حد عارف الطريق من مدينة نصر لشرم الشيخ ؟ انا مسافر النهاردة بليييل ان شاء الله
ولو فى اى ملاحظات فى الطريق من رادارات ؟
حد عارف الطريق من مدينة نصر لشرم الشيخ ؟ انا مسافر النهاردة بليييل ان شاء الله
ولو فى اى ملاحظات فى الطريق من رادارات ؟
توصل بسلامة الله و يبعد عنك قطاع الطرق والحوادث ان شاء الله
ربنا يكرمك يا ايمن بية
تاخد طريق السويس ثم نفق الشهيد احمد حمدي و بعد ما تعدي النفق خوش يمين طوالي لحد شرم الشيخ وفي يفط ح يدلك على الطريق. رحلة موفقة باذن الله
بص بلاش تسافر بليل على طريق ماتعرفوش بالذات أن طريق شرم الشيخ في سيناء فرده واحده رايح جاي فالأفضل تسافر بعد الفجر اول مالنور يطلع هتطلع الدائري وتنزل نزله طريق السويس اللي بعد الميراج مباشره وتفضل ماشي لغاية ماتوصل للكارته في الكيلو 109 وتعدي الكارته وتلف اول يوترن وتخش يمين في طريق نفق الشهيد أحمد حمدي لغاية ماتوصل النفق تعدي النفق وتطلع الناحيه التانيه في وشك على طول طريق بتاع 2 كم هتمشي فيه وتخش يمين في اتجاه رأس سدر وتاخد الطريق ده طوالي تقريبا المسافه من مدينه نصر إلى شرم الشيخ حوالي 500كم وتسافر بالسلامه أن شاء الله وربنا يستر طريقك
ما تقلقش انا اول مره اروح سافرت بالعربيه و الطريق سهل خالص و زي ما اتوصف فعلا و هتلاقي نفسك بسهوله في شرم الشيخ
بالنسبه للرادارات عندك واحد في راس سدر و في الطور
و عندك لجنة مرور في نهاية راس سدر ممكن يتلكك على حزام او شنطة اسعافات الخ و ابقى خلي طفاية الحريق في الصالون عشان لو سئل عليها و جبتها من الشنطه هيديك المخالفه برضه على اساس انها مش في متناول اليد
أنا كنت رادد على واحد طالب نفس الطلب بتاعك بالتفصيل
بس المهم .. سفر بالليل لأ ثم لأ ثم لأ ... هتتعب فيه أوى ... إطلع بعد الفجر
موضوع التكسير على الطريق أنا بقالى حوالى سنتين بسافر طيران .. بس هوه فيه ملفات خطرة كتير
بالنسبة لموضوع السفر من مدينة نصر هتاخد طريق مصر السويس ( زى ماقلت من عند كوبرى ال 4.5 ) وتكمل علطوووول مع الطريق
التفاصيل فى الرد بتاعى بس ممكن تكون أماكن الردارات إختلفت
إعمل حسابك .. الدنيا فى شرم زحمة بطريقة رخمة وفى أزمة بنزين خانقة .. أى حاجة هتعوزها من رحلات سفارى أو رحلات بحرية إحجز من قبلها بفترة
وده لينك الموضوع
http://www.nilemotors.net/Nile/307528-a.html
الطريق زي الفل توكل على الله بس المهم بلاش السرعة الزايدة وخلي بالك آخر 100 كيلو كلها منحنيات خطيرة جداً جداً وتوصل بالسلامة