ياجماعة حد جرب ميناكسوديل 2 % لتساقط الشعر
وياترى 2 % احسن ولا 5 %
شكرا
عرض للطباعة
ياجماعة حد جرب ميناكسوديل 2 % لتساقط الشعر
وياترى 2 % احسن ولا 5 %
شكرا
ال 5% تركيز أعلي و مفعول أسرع بإذن الله
بس أهم حاجه التكرار والمواظبه عشان تحس بفرق
ده بيمنع الصلع ولا ايه ..
ال 5% احسن بس لازم تواظب عليه عشان لو منعت الشعر هيقع تانى...
حسب الحاله بيتاخد التركيز
ده علاج امدة 3 اشهر ع الاقل علي الاماكن الخالية من الشعر
و لو ين كبير ياخد 5% مفيش مشكلة حتي لو الشعر خفيف
شوف الموضوع ده :ـ
http://www.nilemotors.net/Nile/174429-a.html
الصلع اجمع هنا ههههههه
بص يا ريس ..
أنا هكتبلك تجربتي و معلوماتي و انته حر .. إنك تصدق أولا أو تطبق أولا ,,
سبب سقوط الشعر هو هرمون تقريباً يسمى alpa5 .. يقوم بتحويل التستستسرون إلى الصوره النشطه DHT ..
و هو المسبب في حاله وجود الأستجابة الجينيه لضمور البصيله و اقترابها من السطح و نمو الشعر النحيل الالمس و و الملمس الدهني من ثم تساقط الشعر ..
المثبط للـ DHl .. هما مادتين الزنك "معدن" و البيوتين "فيتامين" ..
و بالنسبه للأدويه "المينوكسديل 2% و 5%" و "الفسنتريد أو نوبيشيا أو بروبيشيا 1 مجم
و أخيراً حقن الميزوثربي .. من الادويه الي بيمنع الـ DHT >> الفسنتريد و هو مضر بالخصوبه بشكل عام ..
كل ما يوضع على الرأس من دهانات لا فائه تذكر لها و لا تتجاوز نتائجها الـ 5% حسب تقديري ..
=-=-=-=-=-=-=-=-=-=-=
العلاج الأشد تأثير على الصلع و الأسرع نتيجه على الاطلاق ..
أكتشفته على سبيل الصدفه . و فهمت أليته لاحقاً بالبحث ,,
[ الجري لمسافات طويله بشكل منتظم و دائم]
في عشره ايام هذا ما حدث معي ..
نمو سريع للشعر و زياده سمك الشعر و نمو شعر زغبي اشبه بشعر صوان الاذن الأبيض في المناطق الفارغه ..
في 10 ايام فقط .. من شعر محلوق بالمكنه على 1 ,,
لكن .. المواظب على جري ساعه و ضع تحت ساعه عشره اسطر امر مرهق للغايه ,,
=-=-=-=-=-=-=-=-=-=-=
التفسير الطبي لما حدث ..
مكون من جزئين :
1- أليه العرق - للدم لزوجه و التي تعني فزيائياً درجه أحتكاك طبقات السائل مع بعضها البعض ..
التسارع في النبض الناتج عن المجهود يزيد من درجه حراره الدم "نتيجه الاحتكاك" ..
فيلجاء الجسم لخدعه لخفض حراره الدم و الحفاظ عليها 37 c ..
عن طريق ضخ الدم في الشعيرات الدمويه تحت الجلد و القريبه من سطح الجلد و من ثم افراز العرق عليها من غدد العرق حيث تنتقل الحرار من الوسط الاكثر حراره الدم الى الوسط الاقل حراره العرق ..
و الفائد الواقعه هنا على الشعر .. "وصول الدم لبصيلات" حتى و ان كان السبب محاوله خفض درجة حرارة الدم بالعرق ..
2- الجري لمسافات طويله "اكثر من 45 دقيقه" يؤدي لأفراز هرمون لا اذكر اسمه حرفياً و لكنه يسمى بهرمون الأرهاق .. يعد اقوى الـ DHT Blockers ..
هذه العلومات سنيين و أعني "سنين" من التجربة و البحث ,,
تحيتي ,,
معلومة لازم تعرفها قبل التجربة المينوكسيديل علاج مؤقت بمعني اذا توقفت عن استعماله يسقط الشرع مرة اخري
هذا للعلم.
