الموضوع: اضافة زيت الباور على زيت الباكم

المشاركة الأصلية كتبت بواسطة Nfs Rivals

تعرف يا باشا؟؟
...............................................
وكانت معلومة جديدا عليا جدا
وسالت كذا ميكانيكي و عفشجي قالي مش العكس
من زيت اى عربية لتزود زيت الباور في القربة مش العكس ,, دة عادى
اما من زيت باور للباكم
اصلا هي مادة كيماوية مش زيت فرامل يا بيه

شوف يا Nfs باشا وعلي فكره انت اجدع باشا هنا في القسم مغرق الناس اعحاب وشكرا

موضوع الزيوت ده هاتلاقيه بالظبط عند اي دكتور اسنان من اللي هم عندهم مكن وكراسي
من الموديلات القديمه اللي كانت بتستعمل الزيوت واجهزه معمره تعيش 500 سنه الدكتور يتوفاه الله والاجهزه الورثه محتارين يودوها فين ... قصره
1- كمبرسور المكنه بيحطله زيت موتور العربيه (التعاون _موبيل_شيل )اي نوع
2- المعده الصغيره اللي بتلف ويستخدمها علشا يفحر بيها الضروس دي بيحطلها زيت خفيف
يستحمل درجه احتكاك عاليه وكثافته قليله علشان التروس صغيره فا ما يعوقش الحركه ويدي
سرعات عاليه ويمنع الحراره المتولده من الاحتكاك
3- الكرسي الموديل القديم اللي الدكتور بيرفع العيان بتحريك رجله كذا مره دا بيحط فيه زيت باكم
يعني زيت الباكم هو اللي بيحرك الكرسي الي اعلي بالمريض اللي وزنه 100 كيلو
زي بالظبط كراسي المكاتب الحديثه اللي بتطلع وتنزل برضه زي كريك العربيه اللي بيرفع العربيه النظريه انه بتستخدم زيت كثافته عاليه وبتحبسه في حيز صغير فا يعطي قوه دفع يبقي انت لما تدوس علي دواسه الفرامل بالظبط زي دكتور الاسنان ما بيدوس علي دواسه الكرسي الزيت بيدخل في انابيب..... الكرسي بيترفع او انت بتدوس علي دواسه الفرامل فيحرك تيل الفرامل

طب ايه اللي يحصل لو حطيت زيت البور بتاع التروس اللي بتلف بدل زيت الباكم في كرسي الاسنان او الكريك او قربه زيت الفرامل ؟ ؟؟؟ ولا يحصل اي حاجه ضاره بس لانه كثافته اقل فا مش ها يدي قوه دفع االكرسي والكريك مش ها يطلع فوق وان طلع ها ينزل بسرعه او تدوس الفرامل بس مش ها تشتغل
طب لو حصل العكس حطيت زيت الباكم مكان زيت البور زي الاسطي ما عمل
هنا بقي لازم يحصل الضرر لانك حطيت باكم لمكنه فيها تروس صغيره الاداء ها تلخبط
وها يتراكم ماده لزجه بين التروس فا الحركه تبقي مش سريعه ودرجه الحراره تعلي
وشويه شويه مكنه البور تعطب

ياريت تغير الزيت زي الأخوة ما رود وبعدين أتناقش براحتك لان دي حاجة مفيهاش هزار

شكرا لكل الاخوة الاعضاء والردود الجميلة وشكر خاص للاخ الفاضل moko_2004

المشاركة الأصلية كتبت بواسطة gergeslotfy

شكرا لكل الاخوة الاعضاء والردود الجميلة وشكر خاص للاخ الفاضل moko_2004

ده اسلوب رقيق ومهذب لغلق الموضوع ... اوكي المعني وصل ...

بس من حقنا نعرف ان كان ده حصل معاك تقول لنا عملت ايه ...
وان كان مجرد موضوع للمناقشه نبقي برضه عارفين
مش عيب انه واحد يفتح موضوع للمناقشه وبيكون موضوع مهم مش شرط يكون حصل معاه فعلا

لا حضرتك هو حصل معايا ومحصلش مشاكل لحد دلوقتى الحمد لله بس موضوع النحر عند الضغط على الفرامل ده ظهر فجأة وحبيت اعرف ايه اللى ممكن يسببه الموضوع ده وحضراتكم ردودكم كانت مفيده
انا هروح لميكانيكى واغير الزيت وهشيك كمان على الفرامل كلها واعرف سبب صوت النحر بس الفكرة انا راكن العربيه من كام يوم فمش هعرف انقل لكم النتيجة بشكل سريع
شكرا لحضرتك وكل الساده الاعضاء الكرام

روحت للميكانيكى عشان اغير الزيت زى ما حضراتكم نصحتونى
اول ما فك تيل الفرامل قالى التيل عايز يتغير قلت له ماشى رحت اشتريت تيل ورجعت
اول ما ركبه قالى الماستر ده بايظ طيب ياعم ازاى انا لسه جاى لك من سفر والدنيا كانت تمام مفيش غير صوت النحر وده كان سببه التيل اتاكل قالى يعنى انا عملت له ايه
المهم اشتريت ماستر استيراد وركبته
انا مش عارف ايه سبب ان الماستر باظ هل هو السبب ولا زيت الباور مع العلم انى كنت حاطط زيت الباور حوالى 20 مل من اربع شهور والفرامل كانت شغاله تمام
انا حبيت انقل لحضراتكم اللى حصل معايا بالتفصيل عشان نستفيد كلنا

متابع .....