لا يا صاحبي
هو كان بيقولي انا علي موديل ٢٠٠٧ او ٢٠٠٨
عرض للطباعة
بص يا باشا انا معاك الالمانى مفيش فى مشكله فى الكيلو متر لكن الفرنساوى بصراحه مش عارف بس كل حاجه هتبان فى الكشف لأنهم بيكشفوا على كل حاجه وعلى قوه المتور واهم حاجه معلش الكشف يكون فى مكان كويس زى عز العرب مينفعش ميكانكى أو سمكرى لان العربيه دى كمبيوتر وان شاء الله تلاقى حاجه كويسه
والله ياحماعه انا بشكركوا جدا على الايجابيه دى وجزاكم الله خير انا خلصت فى العربيه النهارده وكشفت عليها فى مركز صيانه امير وجوزيف فى مصر الجديده ناس محترمه بصراحه
الف مبروووووووووك يا باشا و ربنا يكفيك شرها و عقبال ال ds5
ممكن اعرف منك خلصتها علي كام و ايه اهم حاجه قالولك عليها في امير و جوزيف تخلي بالك منها
و قولنا انطباعك عن العربيه
الله يبارك فيك يا معلم
العربيه خلصت على 79000 جنيه... السعر ده كويس ولا ايه ؟؟
, ورحت كشفت عليها وغيرت زيت وفلتر زيت وفلتر هواء + كشف بيع اتكلفت 800 جنيه , ورحت سجلت العقد بتاع البيع اتكلف 1255 جنيه ..
وانا بكشف قالى العربيه تمام اساسيتها كويسه والموتور تمام بس هى رشه عتبه يمين والطنابير محتاجه تتغير بعد 5000 كيلو واهم حاجه عشان تحافظ على العربيات الاوروبى بالذات الصيانه فى مواعيدها وبلاش تستخصر فى الصيانه بالذات وبالنسبه للزيت انا كنت فاكر موبيل كويس بس نصحنى بزيت توتال احسن للستروين بالذات والكومبيوتر مطلعش اى مشاكل فى الموتور خالص الحمد لله ...
التكييف تمام بس اعتقد انو محتاج يتشحن انا كنت ماشى بيها النهارده الضهر وكان ضعيف شويه بس يمكن عشان النهارده الحراره عاليه شويه بس بالليل التكييف كان تمام .. تقريبا دى كل معلوماتى عن العربيه النهارده ..
ربنا يباركلك فيها و يكفيك شرها
السعر كويس طبعا علي عربيه حالتها كويسه و موديل 2009 كمان و عامله 94000 كيلو
موضوع التكيف ممكن يكون محتاج فلتر مش اكتر و سمعت ان العربيه ليها قوتين في التكيف
زيت توتال احسن لان الكتالوج بتاع العربيه كاتب كدة
و بعدين متبصش للسعر طالما انت في نيتك ركوبه مش تجارة
ادعيلي الاقي حاجه كويسه انا كمان موديل 2005 او 2006
هو ليه اغلب الناس اللي بتبيع بتبيع 2006 بس ... هو داه اكتر موديل منتشر جدا في البيع و مش لاقي خالص 2005 غير واحده بس و حالتها بصراحه كانت تحفه و سعرها كان هايل بس للاسف كانت مانيوال و انا عايز ستيبترونيك