يا مدرسينا.. يا

**دموع الثلج** · 22-10-2008 03:31 AM

مدرس اللغه العربيه استاذ محمد عفيفى فى ابتدائيه ده كان دائما لما اجاوب فى النحو صح يدينى جنيه هديه ايام الجنيه بئه ماكان له شنه ورنه :k49:

استاذ العربى برضوا فى اعدادى كان اسمه احمد واحنا فى الفصل مطلعين عليه اسم شيــــــــبوب من قصه كانت فى العربى لانه قصير جدا ورفيه جدا حاجه كده متجيش مدرس شكله عيل صغير بس كان ونعمه الرجل البارد بس ملهوش دعوه يشرح واحنا طز فهمنا ولا مفهمناش مش قصته :coolgleamA:

استاذ مصطفى كامل مدرس الفيزياء فى ثانوى كنت لما اجاوب اى سؤال ويطلع صح يقولى دائما شاطره عليــــــكى عــــــداد نوووووور الله يرحمه اطيب مدرس شفته

استاذ احمد مدرس الكمياء فى ثانوى ده كان طرزان حجمه يمكن سبعين ذراع طول وعرض واصلع وجايب شعره على جمب واحد ومرعب طبعا ده مكانش بيدينى جوايز

كان اول ما يدخل الفصل يطردنى بررررررررررررره وش كده يقولى قومى على مكانك بره على السلم مش هقولكم هو كان بيحبنى اوى كده ليه

مس منى مدرسه الانجليزى فى لاعداديه اووووووول مدرسه كانت تلبس المينى جب فى المدرسه وكل لبسهاكده وطبعا كلنا مهووووسين بلبسها وريحه البرفان ولا فاهمين كلمه منها:K15:

نفسسسسسسسسسى اقولكم اللى عمرى ما هنساها ناظره المدرسه الثانويه مس نجاح اسمها

كانت بتجيب كرسى وتقعد لى انا مخصوص فى الحوش عشان تصطادنى وانا مزوغه من الحصص

لحد ما زهقتنى مره مش عارفه انزل الحوش ولا ازوغ من الحصص نطيت لها من سور المدرسه هههههههههههه وتانى يوم لقيتها جايبنى من قفايا فى الطابور وظبطتنى فى المكرفون وهبدتنى فصل :err:

**ramyfawzy** · 22-10-2008 05:04 AM

ياه فكرتوني بالذي مضى وولى
ذكريات المدرسة والمدرسين والحوارات اللي كانت بتحصل ايامها فعلا ماتتنسيش
بس ايام ثانوي كانت احلى الايام
مدرس اللغة العربية : الاستاذ ناصر
كل ما يدخل الحصة - على طول يروح قايل - شلة الستة اللي ورا (3 دكك وفيها 6 شباب زي الفل)
على الحوش وبسرعة - ليه بس يا استاذ - عايز اشرح حاجة مهمة ومش عايز قلق في الحصة يا حوش - طبعا احنا ما بنصدق - نقضي الحصة في الكورة والطايرة
مدرس الكيمياء - استاذ عادل (الشهير بهوجان - نفس الدقن والجسم والشكل ما شاء الله)
الخرزانة الطويلة الاليمة على الفاضية والمليانة وبسبب ومن غير سبب
ده غير انه اول واحد اشوفه بيشرب شاي في برطمانات العينات والاختبارات بتاعت الكيمياء
مدير المدرسة : الاستاذ العظيم : احمد حمدي
لسه فاكر صوته الشهير وهوه بينده : يا ولد - تعالالي
هاهاهاهاهاهاهاهاهاهاهاهاه اها
الله يمسيه بالخير لو كان لسه في الدنيا - والله يرحمه لو توفاه الله

**OlaOsman** · 22-10-2008 12:29 PM

أيوه كده كله يطلع ذكرياته من مخبأها :err:

هارجع اقرا بتأني ان شاء الله و بعدين أتابع سرد ذكرياتي عن مدرسيني :)

