السلام عليكم احبابى من قسم تويوتا دة استطلاع خفيف على كل من امتللك الوحش كورولا هل انت راضى بعد اقتنائك ليها طول الفترة الى فاتت هل كان نفسك فى عربية بديلة عنها لو رجع بييك الزمن ممكن تشتريها تانى انا هبداء بنفسى دلوقتى العربية معايا بقالها سنة بالضبط و كتير هنا عارف ان من كتر حبى ليهااا ههههههه جبت واحدة تانية اينعم عدادى عليهم مش كتيررر بس الحمد لله مستريح جداااا و لم اندم يوم على اقتنائهم اينعم مافيش عربية كاملة بس الحمد لله مستريح جدااا مستنى اراء حضراتكم
مفيش عربية بدون مشاكل و لكن في رأي مشاكل العربية دي اقل بكتير من عيوبها و تعتبر بسيطة مقارنة بالمنافسين و حتي الان راضي عن العربية بنسبة كبيرة
بمبدا لايوجد شى فى الدنيا كامل لان الكمال لله وحده
فلا يوجد سياره بدون مشاكل وان كانت طفيفة
فاتبعاء للقاعدة Cost-Benfit Ratio او السعر مقابل الخدمه
فالكورولا الجديدة تعتبر حصان رابح فى الفئة دى بين منافسيها وان كان ظهر منها عيوب فاكيد منها ما تم التغلب عليه ومنها فى الطريق الى الحل .. ودة مخلى العيوب تتلاشى دور التوكيل فى انه يتدارك المشكلات بدرى بدرى ويتم طرح حلول ليها
انا راضى عن الكورولا كاداء وتسارع واقتصادية البنزين وشكل جديد
ربنا يحفظها للجميع ويستر طريقنا ويكفينا شر العين والحسد
ربنا يبارك
ببقي مبسوط لما تويوتا بتعمل موديل
يرجع تويوتا تاني للسوق والناس بتكون راضية عنه
ربنا يبارك لكم في عربياتكم
راضي 100% و لو رجع بيا الزمن بردو هاجيبها. و لو معايا بدجيت اعلي شويه بردو هاجبها.
من النادر اني اختار عربيه بقلبي و عقلي في نفس الوقت :)
متابع
متابع
انا شايف من الردود ان اه فى عيوب بس مفيش حاجة كامله وانا راضى وعرفنا نجلها و و و و :d
طيب ماتعرفونا ايه العيوب اللى ظهرت وايه اللى مش عاجبكوا فيها حتى الان
يمكن يكون عيب بالنسبالك مش مهم بس فى وجهة نظر حد تانى مهم
أسوء عيب بالنسبالي شكلها الخارجي اللي مدي على كوري بالذات من الخلف ( رأي شخصي )ـ
رأيي إن الشكل اللي قبل ده كان أحسن منه كثير وتحسه ياباني
والنقطه دي بالذات الفلونس مكتسحاها بشكلها الخارجي الرائع
لما بقارن الخامات الداخلية للكورولا موديل 2014 بخامات موديل 2010 ـ
بتتفوق خامات موديل 2010 ـ
لكن تظل الكورولا عربية ظلطه حمارة شغل قليلة الأعطال لا يتفوق عليها أحد في هذه النقطه من أقرانها
ـ
ﻷننا في الشركة بنجيب كورولا .. و بأسوق 2013 و 2014
تاخد تقدير جيد .. و هذا بوضع المميزات في البسط و السعر و التكلفة في المقام
و ذلك لاحتساب cost . Benefit ratio
فعلا خامات الشكل الاقدم افضل قليلا
الشكل أذواق و لكنه غير فخم
السعر لو لنا الاختيار سنختار الرينو فلوينس
انا مستغرب من التصويت ان في ناس معهاش العربية و مصوتة ب لا ههههه غريبة فعلا لان صاحب[S][/S] الموضوع عامل تصويت و كاتب بالحرف الواحد :
"دة استطلاع خفيف على كل من امتللك الوحش كورولا هل انت راضى بعد اقتنائك ليها طول الفترة الى فاتت"
يعني كل من امتلك او اقتني الفترة اللي فاتت مش كل اللي شاف او جرب او ركب او عنده في الشركة ركبها شوية او او او يعنيي عربيتك ومعاك طول الوقت.
يعني مثلا انا مجرب سكودا A7 و فلوانس و كورولا قديم و هوندا في الشغل و مسافات سفر ممتلكتهاش يعني مقدرش اقول زي اللي امتلك و قاعد فيها ليل نهار .
