عرض للطباعة
السلام عليكم
انا عندى مشكلة فى عربيتى اوبترا 2007 اتوماتيك ايه المشكلة هاقولكم لمبة الزيت عندى نورت فجأة بس لما بدوس بنزين بتنطفى ولما اقف فى زجمة اواشارة او الصبح وانا بسخن العربية تنور وانا ماشى تنطفى مع انى بعملها صيانة منتظمة فى التوكيل المهم روحت التوكيل قالى الموتور قفش وعايزه نص عمره مع العلم ان العربية ماشية 80000 الف كيلو وانا اول يد من الزيرو المهم مشيت من التوكيل روحت غيرت زيت وفلتر جديد ومصفاة زيت وكرتيرة وبرضه لسه المشكلة موجودة فمش عارف اعمل ايه ياريت تساعدونى
مبدئيا كدة جرب تغير ساعة الزيت الاول لو لاقيت المشكلة موجودة بردو يبقى فعلا الموتور محتاج شغل ولو عايز رأى بما انى كنت امتلك اوبترا وفى نفس الوقت صديق ليا بيعانى من مشكلتك ان لو الموتور محتاج شغل لو عملته فى التوكيل اعتقد هيكون غالى ولو عملته برة مش هيتزبط برده والمكيانيكة الشاطرة مش بترضى تعمل عمرة لموتور الاوبترا اصلا فحضرتك تريح دماغك وتجيب شورت بلوك على طول انا حكيت لحضرتك الواقع اللى حصل مع صاحبى لانه عمل عمرتين وفشلوا وشوف بردو باقى الاعضاء رأيهم ايه
شوف ساعة الزيت الاول
انا كان عندى نفس المشكله ورحت للناس بنوع سيرفس هوم ال فى شارع بور سعيد امام مستشفى جراحه اليوم الواحد والمهندس هناك غير ساعه الزيت وقال لى لو ظهرت المشكله تانى ابقى تعالى مشيت شويه ولقيت اللمبه بدات ترعش تانى رحت له قال لى سيب العربيه علشان كده فيه ترسيب فى مسارات الزيت فى الماتور ومحتاجه تنظيف لانها مسدوده ومبتوصلش الزيت لاعلى الماتور وكده لو مشيت بيها ممكن تدخلك فى عمل عمره المهم تركت له العربيه ورحت له بعد يومين قال لى احنا نظفنامسارات الزيت فى السبيكه وغيرنا طلمبه الزيت ونصحنى بانى اغير زيت 5000 بدلا من 10000 علشان ما يحصلش ترسيبات زيت بمسارات الزيت لان امسارات الزيت بماتور الاوبترا ضيقه وبتتسد بسرعه والحمد لله العربيه تمام واختفت المشكله تماما