الموضوع: يا مدرسينا.. يا

موضوع مميز كالعادة يا احلى علا

انا بقى عمري ما هنسى استاذ يعقوووووب
كان مدرس الحساب في رابعه ابتدائي
و ده بقى مكانش بيعاقب بالضرب
ده كان بيقرص و ما ادراك ما قرصة الاستاذ يعقوب
قرصته و القبر
اياميها كان عنده ييجي 59 سنة كدة او ممكن اكتر بس نسيوا يطلعوه معاش باين كدة ..

كان راجل كبير ومحدش بيقدر يكلمه

عشان كدة كنت لازم اعمل له واجبه قبل اي حاجة

لحسن اتقرص انا كمان

انا بقه كنت تعليم ازهري
في ابتدائي كنت بناخد 4 حصص قران في اليوم كنا لازم نتم القران في سنه 6 ابتدائي
في اولي وتانيه وتالته ابتدائي كانت ابله نعيمه ياه قصيره القامه مصريه الملامح ومتعرفش غير القران والعصايه
الله يكرمها عدت بينا 17 جزء تقريبا كانتترفض تدي اي حد في القران اكتر من 9 من 10 وكلمتها والدتي انا مغلطتش في ولا ايه وكان ردها
ولا الشيخ الشعراوي نفسه ياخد 10 من 10 ده قران الكمال لله وحده
وكان عندنا اوائل الطلبه بين الولاد والبنات واخوكم كان الحمد لله طول عمره من المتفوقين وكنا لما نغلب البنات يقعدوا يعيطوا بس للامانه هما غلبونا مرتين
وبعدين ااشيخ رجاء عمري محبيته وكان بيموت في الهدايا
الناظر كان الاستاذ محمد بدر علم من اعلام الدعوه في دمياط هو وعائلته كلها وكان واحدها رساله لحد دلوقتي علاقتي بيه كويسه
وكنا بنعمل مسرحيات عن اطفال الحجارهوالاندلس وكده
يااااه
والاستاذ محمد عماره والاستاذ ياسر وهيب متخصصي العربي
وكان والدي بيحببني في العربيه
في تالته ابتدائي كنت اعرف التوريه والجناس والطباق من فنون البلاغه وغيرها
في اعدادي مفيش
في ثانوي الاستاذ سيد معوض في الاحياء
عمللااااااااااااااق وكان بيعزني مووت
والاستاذ يحيي بدر كان بيدينا تفسير وكان كفيف بس العلم متجسد
كانت حصته فعلا محراب علم وعرفنا دلاله الفعل المضارع والماضي واصول التفسير
نيجي بقه لاهم اتنين اثروا في حياتي
كان وللاسف وما زال عجز رهيب في مدرسي اللغه الانجليزيه في المعاهد الازهريه
وةطبعا رجاله تالته ورابعه ثانوي ازهري وحوش بقه وببيقرفوا الاستاذه
وحمير انجليزي ومش عايزين يتعلموه اساسا
لحد ماجالنا استاذ متعيين بالحصه اسمه محمد صابر كان عنده 22 سنه اصغر من طلبه كانت معانا
وكان صغير الجسم وصوته هادي
وطبعا تخيله في اول حصه
بس كان بيحب اللغه وقعد يكلمنا بكل هدوء شاب لشاب زي مبيقولوا
وخرجمن مناهج الوزاره وبدا يجبلنا شرايطكاسيت نسمعها في الفصل من bbcوكده
وتلاقي كل الطلبه في خصته كان علي رؤسهم الطير وبيكتبوا باهتمام ويسئلوا ويتكلموا معاه
نجااااح باهر بكل المقاييس
شيخ المعهد مكنش مكنش مصدق
سنته كل الفصل بلا ادني استثناء جاب معدلات عاليه في الانجليزي
بس للاسف اباطره الدروس الخصوصيه تسببوا في انهاء عقده

بس هو جببني في اللغات بشكل عام
وافتكر في 4 ثانوي بدات اكتب بحث عن البدايات واللواحق اللاتينيه في اللغه الانجليزيه
وده دفعني اخش كليه اللغات والترجمه

في الجامعه كان عندنا الدكتور شكريوالدكتر شاكر ورئيس القسم الاستاذ منصور
عالم ترجمه بمعني الكلمه كان بينافس الدكتورمحمد عنان
بس اللي اثر في كان محاضر الماني مسلم اسمه حسن جونتر
رغم انه ممعهوش شهاده جامعيه بس كان بيترجم القران وكانت كتبه ممتازه وكان بيتقبل النقد (الوحيييييييييد