شوية استفسارات عن سريون 1 مو 2009

سلام عليكم
عايز اعرف شوية حاجات عن سريون 2009 الف سي سي
وزنها فاضي قد ايه
بتاخد كام ليتر زيت بالظبط وبالمللي
العربية الف سي سي 3 سلندر
هل موتورها نفس موتور الشاريد ال 2007
يعني ينفع اقلبها اوتو بفتيس الشاريد ولا ميركبش
لو عايز اسقطلها سيستم 1300 اوتو او 1500 هانزل مكنه بفتيسها بكنترولها بتبريدها بس
ولا هحتاج اغير عفشة كمان
لان لو هغير عفشة ابيع واحيب اوتو اسهل
العربية ماشبة 40 الف بس وكانت مع دكتورة من الزيرو غيرتلها طقم دبرياج اصلي في التوكيل
لكن مبتجبش اكتر من 150 كم كسرعه
هل ده كويس ولا وحش ومحتاجة تفتيح
شكرا مقدما

كريم هيا العربية وزنها تقريبا حوالي 865 كجم
ياريت تشوف اسم موديل الماتور على الكابوت من ظهره او في الكتالوج علشان نعرف انه زي الشاريد ولا لأ
العفشة لا اظن ان فيها تغيير
العربية السرعة القصوى بتاعتها 160 فمعنى انك وصلت لــ 150 فده شئ كويس بقه انت عارف فيه عوامل زي الهوا والبنزين والكاوتش وكده يعني

من حيث الزيت بتاخد 3 وربع او نص كيلو زيت بالفلتر
من حيث العفشة ال1000 وال1300 وال1500 كلهم واحد مافيش اى تغيير
الوزن تقريبا 850 كجم
موضوع الفتيس مقدرش افيدك الحقيقة

تسلم يا ابو عبد الله
850 كجم ؟
ده انا كنت فاكرها 600 كجم والله من خفته :-)
العربية بتنط زي صرصار الغيط علي المطبات :-)
اول مرة اجري بيها امبارح 150
احساس ايه انا في ملاهي ومدلدل رجلي كمان :-)
بس الحق يقال
الكاوتش ال 195 مع الجنط العريض عمل فرق فظيع وخلاني متحكم في العربية
كويس جدا انها 3 سلندر وجابت ال 150

ميدو
في التوكيل لما اديتهم الزيت حطو 3.5
لكن انا مش مطمن وحاسه فوق المقاس بشرطة
وكنت دعبست لقيته بياخد 3 او 3.25 فمش عارف الصح بالظبط كام
خاصة ان موتورها صغير وخايف ينطر زيت من البوجيهات


حاجة اغيرها
في صوت خبط معدني جاي من تحت التابلوه في المطبات العنيفة لو خدتها بسرعه
هي دي بداية مشاكل العلبة ولا حاجة تانية
هي لسه في اولها ومش باينة قوي

ميدو
في التوكيل لما اديتهم الزيت حطو 3.5
لكن انا مش مطمن وحاسه فوق المقاس بشرطة
وكنت دعبست لقيته بياخد 3 او 3.25 فمش عارف الصح بالظبط كام
خاصة ان موتورها صغير وخايف ينطر زيت من البوجيهات


حاجة اغيرها
في صوت خبط معدني جاي من تحت التابلوه في المطبات العنيفة لو خدتها بسرعه
هي دي بداية مشاكل العلبة ولا حاجة تانية
هي لسه في اولها ومش باينة قوي

موضوع الزيت لو انتا قلقان اوى
وانتا نازل مثلا تدورها والعربية باردة قيس الزيت الاول قبل ما تدور علشان الزيت كله بيكون نازل لتحت
اذا لاقيته زايد روح لاى بنزينة وقوله اظبطلى معيار الزيت ولو مظبوط خلاص


بالنسبة لموضوع الخبط اللى عندك ماتقلقش وسيبها عادى لغاية لو الموضوع زاد روح لاى عفشجى ويشوفلك الدنيا فيها ايه
بالنسبة للجنط انتا عدلتها وجبت ايه

هابص علي مقاس الزيت النهاردة
الجنط ركبت 14/195/60 مع جنط bbs عريض شوية بشفة ظبط الاداء بس لو وزن تقيل ورا بتحك في مطبات الهوا فبقيت اخد مطبات الهوا بالراحة
وهي اصلا عربية المدام يعني العادي تركبها هي والعيال بس