أنا روحت لطبيبة وكتبت العلاج ده عشان تساقط الشعر
floxia وده عبارة عن سيرام للرش مرتين يوميا
ecrinal وده شامبو للغسيل مرتين اسبوعيا
hairtone ودي كبسولات 3 مرات يوميا
أرجو الافادة عن مدى جودة العلاج مع العلم ان السيرام والشامبو فرنساوي وغالي جدا
أنا لسة باديء العلاج
إذا رحت لدكتور "أمين" .. هيقولك ما لوش علاج ,,
غير الزرع زي روني بتاع الكوره .. و بيطلع الشعر شكله مش طبيعي ..
و عمليه فيها قص و لزق من فروة الرأس ..
و العلاج الجيني و ده مكلف زي ما الكتاب بيقول ,,
----
لكن عمرك ما هتعرف إلا ما تجرب ,,
و ممكن الي يكون عندك ده مرض زي الثعلبه أو عدوى بكتيريه ساعتها ممكن يكون للدواء فائدة ,,
انا شاب عندى 24 سنه وشعرى كل مدى بيخف واعتقد انى فى طريقى للصلع -_- اينعم هيا لسه مفضتش اوى مش بتلمع بس مسيرها هتلمع قريب :)
المهم دخلت عالنت وبحثت واطلعت ووصلت لمنتدى مخصوص للشعر والصلع ومشاكله اسمع منتدى الشعر العربى باين
ولما قريت فيه تجارب الاعضاء عرفت الاتى :
1- المينوكسيديل هوه العلاج العملى الوحيد المعترف بيه لعلاج تساقط الشعر والمينوكسيديل ده هوه ماده فعاله لكن انت لما بتشترى بتشترى منتج فيه كذا منتج زى الهير باك وغيره المهم ان الماده الفعاله فيه هيا المينوكسيديل بتركيز اما 2% او 5% وعاده بيكون ال 2% للنساء و ال 5 % للرجال
2- لو خدته لازم تواظب عليه مدى الحياه لان بمجرد ما توقفه شعرك هيقع اكتر من الاول او بمعنى ادق كل الشعر اللى المينوكسيديل منع سقوطه هسيقط كله مره واحده فى وقت قياسى
- احيانا لو حد حب يبطله بيبطله تدريجي مش مره واحده لكن الافضلل المواظبه عليه
-- بعد ما قريت امكانياته الرهيبه دى قولت وماله ياض لما تواظب عليه مدى الحياه ايه يعنى لما تدفع 75 جنيه كل شهرين مقابل انك تحافظ على شعرك وبدأت بالفعل لمدة عشر ايام تقريب
لكن للأسف لما قريت تجارب بعض الاعضاء مش كلهك لقيت ان فيه ناس كتير بتقول ان الميوكسيديل مجابش معاهم اى نتيجه تزكر وده بعد المداومه عليه مده طويله 8 شهور وسنه كمان الصراحه هنا قلقت وقولت طب افرض انا خدته ومجابش نتيجه ساعتها هبقى مش عارف ابطله لان شعرى هيقع بغباء وهبقى فى وضع لا احسد عليه كل شويه اجيب علبه وبحطها وهيا مش بتجيب نتيجه وفلوس بتترمى فى الهوا عشان كده بطلته
+ انى سمعت والله اعلم من بعض الناس برده ان فى اول استخدامك للمينوكسيديل فى اول شهر شعرك هيقع جامد وده دليل على ان المينوكسيديل بدأ يشتغل كويس وان الشعر دده هيطلع تانى بس انا فىا لوقت ده كنت بنزل كتير ومحبتش اظهر وانا شعرى بيقع فقررت اوقفه وقولت الحمدلله انى استخدمته عشر ايام بس مطولتش لان ساعتها كان شعرى هيقع لما ابطله مره واحده
واهوه الواحد مستسلم للأمر الواقع وكل يوم بيبص فى المرايه ويتحسر على شعره اللى بيخف فى انتظار علاج مضمون او التأقلم عالوضع الحالى :(
من اثاره الجانبية على البعض ظهور حبوب على الجبين
و دا من رد الفعل التحسسى للجلد
انا سمعت من الدكتور هنرى رائد الجلدية فى مصر
ان عصير الجرجير هو الافضل علاج لزياده كثافه الشعر و دا كانو يستخدمو الفراعنه
و مازال حتى الان ياتى بنتائج عالية