يغير سيور ليه اعتقد لسه بدرى العربية
عاملة ٣٠٠٠٠ بس
عرض للطباعة
للأسف المشكلة ما تزال موجودة
مجرد تنك البنزين ما وصل للنص كده وبدأ التنتيش والتقطيع على السرعات البطيئة
صحيح العربية فاقت بعد تغيير البوجيهات وفلتر الهوا بس المشكلة مازالت موجودة التنك مليان يبقى مفيش مشكلة وأول ماتوصل لنص التنك او اقل يبدأ موضوع النتشة ده على الأول والتانى
وعلى فكرة في ريحة بنزين نىء مش محروق بره العربية
المشكلة دى بالظبط ظهرت معايا بعد استخدام بنزين 80 وعملت كل الاحتمالات ماعدا تنظيف الرشاشات لعدم وجود جهاز فى المكان اللى بسكن فيه
أنا استخدمت بنزين 80 من حوالى سنة او سنة ونص لما كان فيه ازمة طاحنة فى البنزين و90 و92 مكانش متوافر بس ده كان لتفويلتين تلاتة ورا بعد وبعدين الازمة فكت وقتها
لكل هذه المده مكانش في مشاكل بعد التوقف عن استخدام بنزين 80 واللى كانت كل مشكلته معايا تسقيف العربيه ولونه كان رخيص وحنين وبيقعد فى التنك كتيييييير
وانا كمان فولت 80 كان نفس الوقت تقريبا ولنفس الاسباب لكن النتيجة للاسف من وقتها حتى صوت الموتور بقا عالى
ياريت حد يفيدنا فى المشكلة دى
خلي ميكانيكي يشوف طلمبة البنزين
اكشف على طلمبة البنزين والرشاشات وغير فلتر البنزين بفلتر جديد أصلى
المشكلة دي كانت بتحصل معايا زمان وساعات تعمل باك فاير من الشكمان وكانت قارفاني..غيرت طرمبة البنزين والموضوع اختفى الحمد لله.
طرمبة ضعيفة وبتودع
مشكله النتشه دي عندي في موديل 2011 .. كنت جايبها زيرو و ما زالت معايا .... اول ما حصلت معايا النتشه دي كنت راجع علي طريق اسكندريه - قاهره الصحراوي و كان الجو حر في اليوم ده الساعه 1 ظهرا تقريبا ..و كنت مشغل التكييف و العربيه عامله ساعتها 4000 كم فقط و بقالها 5 شهور ...و اول ما دخلت ميدان لبنان الدنيا زحمت و العربيه بدأت تنتش علي الاول و التاني ...( تاخد و تدي ) زي ما العضو الفاضل صاحب الموضوع ذكر .
صياناتي كلها في التوكيل من اول يوم حتي انتهاء فتره الضمان في 12/2013
التوكيل حاول اكتشاف المشكله و حلها و لكن بلا جدوي حتي الاسبوع الماضي
المشكله بتحصل في الجو الحر اوي فقط و مع تشغيل التكييف ..لكن لو الجو كويس مبتحصلش المشكله ابدا .
بالتالي في التوكيل ماشافوش العيب ظاهر غير مره واحده فقط في 3 سنوات . ( طبعا كل الصيانات في مواعيدها )
التوكيل قام بتغيير الاتي :
1- بوبينه
2-طرمبه بنزين
3- بوابه و tps
4- حساس شكمان
5- بوجيهات اكتر من مره
كل ده بلا جدوي ...المشكله بتحصل كل صيف زي ما شرحتها سابقا .
الاسبوع اللي فات كنت بغير تيل في التوكيل و المهندس بيجرب العربيه ف حصلت معاه النتشه .. فتح فايل العربيه علي الكمبيوتر و شاف العربيه غيرت ايه قبل كده .
قاللي تعالي في يوم بدري نكشف علي الضفيره و نغير سلوك البوجيهات و نركب بوجيهات gm ( تمنهم 112جنيه للطقم ) و اللي راكب فيها حاليا acdelco من التوكيل بس مبشتكيش منهم .
ف قاللي حنكشف عالضفيره عشان احتمال يكون فيها حاجه مع تغيير البوجيهات بسلوكها و نجرب .
خدت رأي محمد السيد الكهربائي بالدقي من حوالي 10 ايام مع أ/ طارق علاء منسق القسم .. و كان رأيه كشف علي الضفيره بردو و قاللي العربيه دي كانت بتنزل بمشاكل في الضفيره اول ما بقت شيفروليه .
اسف للاطاله .. و لكن انا قلت احكي تجربتي يمكن اقدر افيد حد و حد يفيدني .