شارك ولا سيراتو ... شوف المقارنه دي وعلى حسب احتياجك
معظم الناس محتاره بين السيراتو الجديدة والشارك وأنا هعملكم مقرنه عن تجربه السيارتين
الشارك : عربيه ياباني 100% وتتميز بادئها الرياضي والسحب والثبات عالسرعة العاليه خصوصا الفتيس 4 سرعات وده بيزود استهلاك البنزين بس بيبقى كويس جدا فلتسارع والميزه التانية انها مرفتعه عن الأرض ومن بعد الفئه الاولى فيها abs و 2 airbag والعفشه المالتي لينك وده بيزود الثبات
عيوبها العزل الضعيف جدا مع قلة جوده التقفل وخاماته والشنطه الضيقة مع قلة الأوبشنز بشكل مبالغ فيه مع وجود زنه في التابلوه غير معلم سببها وطبعا بالنسبالي أنا الشكل قديم من 2008
السيراتو : سياره ممتازه خصوصا بعد تعديل الموتور اللي بقى 130 حصان والفتيس 6 سرعات وده بيدي
top speed عالي وبيريح الموتور ومتحسش ان في صوت ... السياره عريضه ووزنها كبير فيبتتميز بالثبات بس مش زي الشارك
التقفيل فوق الممتاز مع خامات جلد وكربون بخصوص فئه الهاي لاين
شكل جذاب مع فوانيس led والجنط el-17 اللي بيدي ثبات بس عيبه الشوارع المصريه هتعوز تغير الكاوتش كل شوية
العربية فيها كل الأوبشنز اللي ممكن تتخيلها
أنا بعتبر خدمة مابعد البيع افضل لتوكيل كيا
صالونها واسع جدا وشنطه هايله عيب السيراتو في الفئات اللي قبل الهاي لاين إن مفيش فيها وسائل أمان كتير
