| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 42

الموضوع: يا مدرسينا.. يا

  1. #1

    الصورة الرمزية OlaOsman

    رقم العضوية : 3891

    تاريخ التسجيل : 29Dec2007

    المشاركات : 3,655

    النوع : انثى

    الاقامة : القاهرة

    السيارة: لا يوجد

    السيارة[2]: Daihatsu Sirion GLX 2008

    الحالة : OlaOsman غير متواجد حالياً

    افتراضي يا مدرسينا.. يا - Facebook Twitter whatsapp انشر الموضوع فى :

    hasad">

    ناس بيعدوا في حياة كل واحد مننا.. في مرحلة معينة من الحياة.. المرحلة دي أكيد بتعدي.. و الناس دول بيتنسوا.. انما فيه ناس منهم أكيد عمرهم ما يتنسوا.. فيه منهم اللي صعب يتنسوا عشان سابوا في نفوسنا أثر طيب و علامة صعب محوها.. و ناس تانية عشان سابوا أثر سئ برضه صعب التخلص منه.. الناس دول همه المدرسين اللي درسوا لنا في مراحل التعليم المختلفة.

    ما تيجوا نتذكر مدرسينا مع بعض.. نتذكرهم بإيجابياتهم و سلبياتهم و ذكرياتنا معاهم و مواقفنا.. مواقف طريفة و مواقف صعبة أو محرجة و كلها خبرات و آدينا بنتعلم :)

    انا عن نفسي عندي كتير أحكيه و اسمحوا لي أستفيض.. أصلي في مود تذكر اليومين دول


  2. #2

    الصورة الرمزية OlaOsman

    رقم العضوية : 3891

    تاريخ التسجيل : 29Dec2007

    المشاركات : 3,655

    النوع : انثى

    الاقامة : القاهرة

    السيارة: لا يوجد

    السيارة[2]: Daihatsu Sirion GLX 2008

    الحالة : OlaOsman غير متواجد حالياً

    افتراضي -

    أستاذ عاطف.. كان بيديني عربي في سنة 6 إبتدائي.. كنا بنسمع صيته و صوته من واحنا في سنة 4.. كانت له هيبة و شنة و رنة غير طبيعيين.. كان طويل و أصلع شوية.. دخلنا سنة 6 و احنا مستويين رعب منه على السيرة بس.. انما لما درس لنا لقيناه انسان مخلص جدا في عمله.. بيشرح بقلب اوي و بيبذل مجهود غير طبيعي عشان يوصل لنا المعلومة و يحببنا في العربي لدرجة انه مرة غنى لنا قاعدة حروف الجزم و ان الفعل المجزوم بلم مثلا يتعرب مجزوم بحذف حرف العلة و علامة الجزم السكون.. ساعتها حول الحصة لمظاهرة حماسية و هو بيقول: و علامة الجزم - بنغمة هتاف - و احنا نرد عليه كلنا الـــســــكــــــون.. و هو تاني بطريقة مسرحية كإنه في مظاهرة يقول: و علامة الجزم: احنا بكل حماس: الـــســــكـــون.

    تخيلوا انا فاكرة التفاصيل دي لحد دلوقتي و شايفة نفسي قاعدة في الدكة (الدسك دي كانوا بيقولوها طلبة مدارس اللغات، اما نحن طلبة مدارس الحكومة فكان المقعد اللي بنجلس عليه كان اسمه الدكة) :D و باهتف مع زمايلي وراه بكل حماس: السكون :err:

    أستاذ عاطف على الناحية الأخرى كان لما يحس بتقصير من حد ماكانش عنده تفاهم.. العصاية كانت هي اللي بتتكلم ساعتها.. بغض النظر ده صح و لا غلط، انما كفاية اني فاكرة عن الراجل ده لحد دلوقتي إخلاصه الشديد في تعليم الأطفال دول و طبعا فكرة الدروس الخصوصية ماكانتش مطروحة عنده لدرجة ان فيه طلبة من فصلي كانوا بياخدوا دروس عند مدرس من فترة بعد الظهر، ده طبعا عشان سادسة ابتدائي دي شهادة و لازم ياخدوا لها دروس :)


  3. #3

    الصورة الرمزية OlaOsman

    رقم العضوية : 3891

    تاريخ التسجيل : 29Dec2007

    المشاركات : 3,655

    النوع : انثى

    الاقامة : القاهرة

    السيارة: لا يوجد

    السيارة[2]: Daihatsu Sirion GLX 2008

    الحالة : OlaOsman غير متواجد حالياً

    افتراضي -

    أستاذ كمال. برضه عشان احنا كنا مدارس حكومة فكنا بنقول أبلة و أستاذ، مش ميس و مستر زي بتوع اللغات.

