008
المشاركات : 875
النوع : ذكر
الاقامة : Minia El-Kamh
السيارة: Cellphone: Samsung G810
السيارة[2]: Peugeot 504 GL 1977
دراجة بخارية: none
الحالة :
فكرتني كان عندي موبايل Samsung G810 كان مركون عندي من سنتين بسبب عيب في الفلاتة flex cable، و كنت دورت عليه في مصر "شارع العطار في العتبة" لا وجود له. لأن الموبايل ده ما نزلش مصر هو كمان.
من شهر اشتريت واحد flex cable جديد من بائع صيني على ebay اشتريته بدون وسيط، كلفني 18.5 جنيه :) و وصل عن طريق ساعي البريد لحد باب البيت، بالبريد العادي ماكانش مسجل حتى، و بدون جمرك أو رسوم :)
كان حظي حلو
و من كام يوم بدلته مكان القديم البايظ و الموبايل اشتغل زي الفل :)
History Never Dies, abo_hosni: إصلاح ال Flex cable (الفلاتة) في موبايل سامسونج Samsung G810
مدونتي http://historyneverdies.blogspot.com
مدرس مساعد جراحة الأطفال و حديثي الولادة
رقم العضوية : 33438
تاريخ التسجيل : 19Feb2009
المشاركات : 14,563
النوع : ذكر
الاقامة : استراليا
السيارة: None
السيارة[2]: Toyota Camry
دراجة بخارية: Harley-Davidson
الحالة :
موضوع البطاريات ده مش غلاسة ...... شركات الشحن اتفرض عليها الموضوع من هيئة الطيران المدني الدولية ...... عشان الخوف من انفجار البطاريات على متن الطائرات ......
رقم العضوية : 136214
تاريخ التسجيل : 09Mar2013
المشاركات : 612
النوع : ذكر
الاقامة : Agouza
السيارة: ..
السيارة[2]: Peugeot 307
الحالة :
رقم العضوية : 148549
تاريخ التسجيل : 12Sep2013
المشاركات : 372
النوع : ذكر
الاقامة : في الجو ( طيار PILOT )
السيارة: دودج
السيارة[2]: تويوتا
الحالة :
سعرها اوفر اوي لو كنت عارف انك عايزها كنت جبتهالك مع الشحن بالبريد العادي ب 90 جنيه فقط
المفضلات