هابص علي مقاس الزيت النهاردة
الجنط ركبت 14/195/60 مع جنط bbs عريض شوية بشفة ظبط الاداء بس لو وزن تقيل ورا بتحك في مطبات الهوا فبقيت اخد مطبات الهوا بالراحة
وهي اصلا عربية المدام يعني العادي تركبها هي والعيال بس

كود الموتور 1kr-fee

في مستورد اسمه منعم جروب يا كريم 01000330076 شغال في الديهاتسو

كلمه وهو هيظبطلك موضوع التسقيط ده ولو الموضوع في اللذيذ انا كمان عايز اسقط ممكن نعمل معاه ديل

المهندس سيد الفراش قالي ان فتيس السيريون الاوتو يركب عادي لو حبيت تقلبها اوتو

اما السرعة القصوي فعلا بتفرق حسب كنت في مطلع او محمل او مشغل التكييف او الهوا في وشك

عموما مبتقلش عن 140 فعلا ومبتزدش عن 170 كم

احسن مقاس 185 مش بيحك نهائي

الزيت الكتالوج بيقول 3.1

بنحط 3.25

تحياتي

اقتباس:

---

المشاركة الأصلية كتبت بواسطة karim_monir

هابص علي مقاس الزيت النهاردة
الجنط ركبت 14/195/60 مع جنط bbs عريض شوية بشفة ظبط الاداء بس لو وزن تقيل ورا بتحك في مطبات الهوا فبقيت اخد مطبات الهوا بالراحة
وهي اصلا عربية المدام يعني العادي تركبها هي والعيال بس

---

انت نفذت
طب عايز صوره كده عشان ناوي علي الطلعه دي

العفشه واحد بتفرق فقط ان ال 1500 كل موديلاتها وال 1300 موديلات من اول 2008 الطنبوره كبيره وكمان تيل الفرامل كبير يعني هتحتاج تغير طنابير لو عاوز تظبط اداء الفرامل

محمد اكيد طبعا يقصد الاوتو مع موتور 1300 او 1500
لان معتقدش ال الف ليه اوتو او مشفتوش خالص
وشكرا علي كل الداتا التانية
شريف منسي هابعتلك الصورة عيني

شريف ده اللي قلقان منه اني احتاج اكبر الفرامل لو غيرت الموتور ل لاكبر
هي دلوقتي فراملها ممتازة وبتمسك كويس بس مع موتور كبير مش هاينفع


في حاجة سخيفة مضايقاني جدا
علي السرعات بلاقي رعشة في عصاية الفتيس مبتظهرش غير مع السرعات العالية
محدش يعرف السبب ايه ؟

هو حوار الفرامل مش حوار انت هتغير طنابير فقط يعني ممكن تجيب جمبين استيراد يعملوا 1500 مثلا او اقل وبرده السيربون ال 1300 لحد 2007 كانت بتنزل بطنابير صغيرة ومحدش اشتكی من فراملها واتعدلوا في 2008 وبقيت الطنبوره كبيره زي بتاعت الماتيريا سواء 1300 او 1500

على فكرة الطنابير نفس المقاس يا شريف
التيل هو اللي حجمه بيختلف بس للأكبر في موديلات ما بعد 2008
الفارق ان الطنابير عندي فيها مساحه فاضيه مش بيمسك عليها التيل غير موديلات 2008

كريم عصاية الفتيس ةهزتها لها حاجات كتير
ممكن العربي متبقاش مترصصه او مظبطه زوايا كويس قوي فيكون في هزة مش بتبان الا في السرعات العاليه وبتبان في هزة الماتور كله
او يكون في قاعجة ماتور تعبانة او مشكلة في تركيب الفتيس نفسه واجزاءه

الترصيص تمام وتعبنا قوي علي ما رصصت عشان الجنط شفة عريضه وغاطسة وصممت الترصيص كلها من جوة
بس الرينجات بلاستيك مش عاجباني ورينجات ستاندرد عايز اعملها رينجات المونيوم عموله لكل فردة بالمقاس
والفتيس والاسطوانة تمام قوي
هاشوف الرينجات هاتظبط ولا لاء

ابو عبد الله وحشني يا باشا
من لف كتير ياباشا السيريون ليها مقاسين طنابير فعلا وحده صغيره ووحده كبيره ممكن تسأل العالميه او جابر