    أستاذ كمال كان بيديني حساب في سنة 6 إبتدائي برضه. كل مشكلته معايا كانت في إنه بيدرس حساب و انا موتي و سمي و دماري النفسي في اللي اسمه حساب ده.. غباء الدنيا بيحط علية لما أشوف قدامي أرقام أو مسألة كلمية.. لسه فاكرة لحد دلوقتي ماما يا عيني و هي طلعان عينيها معايا في المسائل الكلامية.. واحد كان معاه 20 جنيه، اشترى كيلو كباب ب12 جنيه يتبقى معاه كام؟.. انا بأه.. هه؟

    اللي ماما ماكانتش تعرفه هو اني مش مقتنعة بمبدأ المسائل الكلامية أصلا.. واحد معاه 20 جنيه.. ماشي.. ربنا يزيده.. راح اشترى كيلو كباب.. طيب ما يشتري.. و انا ماااااااااااالي؟ و دفع كذا، يتبقى معاه كام؟ طيب ما يتبقى اللي يتبقى انا ايه دخلي؟ هيه الناس تاكل كباب و انا اللي اتقرف في حل المعضلات دي؟

    المشكلة الكبرى بأه مع أستاذ كمال هو انه كان بيعمل امتحان كل خميس في الحساب.. و انا باكره الحسااااااااااااااااب.. فكان اليوم ده بالنسبة لي منتهى الكآبة.. أصلي كنت باسقط في الامتحان كل خميس.. كل خميس.. كل خميس بدون كلل و لا ملل.. مافيش مرة أخيب ظن أستاذ كمال فية و أنجح
    :D

    لأ و الأنكت من كده هو اني كنت قاعدة في الدكة بين بنتين توأم و كانوا ما شاء الله متفوقين جدا و كانوا بيتنافسوا على الدرجة النهائية أو قبلها بدرجة او درجتين.. انا كل اسبوع كنت باسقط في الامتحان و البنتين دول اللي تجيب قبل الدرجة النهائية بدرجة او اتنين تقعد تعيط و انا اقعد أطبط عليها و أمسح لها دموعها.. اما انا فلا أبالي بدرجتي نوهائي :D

    طبعا كنت باكره المدرس ده جدا اللي كان بيعمل لي أزمة نفسية كل أسبوع ده.. انما لما كبرت و دخلت أدبي و اتخلصت من عقدة الحساب دي لقيت انه كان مخلص اوي.. يعني هو كان عليه من ده بإيه يعمل امتحان كل اسبوع و يصحح و يطلع عينه؟ و طبعا عمري ما سمعت ان أستاذ كمال ده بيدي درس خصوصي.. الله يجزيه عني خير هو و أستاذ عاطف و يرحمهم لو كانوا اتوفوا.


  4. #4

    الصورة الرمزية OlaOsman

    رقم العضوية : 3891

    تاريخ التسجيل : 29Dec2007

    المشاركات : 3,655

    النوع : انثى

    الاقامة : القاهرة

    السيارة: لا يوجد

    السيارة[2]: Daihatsu Sirion GLX 2008

    الحالة : OlaOsman غير متواجد حالياً

    افتراضي -

    من مرحلة إبتدائي همه دول اللي علموا معايا اوي.. و عموما هو مش فاضل مدرسين كتير من المرحلة دي عشان هي كانت مدرسة واحدة لكل المواد في أول 4 سنين، و من أول سنة 5 كان مدرسة العربي مختلفة عن مدرسة الحساب. في أول 3 سنين كانت بتديني مدرسة واحدة.. هي هي كل سنة.. أبلة زينب.. فاكرة شكلها كويس لحد دلوقتي في البالطو اللبني، اصل المدرسات كان ليهم يونيفورم.. بالطو لبني و في سنة رابعة أبلة قدرية.. كانت شديدة حبتين.. مرة صادفت رحت لها البيت مش فاكرة ليه و شفتها من غير إيشارب و كانت أول مرة.. ساعتها بس اكتشفت ان المدرسين دول بني آدمين زينا مش كائنات خارقة :D

