هل ده طبيعي فى النترا 2015 .. ارجو التوضيح
يا جماعة انا اشتريت النترا 2015 ماشي بيها حتي الان 2000 كيلو يعني لسه بفتح فى الموتور والعربية الي حد ما تمام وماشي الحال مع احترامي لملاكها بس هيا خفيفه جدااا وفرامل فى الضياع وداا يمكن عشان انا اللى معايا مفيهاش ABS .. بس من ناحيه الشكل الخارجي والداخلي جميلة وشيك جداا من جوه من ضعف الخامات فى بعض الاشياء وليس كلها .. بشكل عام انا راضي عن السيارة بس فيه كام حاجه عاوز اسال فيهم :
1- هو اايه نظام استهلاك البنزين العربية بتعمل من 400 الى 430 كيلو فى الــ 45 لتر بنزين 95 دا بالنسبة لطرق طويله وداخل المدينه يعني المتوسط .. فهل داا طبيعي ؟
2- اما بجي احول الفتيس للستيبترونك بحس بنتشه من ال3 الى ال4 وفى حاله الاوتو بحس بالنقلات وبيبقي فية تقل فى الطلعه هو مش تقل هو بحس ان العربية واخده غيار عالي يمكن عشان 6 غيارات فبضغط بنزين حبتين عشان تنزل لغيار ااقل واحيانا بحس بالغيارات بس مش اوى يعني .. فهل اللى بيحصل داا طبيعي ولا انا عندي مشكله ؟
ارجو من الناس اللى عندها خبره او جربت العربية يفيدوني .. انا مبدئياا معايا سكودا A5 فى مصر من 2006 واول مرة اركب كوري بس الجيب يحكم بقااا وهنا فى الامارات الالماني قطع غياره ناااار واعطاله كتير بسبب الحر.. وبصراحة هياا اكتر عربية فى رنج السعر بتاعها تستحق الفلوس اللى تدفع فيها وبالذات اختها كياا سيراتو اللى مش مقتنع نهائي بيها برده مع احترامي لملاكها بس ده رأئي الشخصي وعن تجربه طبعاا .. واسف على الاطاله وتقبلوا عضو جديد اسكوداوي هيونداوي :post: