تعبت من كثره البحث

**abdel samie** · 22-08-2014 12:24 AM

المشاركة الأصلية كتبت بواسطة engmody32

كلامك انا مقتنع بيه
بس علي فكره انا ملقيتش شغل بسهوله و جربت معانه البطاله زي ناس كتير و قعدت علي القهوه بالسنين زي ناس كتير بس الواحد مضغوط عليه من نفسه و من المجتمع حواليه حتي لما يحاول ينسي كل واحد يفكرك ان ناقصك حاجه و ان اللي زيك عيالهم بقوا طولهم و ان انت كبرت و القطر و علي ارض الواقع يا باشا الواحد بيدور دايما علي اللي ناقصه مش اللي عنده رغم ان الدين بيؤمرنا بغير كده لكن الواقع ان الانسان غصب عنه بيفكر بالطريقه دي

طول مانت مركز آوي فالموضوع ده مش هتقدر تجتازه ذي ما قال الزميل نصيبك هيجي هيجي يكن أمتي لما يشاء العليم القدير
انت ال عليك تحط لنفسك أولويات للهتجوزها عشان متلقيش نفسك مشتت وانت بتتقدم والعرائش علي أفي مين يشيل وحاول تفتح لنفسك أبواب تنمي فيها وقتك وصدقني هتلاقي مره واحده صادفت إنسانه تتوافق معك بس طول مانت حاطط الموضوع فدماغك مش هيجي ذي مانت عايز
وقبل اي شيء استعن باله واخلص نيتك لله

**م. حاتم السباعي** · 22-08-2014 12:26 AM

الاخ الكريم الفاضل

طالما عقدت النية لان تحفظ نفسك و تبني اسرة فيجب عليك ان تتبع كلام المصطفي صلي الله عليه و سلم من البداية للنهاية

يقول رسول الله صلي الله عليه وسلم (( يا معشر الشباب من استطاع منكم الباءة فليتزوج فإنه أغض للبصر وأحصن للفرج ، ومن لم يستطع فعليه بالصوم فإنه له وجاء )) صدق رسول الله صلي الله عليه وسلم

اذا انت تخطيت مرحلة الاستطاعة و ان شاء الله جاهز للزواج

اذا عليك بوصية الرسول صلي الله عليه وسلم للبحث عن الزوجة المقبلة

يقول الرسول الكريم (( تنكح المرأة لأربع مالها وجمالها وحسبها ودينها )) صدق رسول الله صلي الله عليه وسلم

و لقد رتب الرسول مقاصد الناس في الزواج فهناك من يهتم بمال الزوجة اي ان تكون من الاصل صاحبة مال وفير و هناك من يهتم اثناء البحث بمن تمتلك قدر عالي من الجمال ( مثلك انت كده فلقد كررت موضوع الشكل في موضوعك كذا مرة وهذا حقك ان ترتبط بزوجة صبوحة مشرقة ) و من الشباب من يبحث عن الحسب و النسب و يقول اخدها من عيلة كبيرة
و اخيرا هناك من يبحث عن ذات الدين و ترتيبهم الاخير و سبحان الله هذه هي من حث الرسول الشباب علي البحث عنها و علي الظفر بها

اظفر بذات الدين تربت يداك

لو انا مكانك هشوف اقرب دار لتحفيظ القرآن الكريم للنساء قريب من بيتي و ترسل اختك او والدتك لكي يحفظن او يراجعن القرآن في هذه الدار يبقي انت اخذت فيهن ثواب و مع الوقت سيقابلو السكرتارية او القائمات علي المكان و يتحدثن معهن عن البنات اللائي لم يرتبطن بعد و انهو مرحلة التعليم الجامعي او الائي يحفظن القرآن في مراحل التعليم الجامعي و سيتعرفن بهن هناك لو امكن او ان يحصلو علي عناوين لهن و تذهب انت معهن الي اهلهم و تنوي انك اتبعت وصية الرسول صلي الله عليه وسلم و ان شاء الله ربنا سيوفقك

**engmody32** · 22-08-2014 12:34 AM

المشاركة الأصلية كتبت بواسطة abdel samie

طب ده عرض كويس جداً انك تسكن جنب ماما معاهم فالشقه وتوفر فلوس الشقه انت مزعل نفسك ليه

لآ هما عايزين شقه جنب ماما مش نسكن جنب ماما في نفس الشقه

**abdel samie** · 22-08-2014 12:44 AM

المشاركة الأصلية كتبت بواسطة engmody32

لآ هما عايزين شقه جنب ماما مش نسكن جنب ماما في نفس الشقه

خلاص لو العروسه تستأهل خد شقه ليك وشقه لماما جنبها في منطقه سعرها هادي شويه وبيع انت شقت ماما بالملايين وروش نفسك

الدنيا منفاته مش مستهله منك كل ده والأمور مش بتحل بالزعل والاكتئاب اعقد النيه ودع الله يختار لك والجا اليه بالدعاء

