صيانة الـ 10000 للـ 301 و تغير الزيت لنوع جديد

يا شباب ان شاء الله يوم الحد اللى جاى رايح اعمل صيانة العشرتلاف... و ناوى اغير لزيت shell helix ultra PurePlus الجديد هو تخليقى 100% و دورت لقيت الـ PurePlus technology من احدث الاضافات اللى شيل سجلت فيها برائة اختراع جديدة..
ازوجة الزيت 5w-40 و اعتقد ده مناسب للعربية و للجو اللى احنا فيه... انا اشتاريت الزيت من موزع معتمد لزيوت شيل بـ 335 جنية و عرفت ان توتال اشترت فقط المحطات من شيل لكن الزيوت هتفضل موجودة عند الموزعين المعتمدين....
ادعولى توكيا غمرة يقبل يغير لشيل الجديد من غير رخامة ولا خناق...
لو عندكوا نصايح اهلا وسهلا قبل ماروح يوم الحد..
محمد كمال

بالتوفيق والف مبروك مقدما على الصيانة
وابقى قولنا عملت ايه فى تغير الزيت

الف مبروك ............. ولكن زيوت شل خاصه التخليقى مازالت بالسعر السابق لها وهو 300 جنيه

اقتباس:

---

المشاركة الأصلية كتبت بواسطة akmm

الف مبروك ............. ولكن زيوت شل خاصه التخليقى مازالت بالسعر السابق لها وهو 300 جنيه

---

الجديد "PurePlus" بـ 325 جنيه.. خد باللك لازم يبقى مكتوب على الجيركن "PurePlus" لو مش مكتوب يبقى الزيت القديم..

ممكن تدينا رقم او عنوان الموزع

اقتباس:

---

المشاركة الأصلية كتبت بواسطة د.عماد صلاح

ممكن تدينا رقم او عنوان الموزع

---

shell customer services: 27557555
الموزع المعتمد اللى اشتاريت منه:
الاستاذ "وجود" .... ايوه هو ده اسمه : 01145508662
عنوانه شارع 298 رقم 17 بجوار الهيئة العامة للبترول - المعادى..

اقتباس:

---

المشاركة الأصلية كتبت بواسطة khaled_yehya

بالتوفيق والف مبروك مقدما على الصيانة
وابقى قولنا عملت ايه فى تغير الزيت

---

الف شكر يا خالد... اكيد ان شاء الله هحيلكوا على التفاصيل..

اقتباس:

---

المشاركة الأصلية كتبت بواسطة mmkamalh

الجديد "pureplus" بـ 325 جنيه.. خد باللك لازم يبقى مكتوب على الجيركن "pureplus" لو مش مكتوب يبقى الزيت القديم..

---

تم الاتصال بموزع منطقه المعادى ............ وكلام حضرتك صحيح وبانه تم تغيير العبوه القديمه بالجديده ومحسنه من المحتوى من الزيت وده كلامه وتمن الجركن 4 لتر 325 جنيه وسيتم فتح محلات توزيع للزيت بكل المناطق ومنها المعادى بشارع النصر .

يا ريت لو حد يعرف عنوان موزع معتمد بالاسكندرية ..

اقتباس:

---

المشاركة الأصلية كتبت بواسطة khaled_yehya

يا ريت لو حد يعرف عنوان موزع معتمد بالاسكندرية ..

---

سعيد امبابى فى محطة مصر بعد العصافيرى تانى شارع يمين من الترام شارع محرم بك ال رايح على الرصافة .ده ال شركة شيل مصر دلونى عليه و اشتريت منه زيت شيل الترا هيلكس.وفى موضوع ليا كاتبه حتلاقى فى شوية تفاصيل

متابع

اقتباس:

---

المشاركة الأصلية كتبت بواسطة fourseasons

سعيد امبابى فى محطة مصر بعد العصافيرى تانى شارع يمين من الترام شارع محرم بك ال رايح على الرصافة .ده ال شركة شيل مصر دلونى عليه و اشتريت منه زيت شيل الترا هيلكس.وفى موضوع ليا كاتبه حتلاقى فى شوية تفاصيل