    مدرسة الرسم كانت أبلة هدى.. فاكرة برضه شكلها بتفاصيله.. بس انا ماليش في الرسم اوي بس كنت فاكرة انها كانت فنانة اوي و بتشتغل بإيدها كتير و تعمل حاجات تحفة.. بس انا برضه ماليش في الشغل اليدوي اوي فكنت باظهر إعجابي من بعيد.. من غير ما أمد إيدي يعني :D

    ناظر المدرسة كان الأستاذ صلاح الدين عبد العاطي.. راجل صارم جدا و العملية التعليمية عنده و انضباطها كان مسألة مصيرية.. فاكرة كويس أيام عيد الأم كان مانع منعا باتا أي مدرسة تقبل أي هدية من أي طالب أو طالبة.. كان أولياء الأمور بيتحايلوا عليهم عشان يقبلوا الهدايا و همه بيقولوا لهم ممنوع بأمر من إدارة المدرسة. كان أستاذ صلاح رحمه الله بيعدي على الفصول باستمرار و يشقر على حال التلاميذ و لما كان يشوف طالب ماشي لوحده سواء في مبنى المدرسة أو في الحوش كان لازم يسأله خارج من فصلك ليه؟ ده بأه كان مرعب فعلا.. الناظر صلاح الدين.


  5. #5

    الصورة الرمزية Hassan Khalil

    رقم العضوية : 2504

    تاريخ التسجيل : 08Oct2007

    المشاركات : 1,704

    النوع : ذكر

    الاقامة : gesr el swis

    السيارة: la yogad

    السيارة[2]: la yogad

    الحالة : Hassan Khalil غير متواجد حالياً

    افتراضي -

    متابع بانسجام ... كالعادة :)


  6. #6

    الصورة الرمزية OlaOsman

    رقم العضوية : 3891

    تاريخ التسجيل : 29Dec2007

    المشاركات : 3,655

    النوع : انثى

    الاقامة : القاهرة

    السيارة: لا يوجد

    السيارة[2]: Daihatsu Sirion GLX 2008

    الحالة : OlaOsman غير متواجد حالياً

    افتراضي -

    اقتباس المشاركة الأصلية كتبت بواسطة Hassan Khalil مشاهدة المشاركة
    متابع بانسجام ... كالعادة :)
    جزاك الله خيرا على المتابعة :)

    بس خد بالك.. متابعتك لوحدها مش كفاية.. شارك و لو بمدرس :D


  7. #7

    الصورة الرمزية Chicco

    رقم العضوية : 1375

    تاريخ التسجيل : 08Jul2007

    المشاركات : 2,957

    الحالة : Chicco غير متواجد حالياً

    افتراضي -

    اقتباس المشاركة الأصلية كتبت بواسطة OlaOsman مشاهدة المشاركة
    بس خد بالك.. متابعتك لوحدها مش كفاية.. شارك و لو بمدرس :D
    كنت حتابع برضه في انسجام زي حسن باشا بس قلت اشارك و لو بمدرسة :D

    نشيد أستاذ عاطف فكرني بنشيد مسز عوض .....مدرسة الحساب في ثالثة و رابعة ابتدائي ....كانت سيدة فلسطينية متزوجة من مصري و مقيمة بمصر ....و كانت في غاية الصرامة ....و بتشرح بكل جوارحها لدرجة العصبية .....(الحساب بقى كان مادتي المفضلة ...مش عارف ليه دخلت طب أصلا :D)

    النشيد بتاعها بقى كان
    From big to small we multiply, from small to big we divide
    طبعا كانت منغمة ......مفروض ديه عشان التحويل بين الوحدات مثلا متر إلي سم أو كج إلي جرام و كده


  8. #8

    الصورة الرمزية Ayman_52

    رقم العضوية : 16787

    تاريخ التسجيل : 20Aug2008

    المشاركات : 4,879

    النوع : ذكر

    الاقامة : Cairo - Nasr City

    السيارة: -

    السيارة[2]: PROTON -Gen2- 2009

    الحالة : Ayman_52 غير متواجد حالياً

    افتراضي -

    انا مبسوط جدا...انا لسه شايف لحضرتك امبارح موضوع -السيره الذاتيه- وعجبنى جدا ...والحمد لله ان حضرتك ابتديتى موضوع تانى ...عشان بيعجبنى اسلوب حضرتك جدا..

