حد سافر مطروح بالعربية يقولنا اخبار الطريق ايه :)

**hesham fawzy h** · 20-08-2014 03:46 PM

المشاركة الأصلية كتبت بواسطة محمد يوسف

اوعى تسافر الطريق ده بالليل لأى سبب

والأفضل نهارا ماتاخدش طريق العلمين .... خد الطريق الدولى من عند دخلة اسكندرية على سيدى كرير طوالى

لييييية ؟؟؟؟
انا رحت و رجعت عليييية.. تمام يعنى مفهووووش حاجة

**محمد يوسف** · 20-08-2014 03:54 PM

المشاركة الأصلية كتبت بواسطة hesham fawzy h

لييييية ؟؟؟؟
انا رحت و رجعت عليييية.. تمام يعنى مفهووووش حاجة

أولا مكسر وثانيا مالوش أمان .... صدقنى بتحصل عليه بلاوى كتيرة

احنا ربنا سترها علينا بس ننصح غيرنا بالأحوط والأسلم

**M.Elgergawy** · 20-08-2014 04:01 PM

شكرا جزيلا يا جماعه فعلا هسافر بالنهار زي مقولتوا مع انى كل سنه بسافر وبرجع بليل بس هسمع الكلام المره دي لاني كمان مسافر لوحدي غير كل مره ...
استاذ محمد يوسف ممكن تشرحلى الطريق اللى حضرتك بتقول عليه دا امشيه ازاي انا طول عمر بسافر من طريق العلمين

**محمد يوسف** · 20-08-2014 08:53 PM

المشاركة الأصلية كتبت بواسطة m.elgergawy

شكرا جزيلا يا جماعه فعلا هسافر بالنهار زي مقولتوا مع انى كل سنه بسافر وبرجع بليل بس هسمع الكلام المره دي لاني كمان مسافر لوحدي غير كل مره ...
استاذ محمد يوسف ممكن تشرحلى الطريق اللى حضرتك بتقول عليه دا امشيه ازاي انا طول عمر بسافر من طريق العلمين

تروح وترجع بالسلامة ياباشا

بص انت حاتاخد مصر اسكندرية الصحراوى عادى ... وتكمل لغاية ماتوصل الكيلو 21 (بعد العامرية) حاتلاقى على شمالك يافطة ماكدونالدز...تعمل يوتيرن وتخش من جنب ماكدونالدز ..ده بداية طريق برج العرب...حاتمشى فى الطريق ده واستاد برج العرب على شمالك لغاية ماتلاقى صينية فى وشك.... تخش من عندها يمين وتفضل طوالى لغاية ماتلاقى فى وشك محطة كهرباء سيدى كرير (حاتعرفها من المدخنة واليافطة)... تلف من عندها وحايبقى فى وشك طريق مطروح... تكمل طوالى حاتعدى على مارينا وطوالى لغاية مطروح

هو الطريق ده أطول حوالى 45 دقيقة من طريق العلمين بس ليه ميزات ان مطباته نادرة وعلى طول العربيات رايحة جاية عليه....يعنى ونس مش مقطوع زى طريق العلمين وادى النطرون

وربنا يستر طريقك

**M.Elgergawy** · 21-08-2014 10:25 AM

تسلم يا باشا ربنا يباركلك

**M.Elgergawy** · 31-08-2014 09:36 AM

الحمدلله سافرت ورجعت والطريق تمام وزي الفل :)

**J A G U A R** · 31-08-2014 06:58 PM

حمد لله على السلامه

انا مسافر مطروح الاسبوع اللى جى ان شاء الله

**J A G U A R** · 01-09-2014 04:50 AM

المشاركة الأصلية كتبت بواسطة hesham fawzy h

توصل بالسلامة ان شاء الله

احلى شاطئ عجيبة .. والقهاوى الى عند كبرى روميل جميلة جدا فيها رقص و اغانى بدوى

رحلة سعيدة

الله يسلمك

عجيبه ده فى موجه جامده ولا اى كلام
علشان مبحبش الموجه الضعيفه

ولو ضعيفه
الاقى الموجه الجامده في شط ايه

-

-

الموضوع: حد سافر مطروح بالعربية يقولنا اخبار الطريق ايه :)

LinkBack

أدوات الموضوع

عرض

-

-

-

-

-

المواضيع المتشابهه

حد سافر شرم بالعربية قريب؟؟

محدش جدد ترخيص اليومين دول يقولنا اخبار المرور ايه دلوقتى ..؟

اتقلبت بالعربية على الطريق الدائري

اروح مرسى مطروح بالعربية ولا اتوبيس

الكلمات الدلالية لهذا الموضوع

المفضلات

المفضلات

ضوابط المشاركة