---

يا ريت رابط الموضوع اللى انت كتبته وجزاك الله خيرا

سؤال بعد اذنك
هل التوكيل بيقبل انك تحط الزيت اللي على مزاجك ؟
و خصوصا ان العربيه لسه في الضمان

يا جماعة عادي التوكيل بيقبل الزيت اللي انت جايبه عادي جدا بس اللزوجة لازم تكون مناسبة
وبيتكتب في امر الشغل العميل احضر معاه الزيت
انا فعلا لسه مغير شيل في صيانة 30 الف في فرع غمرة
والنتيجة فرق شاسع بينه وبين موبيل في كل حاجة

متابع اداء العربية بعد تغير الزيت

أختيار موفق للزيت و فى أنتظار رأيك فى أداء السيارة بعد تغيير الزيت و متنساش تقولنا التوكيل عمل معاك ايه و عقبال صيانة ال 100000 :tumb:

اقتباس:

---

المشاركة الأصلية كتبت بواسطة عمرو بندق

أختيار موفق للزيت و فى أنتظار رأيك فى أداء السيارة بعد تغيير الزيت و متنساش تقولنا التوكيل عمل معاك ايه و عقبال صيانة ال 100000 :tumb:

---

ربنا يكرمك يا باشا النتيجة بعد تغير نوع الزيت وعمل صيانة 30 وتشمل تغيير زيت وفلتر زيت وفلتر هواء
وطلبت منهم يغيروا فلتر بنزين لان المفروض يتغير علي 40 الف بس انا غيرته احسن
النتيجة بقي
1- الموتور صوته قل بنسبة 40% عن الاول بكتير
2- الاداء والسحب مكنتش بشتكي منهم بس انا حاسس العربية بقت اول ما تشم البنزين تطير وده اكيذ بسبب تغير فلتر البنزين
3- استهلاك البنزين قل بنسبة بسيطة عن الاول
4- التكييف ادائه اتحسن عن الاول بكتير وده اعتقد لسبب ان الموتور ادائه اتحسن فخلي برضوا اداء الكمبروسر يتحسن ويسقع اكتر من الاول

رحت التوكيل النهاردة... و دار نقاش طويل عشان زيت شيل هيلكس الترا الجديد، الاول رفضوا تماما.. وكان فيه حد معاه زيت توتال اللى مكتوب للعربية من المصنع رفضوا بارضوا... بس انا ميئستش... رسينا على ماشي حط شيل بس موتورك باره الضمان... قولت اوكيه موافق... عملت الصيانة و غيرولي مساعد امامي يمين كان بايظ ببلاش عشان لسه العربية فى الضمان... و قالولي هنكتبلك على الفاتورة انك غيرت لشيل و ده على مسؤليتك.... قولت موافق.... المهم نسيوا يكتبوها من الزحمة و الضغط، و طلعت الفاتورة زي الفل وطبيعية... الحمد لله..
المهم.. العربية في مشوار الرجوع صوت الموتور اهدي بشكل ملحوظ... و خصوصا على الار بي ام العالي، والسيلانسيه زي الفل على عكس الاول سعات كنت احس بفيبريشن خفيف و اهتزاز خفيف على السيلانسيه... الفرق واضح فعلا و ملحوظ.. اما عن استهلاك البنزين فالسه هتابع و اشوف... اللى متأكد منه ان العربية ادأها احسن، و الموتور وانت بتشد صوته احسن بكتير....

