افيدونا افادكم الله بالنسبه لتكيف الانوس

**kinbergo29** · 20-08-2014 10:45 AM

انا لسه مشتري لانوس ٢٠٠٢ من شهر كده وواخده علي عيب التكيف الي مش عارفين مشكلته ايه المهم رحت شارع دمشق عند عشم نوار قلي الكباس بايظ الي هوه كومبرسر وده الاصلي ب١٨٠٠ جنيه وفي مشكلة في التوصيلات وغالبا هتكلفك ٢٥٠٠ قلي اشتغل قلتله فكك مني المهم قعدت اخد وادي معاه منجيب استيراد قلي مش هيعيش معاك قلتله غاليه جداا ولو كده مش هصلح التكيف المهم كلمت واحد صاحبي عنده محل في الحرفين وحكتله هوه مش شغال في الانوس سألي وقلي الكباس ده ب ٦٠٠ جنيه استيراد وفكك من عشم نوار ده حرامي انا دلوقتي اعمل اركب الاستيراد ده ولا مش هيعيش

**hateeem** · 20-08-2014 05:10 PM

الكباس الاستيراد فعلا بـيتراوح 550 : 600 وبيبقى كويس بس خلى صنايعى كويس يجيبهولك

او حاول اللى تشتريه منه تقوله انك هاتجربه مثلا يديك عليه كام يوم تغيروا فيه لو طلع بايظ

والاهم من ده كله تلاقى صنايعى نضيف يعمل الشغل ده

**kinbergo29** · 20-08-2014 06:23 PM

شكرااا

**aelmohamady** · 20-08-2014 07:29 PM

هى المشكلة فى الاستيراد انه انت ونصيبك والمشكلة انك مابتعرفش هو كويس ولا وحش الا بعد مابتركب وتشحن وبالتالى هاتغرم مصنعية وثمن شحن الفريون انا رايي الشخصى انك تجيب للكمبروسر بتاعك طقم اصلاح مش هايكلفك كتير ولو باظ بعد كده مش هاتكون غرمت كتيربس نصيحة سواء جيبت كمبروسر او صلحت اللى عندك تروح لواحد يكون بيشحن بالكمبيوتر مش يدوى علشان يحطلك كمية فريون مظبوطة وكمية زيت مظبوطة لا للاسف كل اللى بيشتغلوا يدوى بيحطوا زيت بالفهلوة وده السبب الرئيسي لبوظان الكمبروسر تانى حاجة لازم تغير الفلتر و المكثف علشان بيبقى فيهم رايش من الكمبروسر القديم فايبوظولك الشغل اللى اتعمل

Sent from my samsung GT-I9152 using Forum Runner

**emad6610** · 20-08-2014 07:32 PM

يعني ايه يشحن كمبيوتر؟ و يا ريت اسم حد يكون مضمون و ثقة

**aelmohamady** · 20-08-2014 07:35 PM

جهاز بيتوصل بالعربية وبتختار ماركة العربية والموديل وهو بيعمل فاكيوم وينضف الدايرة ويتاكد ان مافيش تسريب وبعدين يحط الفريون وبعدين الزيت من غير تدخل العامل البشرى انا من اسكندرية فامش هاقد افيدك فى المكان

Sent from my samsung GT-I9152 using Forum Runner

**shur3000** · 20-08-2014 08:33 PM

الصراحة تكيف اﻻنوس زفت اشحنة يبقى زى الفل لمدة اسبوع بعدها يرجع صعيف فحت نفسى فى حد كويس فى المنصورة

**shur3000** · 20-08-2014 08:34 PM

هات اﻻستيراد وامرك لله وسيبك نن اللى انت رحتله ﻻن شكله مش وﻻ بود

**Eng.Geo** · 20-08-2014 08:58 PM

http://www.nilemotors.net/Nile/420289-a.html

جرب ده وهتدعيلي
ناس كتير راحوله من هنا في المنتدي وأكدوا علي امانته وانه بيفهم جدا
انا جايب من عنده كباس جديد ب 1500
خد بالك فعلا الأستيراد بتاع الكباسات في الدايو لازمله في الغالب طقم اصلاح .... انا اشتريت دماغي وجبت جديد
انا ممكن اوريك 3 كباسات عندي استيراد وكلهم محتاجين اصلاح واللي منهم محتاج بلية عشان خشنة