**AHMEDCAR** · 22-10-2008 01:00 PM

مواضيع متالقا كالعاده

الموقف الوحيد اللى معلم فى دماغى و انا فى 2 اعداى

حطيط للمدرسه مسمار فى الكرسى ايون مسمار فى الكرسى الراجل يعبنى قعد من هنا و لقينا دماغه مره و احده خبطت فى سقف الفصل و بمجرد ما عرف يلم نفسه

قام و قالى (أ/ أحمد أبوزيد ) اطلع بره و طبعا العبد لله هو كل ما حد يعملك حاجه فى الفصل ده تطلعنى انا بره حرام عليك ههههههههههههههههههه

**AHMEDCAR** · 22-10-2008 01:06 PM

المشاركة الأصلية كتبت بواسطة ramyfawzy

ياه فكرتوني بالذي مضى وولى
ذكريات المدرسة والمدرسين والحوارات اللي كانت بتحصل ايامها فعلا ماتتنسيش
بس ايام ثانوي كانت احلى الايام
مدرس اللغة العربية : الاستاذ ناصر
كل ما يدخل الحصة - على طول يروح قايل - شلة الستة اللي ورا (3 دكك وفيها 6 شباب زي الفل)
على الحوش وبسرعة - ليه بس يا استاذ - عايز اشرح حاجة مهمة ومش عايز قلق في الحصة يا حوش - طبعا احنا ما بنصدق - نقضي الحصة في الكورة والطايرة
مدرس الكيمياء - استاذ عادل (الشهير بهوجان - نفس الدقن والجسم والشكل ما شاء الله)
الخرزانة الطويلة الاليمة على الفاضية والمليانة وبسبب ومن غير سبب
ده غير انه اول واحد اشوفه بيشرب شاي في برطمانات العينات والاختبارات بتاعت الكيمياء
مدير المدرسة : الاستاذ العظيم : احمد حمدي
لسه فاكر صوته الشهير وهوه بينده : يا ولد - تعالالي
هاهاهاهاهاهاهاهاهاهاهاهاه اها
الله يمسيه بالخير لو كان لسه في الدنيا - والله يرحمه لو توفاه الله

باشا انت كنت فى مدرسه امير الشعراء اللى فى مدينه نصر صح

لو طلع صح فاكر استاذ عمانويل بتاع الانجليزى كان مدرس بجد و مسخره فى نفس الوقت

**Islam_galal** · 22-10-2008 01:17 PM

مدرسين أثروا فعلا
في ابتدائي ، أبلة فايزة جزاها الله عني خير، كانت مثال و قدوة و أم
في اعدادي مفيش
في ثانوي أستاذ / جلال نصيف مدرس الانجليزي كان أب و أخ و أستاذ

لهم أفضال علي و دائما في ذاكرتي

**MTAK** · 22-10-2008 02:12 PM

يا مواضيعك يا علا يا منسجمانا"يعنى مخليانى ننسجم من المتابعة" على الاخر

فكرتينى بميس هدى بتاعت العربى و الدين فى خامسة ابتدائى اللى لما شالوا منها حصة الدين بس و خلوها تدرس عربى بس قعدت اعيط يومين و الفصل بتاعنا كله قعد يعيط
يااااااه ايام
و لا مدام يسرا بتاعت الفرنساوى اللى كانت بتدينا من 3 ابتدائى "كنت بدرس فرنساوى مناهج لبنان من تالته ابتدائى-مدرسة الفرنسيسكان" و ربنا يسامحا لانها سبب ان علاقتى بالفرنسية الى الان كمثل علاقتى بالغة السنسكريتيه مع انى كنت درستها لمدة 10 سنيين متواصلة
ايااااااااااااااااااااااا اااااااااااااااااااااااام
ذكريااااااااااااااااااااا ااااااااااااااااااااات

و كما قال الشاعر اللى مش عارف هوا مين

الذكرى شئ ماضى

**MTAK** · 22-10-2008 02:21 PM

و كما قال الشاعر اللى مش عارف هوا مين

الذكرى شئ ماضى و الماضى شئ جميل
فتذكروا بقلب راضى فالرضا طبع الاصيل

--------------------
ده كان شعر كتبهولى طباخ من سوريا عندما هناك
"يالا بمناسبة الذكريات"