يعنى ايه اعادة ترسيم المحافظات ؟

**FAR!D** · 22-08-2014 05:20 AM

المشاركة الأصلية كتبت بواسطة محمد يوسف

مشروح فين ياباشا؟

وبعدين لو كده يبقى ايه الحكمة فى تقليل مساحة محافظتين مهمين وليهم شواطىء مهمة وعالمية زى مطروح والبحر الأحمر؟

وليه القاهرة أخر مرحلة (غير معلوم متى) لو كانت هدف؟

كان مشروح الكلام ده علي موقع حمله ترشيح عبد الفتاح السيسي واكيد لسه موجود
اما تقليل المساحتين...هل المحافظتين دول بالكامل مشغولين عن اخرهم؟ دول ولا ربعهم حتي مليان سكان عدا المنطقه الشاطئيه بس
اما القاهره الله واعلم يمكن عشان ديه اكبر واهم محافظه فمحتاجه تجهيزات و وترتيبات اولا

**محمد يوسف** · 22-08-2014 05:25 PM

المشاركة الأصلية كتبت بواسطة حسام الغرباوي

السيسي شرحة قبل كدا في مؤتمر ...بيقول عشان المناطق الصحراوية تتعمر وتدخل ضمن المحافظات

هو السيسى كان عمل مؤتمرات ؟ ده ماخرجش بره قصره وكان الناس بتروح له فى القصر أو الفنادق

ومعلش يعنى حاتتعمر ازاى؟

يعنى حايملك الأهالى أراضى صحراوية يستصلحوها ولا هى بمجرد ضمها حايتصلح حالها؟

**حسام الغرباوي** · 22-08-2014 09:15 PM

المشاركة الأصلية كتبت بواسطة محمد يوسف

هو السيسى كان عمل مؤتمرات ؟ ده ماخرجش بره قصره وكان الناس بتروح له فى القصر أو الفنادق

ومعلش يعنى حاتتعمر ازاى؟

يعنى حايملك الأهالى أراضى صحراوية يستصلحوها ولا هى بمجرد ضمها حايتصلح حالها؟

في اللقاءات اللي كان بيعملها قبل الرئاسة علي قناة النهار او cbc تقريبا

ضم مناطق جديدة في المحافظات هيعمل تعمير للصحراء فعلا لان لما يعيد تقسيم المحافظة هيدخل مساحات جديدة وبالتالي بتدخل ضمن ميزانية المحافظة وبيتعملها طرق وخدمات وبالتالي مناطق سكنية جديدة ...الخ

بشكل عام انا شايف انها نقطة كويسة لو اتنفذت صح وكان ليها اهتمام من قبل المحافظين

**Ahmed abdkarim** · 23-08-2014 10:52 AM

مشروع سياسى بحت

**Mohamed.Raafat** · 23-08-2014 08:21 PM

يعني انت لما تكون ساكن في الصعيد و ليك بحر في محافظتك تقدر تروحه في اي وقت مش ده يبقى وجه استفادة ليك
لما تبقى ساكن في الصعيد و وليك شاطئ ع البحر تقدر تروح تشتغل هناك لما تتعمل قري سياحية ولا حتى صياد مش دي فرص عمل جديدة برضه
مش ده برضه تطور للبلد الخربانة اللى احنا فيها
ولا الناس بتعترض على اي حاجة و خلاص

**محمد يوسف** · 23-08-2014 08:34 PM

المشاركة الأصلية كتبت بواسطة mohamed.raafat

ولا الناس بتعترض على اي حاجة و خلاص

يا أخ احنا بنقول اللى فاهم يشرح لنا..ماحدش اعترض على أى حاجة وخلاص

شكرا لردك

**marsguy** · 23-08-2014 08:55 PM

المشاركة الأصلية كتبت بواسطة mohamed.raafat

يعني انت لما تكون ساكن في الصعيد و ليك بحر في محافظتك تقدر تروحه في اي وقت مش ده يبقى وجه استفادة ليك
لما تبقى ساكن في الصعيد و وليك شاطئ ع البحر تقدر تروح تشتغل هناك لما تتعمل قري سياحية ولا حتى صياد مش دي فرص عمل جديدة برضه
مش ده برضه تطور للبلد الخربانة اللى احنا فيها
ولا الناس بتعترض على اي حاجة و خلاص

معذرة يا أستاذ محمد

وهو كان حد مانع اللي محافظته مافهاش بحر إنه يروح يشتغل في البحر؟ :)

جزء كبير من العمال في إسكندريه من الصعيد. وجزء كبير جداً من مهندسي تكنولوجيا المعلومات في القاهره من إسكندريه

**MuhamedNabil** · 24-08-2014 12:28 AM

اعتقد و الله اعلم الغرض من ضم شواطئ لمحافظات الصعيد ان ده ممكن يسمح بوجود موانى اكثرعلى البحر الاحمر و تكون قريبة من الصعيد و لو حركة الزراعة زبطت الموانى دى حتكون اقرب للتصدير لدول الخليج و برده تخف الضغط على السويس و السخنة و الطرق الداخلية.
و الطرق للموانى يبتدى يظهر عليها خدمات و تدريجيا تتعمر , يعنى الواحد يتمنى ان الحركة دى يكون ليها اثر ايجابى على البلد.