    اما بخصوص المدرسيين اللى لسه فاكرهم ..من ابتدائى كانت ميس\ناديه اللى بتدرس حساب وكانت بتحبنى (مش عارف ليه)..وميس\تهانى فى اعدادى (من الشخصيات اللى كانت تموت فى الهدايا)...واستاذ\زيد كان بيدرس التلاوه (وكان دايما بيشتكى من مستوايا فى التلاوه ..مع انى كنت ببذل مجهود كبير والله)

    سورى طولت بس خلتينى افتكر حاجات بقالها زمن


    متـــــــــــــــابــع


  9. #9

    الصورة الرمزية 3mr Farrag

    رقم العضوية : 119

    تاريخ التسجيل : 23Apr2007

    المشاركات : 2,376

    النوع : ذكر

    الاقامة : Giza

    السيارة: non

    السيارة[2]: Accent

    دراجة بخارية: NON

    الحالة : 3mr Farrag غير متواجد حالياً

    افتراضي -

    فكرتيني بأيام المدرسه
    هو عماتا مش هفتكر حاجه عدله اوي ...بس ديه حاجه كانت فقعاني من صغري:)
    كانت فيه مدرسه اسمها ميس عزه كانت بتاعت حساب ...كانت بتديلي و انا في 3 ابتدائي....
    و مش عارف ليه كنت بحب ارخم في حصتها و اقعد اطريق علي كلمها.... فمره كانت خلاص بتولع مني....
    راحت خلت واحده من الفصل عندي تنادي اختي.... و اعدت تصوتلها و كانت ناقص تشد شعرها مني

    فبعديها في سنه اولي اعدادي درستلي ميس عزه ديه تاني و كانت بقي نفسها تعمل فيا فصل مني اللي كنت بعملهولها....
    فانا مش عارف ليه برضوا كان عندي كميه تكبير دماغ فظيعه في الماده ديه....لدرجه كل ما تيجي تعمل امتحان كنت بجيب صفر:D

    و فاكر حاجه في الامتحان كنا بناخدها element و not element
    و كنت بشوف العلمتين دول و مش عارف هما عباره عن ايه:(
    احيانا كانت المديره تعدي تسأل مين مستواه كويس في الفصل...و طبعا ماكنتش بتجيب سيرتي:)
    قلت اعدل نفسي بقي و اذاكر و طبعا بعد محاولات مانفعتش مع نفسي ..
    روحت اخدت درس ....و بعديها جبت 29 من 30 في الامتحان....
    و عديت المديره و سألتها مين مستواه كويس ....و انا اعد بقي مستني تقول اسمي ...
    و ولا كأني في الفصل....و قالت علي ناس جايبه 23 من 30:k20:و ماجبتش سيرتي عندأ فيا
    روحت قلتلها ...اعدت تهذي بأي كلام و تقولي هو انت جايب 30 من 30
    لحد انهارده مفروس منها



    خلوها تصـــــــــــــدي و موديلها يعـــــــــــــــدي


  10. #10

    الصورة الرمزية 3mr Farrag

    رقم العضوية : 119

    تاريخ التسجيل : 23Apr2007

    المشاركات : 2,376

    النوع : ذكر

    الاقامة : Giza

    السيارة: non

    السيارة[2]: Accent

    دراجة بخارية: NON

    الحالة : 3mr Farrag غير متواجد حالياً

    Talking -

    hasad">

    و مدرسه العربي ميس ايناس
    كانت بتتحجج بأي حاجه يوم الاربع...
    علشان كانوا بيجيبوا كيكه بالشيكولاته في الوجبه بتاعت المدرسه...و بنبقي مستنين اليوم ده:)
    فكانت تتحجج و تضربها عليا و اعتقد كانت بتعمل كده مع ولاد تانين
    و شكلها كانت بتديها لعيالها :d



    خلوها تصـــــــــــــدي و موديلها يعـــــــــــــــدي



 
صفحة 1 من 5 1 2 3 4 5 الأخيرةالأخيرة

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2