يا جماعه انا عايز عربيه ١٣١ مثلا فى حدود ١٥ الى ٢٠ الف شرط يكون الاساسيات كلها تكون سليمه ١٠٠٪ و وبعد منا ماهشتريها هظبطها من كله هى العربيه لعائلتى وانا كمان عايز اعرف تكلفه كل التعديلات اللى ممكن اعملها فيها
فا ايه رأيكو
عرض للطباعة
يا جماعه انا عايز عربيه ١٣١ مثلا فى حدود ١٥ الى ٢٠ الف شرط يكون الاساسيات كلها تكون سليمه ١٠٠٪ و وبعد منا ماهشتريها هظبطها من كله هى العربيه لعائلتى وانا كمان عايز اعرف تكلفه كل التعديلات اللى ممكن اعملها فيها
فا ايه رأيكو
بالسعر ده مفروض تكون كويسه و مش محتاجه مصاريف رهيبه
ما المقصود بالتعديلات لانها كلمه واسعه ممكن تبدا مصاريفها من ١٠ جنيه ل ١٠ الاف
هاتعدل ايه فيها بالظبط ..
بص الاكيد انى هغير الصالون والتابلو والشكل الداخلى كله وهشوف ايه اللى ممكن يركب عاليها عشان انا مش عارف و الزجاج كله كهربا الماتور ممكن اسقط واحد غيرة بس بردو يكون ملائم ليها والفوانيس كدا بس مش هسقطها انا عايز اظبطها والدهان وفى الاخر خالص الجنوط و الكاتوش يعنى ممكن ايه تانى يتعدل انا مش عارف !
واجيب سمعات وكاسيت usb , aux , cd وكدا زيادة رفاهيه فهمتونى !!
انت كده مسيبتش حاجه
بس على فكره لو جيت تبيع مش هاتمسك كويس مصاريف التعديل
يعنى حاول تعدل الحاجات المهمه وتكون برضه سعرها قليل مش كتير
هههههههههههههه اصل ديه بأذن الله هتكون اوول عربيه ايوة الله ينور عليك فا عشان كدا بسأل انا بأذن الله هغير الحاجة الاساسيه والباقى بعدين يعنى مثلا الاهم الصالون كله والطابلوه والدريكسيون واخليه ب بور اكتر والزجاج كله كهربا بأذن الله والكاسيت والسمعات وبعد كدا الحاجات اللى برا يعنى بس قبل مغير اللى جوه هشوف الدهان شكله عامل ازاى لو وحش هغيره وبعد كدا هغير الحاجة اللى جوه واهم حاجة الضفيرة بتاعت الكهربا و وحدا وحدا كل حاجه تتغير بأذن الله بس و لا ايه رأيك !!؟ اصل انا اصلان شاب ومجنون عربيات جداااااا بس العربية هتبقى للعائلة
لا تمام كده
بس حكايه الباور دى مكلفه
يعنى ممكن تدخل فى 3000
ده غير ان على السرعات العاليه الباور مبيتقلش
رأيي بلاش النقطه دى
يعنى اللى يخليك تعمل حاجه زى دى يبقى يخليك تشوف حاجه أحسن من 131 بدل ما تجيبها وتصرف عليها ده غير المصاريف التانيه
فاهم قصدى !!
ايوة ايوة تمام طب تقريبا يعنى كل حاجة تعملها كام تقريبا + العربية لو الاساسات بتاعتها 100% سليمة تعمل كام تقريبا
بص هيا الحاجات التانيه زى السماعات والكاسيت والدهان والزجاج الكهربا مش هاتكون مكلفه
يعنى ممكن 1500 يظبطوهم .. بس مش عارف الضفيره هاتبقى فى حدود كام
انما الباور هو المكلف شويه
اقتباس:
المشاركة الأصلية كتبت بواسطة j a g u a r
بص انا عايز الدهان يكون حاجة نضيفه اوووى فا تقريبا يعمل كام !! والصالون كله يعمل كام طبعا لو ركبت غيرو مش بتعها يعنى ايه الل ىينفع يركبلها ويتكلف كام !! وبعد كدا ممكن اعملو جلد نضيف المانى مثلا