**islam_lee** · 22-08-2014 12:47 AM

يا ريس .. كله بتمنه ,,
أنته قمت اللليل و صليت و دعيت ربنا ؟؟
أنته قرأت سوره البقره و اظبت عليها تقرباً من الله عسى ان يرزقك بنت الحلال ألي تقر بها عينك ,,
و الأهم الأهم .. لي هيوصلك لبنت إلي أنته عايزها لو أتقدمت أنته لأي بنت ,,
"صليت إستخاره" ؟؟؟
دعاء الأستخاره فيه جزء جاااامد إلي هوه "وأقدر لي الخير حيث كان ثم إرضني به" ,,

من غير حكاوي و قصص ..
دي الخلااااصه ,,

**engmody32** · 22-08-2014 01:40 AM

و حياتك انا مش قريت البقره انا حافظ البقره و اكثر من كده كمان
و دايما الاستخاره صليتها في كل مره شوفت فيها واحده
بس الواحد حاسس ان الوقت جري منه و الناس كمان بتخلي الاحساس ده اضعاف الوضع الطبيعي

**Bassem Youssef** · 22-08-2014 02:51 AM

يا راجل ده انت عايش في نعمه تحسد عليها

احمد ربنا علي حالك

99% من المتجوزين اللي اعرفهم نفسهم يبقو زيك :d

انت كده رئيس جمهوريه نفسك + فلوسك في جيبك + بالك مرتاح

من تجارب المتجوزين اللي حوالينا

كله بيقول بعد شهر هتزهق

صدقني

الجواز من البلد دي هيجي عليك بخساره

كل واحده فاكره نفسها ملكه جمال بلطيم و اهلها عايشين اللحظه

لما تخش في الغويط :d

هتلاقي عصبيه نكد بوز ده غير انك عمال تستنزف فلوسك و صحتك و وقتك و اعصابك

مجرد رأي

**Abo.Moazz** · 22-08-2014 03:17 AM

ناس كتير ردت على حضرتك وكل كلامهم صح ميه فى الميه
بس الخلاصة
نصيبك هيجيلك لحد عندك
متسعتجلش
الجمال مقياس جنب الدين والأخلاق .. متقولش أتجوز وخلاص .. دور على واحدة جميلة .. مش عيب
33 سنة مش كتير .. انا متجوز على 30 وكل مستويات الأعمار فى الجواز دلوقتى كده
ياسيدى أنا أعرف واحد إستعجل فى الجواز ولحد دلوقتى إتجوز مرتين وطلق مرتين وعنده عيلين من كل واحدة
وأعرف واحد برده إتجوز وهوه عنده 22 سنة وإجمالى اللى إتجوزهم حوالى 6 سيدات وعنده منهم حوالى 8 عيال
أنا خطبت مرة وحبيت 3 أو 4 مرات
بس فى الآخر إتجوزت واحدة ربنا كرمنى بيها .. وعلى فكرة كان مستواها المادى أعلى من مستوايا بكتير .. بس عاشت معايا ورضيت بعيشتى وسنه فى سنه الحمد لله بقت عايشه معايا عيشة مستريحة ماديا ومش مخليها لا هيه ولا الأولاد ولا البيت محتاج حاجة
الصبر الصبر الصبر ... سنك مش كبيررررررررررررر
وعيش على أد ماتقدر وأخرج مع أصحابك لأن الكلام ده بعد الجواز هتتمنى إنه يرجع تانى
سبحان الله ... محدش عاجبه حاله

**mr_safwt** · 22-08-2014 03:23 AM

متقلقش مش لوحدك
انا بقالى حوالى سنة ونص بدور والحمد لله وظيفتى كويسة ومرتبى يفتح بيت
وعندى شقتى وعربيتى واخر ما زهقت قولت هاخد من برة القاهرة بس تكون من المحافظة مش من قرى عشان يبقى العادات والتقاليد قريبة
ولقيت فعلا بنت كويسة جدا واهلها طيبين جدا لكن ساعة الاتفاق لقيتلك جايبين العيلة كلها وخد تريقة بقى ياعم
شقتك دية جحر عشان 80 متر مع انها فى مكان كويس يعنى تمنها فى حدود 200 الف و اقل دهب 25 الف والمؤخر ما يقلش عن 50 الف والجواز لازم خلال كام شهر
مع ان اجتماعيا وماديا كانوا اقل بس الواحد قال يتنازل عشان البنت كويسة
بس الظاهر البلد دية فيها حاجة مش طبيعية

-

الموضوع: تعبت من كثره البحث

LinkBack

أدوات الموضوع

عرض

-

-

-

-

المواضيع المتشابهه

انا تعبت و اعتزلت البحث عن الميجان خلااااااااااص

مطلوب على وجه السرعة لانوس ( تعبت من البحث

تعبت من البحث عن كتالوج ابيزا 94 1300

يا جماعة انا تعبت من البحث

تعبت زي حالاتي من كتر البحث

الكلمات الدلالية لهذا الموضوع

المفضلات

المفضلات

ضوابط المشاركة