مبروك الصيانة

اقتباس:

---

المشاركة الأصلية كتبت بواسطة khaled_yehya

مبروك الصيانة

---

الله يبارك فيك يا خالد

اقتباس:

---

المشاركة الأصلية كتبت بواسطة mmkamalh

رحت التوكيل النهاردة... و دار نقاش طويل عشان زيت شيل هيلكس الترا الجديد، الاول رفضوا تماما.. وكان فيه حد معاه زيت توتال اللى مكتوب للعربية من المصنع رفضوا بارضوا... بس انا ميئستش... رسينا على ماشي حط شيل بس موتورك باره الضمان... قولت اوكيه موافق... عملت الصيانة و غيرولي مساعد امامي يمين كان بايظ ببلاش عشان لسه العربية فى الضمان... و قالولي هنكتبلك على الفاتورة انك غيرت لشيل و ده على مسؤليتك.... قولت موافق.... المهم نسيوا يكتبوها من الزحمة و الضغط، و طلعت الفاتورة زي الفل وطبيعية... الحمد لله..
المهم.. العربية في مشوار الرجوع صوت الموتور اهدي بشكل ملحوظ... و خصوصا على الار بي ام العالي، والسيلانسيه زي الفل على عكس الاول سعات كنت احس بفيبريشن خفيف و اهتزاز خفيف على السيلانسيه... الفرق واضح فعلا و ملحوظ.. اما عن استهلاك البنزين فالسه هتابع و اشوف... اللى متأكد منه ان العربية ادأها احسن، و الموتور وانت بتشد صوته احسن بكتير....

---

علي البركة يا ريس
وفعلا الفرق في تغيير الزيت بتحسه لو ما تمشي بالعربية
وسيبك من كلامهم ده كله في الفاضي ومفيش حاجة بتتكتب في الفاتورة بيتكتب في امر الشغل بس

اقتباس:

---

المشاركة الأصلية كتبت بواسطة hema_basha

ربنا يكرمك يا باشا النتيجة بعد تغير نوع الزيت وعمل صيانة 30 وتشمل تغيير زيت وفلتر زيت وفلتر هواء
وطلبت منهم يغيروا فلتر بنزين لان المفروض يتغير علي 40 الف بس انا غيرته احسن
النتيجة بقي
1- الموتور صوته قل بنسبة 40% عن الاول بكتير
2- الاداء والسحب مكنتش بشتكي منهم بس انا حاسس العربية بقت اول ما تشم البنزين تطير وده اكيذ بسبب تغير فلتر البنزين
3- استهلاك البنزين قل بنسبة بسيطة عن الاول
4- التكييف ادائه اتحسن عن الاول بكتير وده اعتقد لسبب ان الموتور ادائه اتحسن فخلي برضوا اداء الكمبروسر يتحسن ويسقع اكتر من الاول

---

ماشاء الله انت عملت 30000 في الفترة الصغيرة دي ؟؟ ربنا يباركلك فيها ويكفيك شرها بس انا عندي استفسارات منك :

اولا اخبار التيل معاك ايه ؟؟ وغيرته كام مرة ؟؟
ثانيا سعر زيت موبيل كام وسعر شل كام وايه الفرق بينهم " من ناحية اداء السيارة "
ثالثا ايه اخبار السحب معاك ؟؟ وهل حسيت بفرق ومن امتي ؟؟
رابعا اداء السيارة عموما بدات تحس انه اختلف واتحسن من امتي ؟؟
اخيرا لو عندك اي شئ يطمن او اي ملاحظة ايا كانت ياريت تقولهالنا علشان الواحد يبقي عارف الدنيا ماشية ازاي ويتسفيد من تجارب الاخرين

تحياتي

الف مبروك وربنا يباركلك فى العربيه
ملحوظه صغيره:

زيت شل "هيلكس الترا بيور بلس " الجديد , له درجة لزوجه 5w-30 ومستوي خدمه sn وهي اعلي مستوي حتي الان

فى امان الله

يا شباب انا لقيت الفيديو ده بيشرح بشكل مبسط PurePlus Technology ، و على فكرة انا عملت 2000 كيلو بعد تغير الزيت و اقدر أقول دلؤت ان فعلا استهلاك الوقود قل عندى بشكل ملحوظ و الغربية سحبها و صوت موتورها احسن بكتير...
ملحوظة: انا لا بشتغل في شل و لا حد من قرايبى بيشتغل فيها و لا لي علاقة بيها نهائي سوى جيركن الزيت اللى بشتريه من محطاتهم زمان و الجركن الأخير اللى جبتوه من الموزع :

http://www.youtube.com/watch?v=JWO_S_SE-u4