اللي اعرفه ان الاستاذ يوسف كامل معاه كورولا ٢٠١٣ معاهوش كورولا ٢٠١٤
و الاستاذ mostafa3000 معاه سكودا A7 مش كورولا ٢٠١٤
و الاستاذ hegazio معاه فلوانس و كورولا ٢٠١٣ مش كورولا ٢٠١٤
مش عارف الغرض من الاستفتاء ايه بس ربنا يباركلكم في عربياتكم اللي هي مش كورولا ٢٠١٤ و بحترم وجهة نظركم رغم انكم مش معاكم العربية اللي ابديتم فيها رايكم رغم ان السؤال مش راي اي حد و لكن راي من امتلك فقط بحسب صاخب الموضوع و الاستفتاء :)
http://nileup.com/up/uploads/nilemotors_14171753451.png
بس انا ياباشمهندس لم اصوت فى هذا اﻻستطﻻع من اساسه وذلك للتوضيح
الموضوع مش محتاج اعيش مع العربية عشان ادي رأيي فيها
العشرة و كده في اعطال قليلة الحدوث
لكن تيست درايف "بمعني تيست درايف فعلاً" ..يوم فحت و ردم كافي جدا
و كمان نية اللي داخل عربية عشان تيست و مقارنة..بتخليه يعمل حاجات صاحب العربية سنين ما بيفكرش يعملها
و دي وجهة نظري يعني
يعني حضرتك مبتمتلكش العربية زي مانا قلت.اقتباس:
المشاركة الأصلية كتبت بواسطة hegazio
بس كمعلومة صغيرة و بكررها العنوان لمن امتلك العربية و فعلا عند حضرتك حق حضرتك ممكن تجرب العربية يوم فحت و ردم و تعمل تيست درايف و تعرفها اكتر من صاحب العربية اللي معاه من سنين و ركبها ٥٠٠ يوم فحت و ردم مش يوم واحد فقط :)
صباح الخير يا استاذ يوسف اتمني تكون بصحة جيدة بقالنا كتير متقابلناش انا برضو مستغرب ان اسم حضرتك في التصويتاقتباس:
المشاركة الأصلية كتبت بواسطة yousef.kamel
انا لا امتلك 2014 ولا 2013..السيارة بإسم الشركة
لكن بأسوق دي و اسوق دي يوميا
ده يمنعني اني أقيم السيارة ؟؟
كمثال لعربيات حضرتك دخلتها في موضوع ميخصهاش زي الفلوانس ( عنوان الموضوع زي محضرتك شايف عن كورولا ٢٠١٤ مش فلوانس ولا كورولا ٢٠١٣ و ده مش قسم المقارنات و محدش طلب او سال مين احسن و مين اوحش او حد نوه عن عربية تانية السؤال للملاك بتوع العربية دي فقط و ليس لملاك عربية تانية فما الغرض من التصويت هل هو التقليل مثلا ؟) انا جربتها ٩ ايام سفر ٥٠٠ كم و لقيت ان تكيفها ضعيف و سحبتها و طلعتها مقارنة بالكورولا و صوت الموتور بيعلي جامد قوي غير اصوات التزييق من الابواب و خوفي اني اخاد ملفات قوية علي سرعات عشان مفيهاش esp فهل انا بال ٩ ايام دول اقدر احكم حكم نهائي عليها ؟ و اقول بعد امتلاكي ليها بقول اني مش راضي عنها ؟ اعتقد لا او علي الاقل في مضمون السؤال اللي في الاستطلاع لا و انا بتكلم عن نفسي مش علي حضرتك عشان انا عارف تقييم حضرتك من قبل متجرب العربية :)اقتباس:
المشاركة الأصلية كتبت بواسطة hegazio
يا سيدي انا حر..و شايف ان تجربتي تسمحلي بالاجابة
و مش جريمة لو قلت اسم عربية تانية في نفس الفئة افضل
بتتفرج علي توب جير مثلاً.. يفصصلك ابو العربية قي نص ساعة..و في الاخر يقولك بدائل افضل
يا اخي ده انا باشتم في العربية اللي انا راكبها دلوقتي و حتنتقل ملكيتها لي بإذن الله..عاوز امانة اكتر من كده !!!؟؟
مبروك مقدما عليك العربية اللي بتشتم فيها و الامانة واضحة لا جدال عليها ابدا .اقتباس:
المشاركة الأصلية كتبت بواسطة hegazio
بس انا مش بتفرج علي توب جير بس اوعدك هبقا اتفرج و استني في الاخر عشان اشوف البدائل الافضل زي الفلوانس مثلا الافضل في فئتها :)
استخدمت الكورولا 2013 و 2014 لشهور طويلة الماكينة والجير لا اختلاف على الأطلاق ما عدا مكان حساسات عداد السرعة. قوة البودي من الخارج 2013 يكسب وخامات الصالون من الداخل 2013 يكسب
واضح ان حضرتك بتتكلم عالخليجي و ده حقيقي لكن المصري الفتيس و العربيتين مختلفين تمامااقتباس:
المشاركة الأصلية كتبت بواسطة bluebird
انا من ملاك العربية بقالي 7 شهور و راضي تماما عن الوحش الياباني كورولا 2014
العربية بسم الله و ما شاء الله وحش ماشي علي الأرض من حيث الإمكانيات اللي من كترتها اشك ان في حد استخدمها كلها او الثبات الرائع "انا جبت بيها ال190 و كان لسة فيها كمان" او وسائل الأمان الغنية عن الذكر
بس انا شايف بالنسبة لعربيتي في نقطتين مش مهمين بس لازم اقولهم للأمانة :
1- التابلوه بيتكتك علي خفيف خصوصا لو وقفت في الشمس كتير
2- أرضية الشنطة كان لازم تتثبت, انا عارف انها معمولة كدة عشان النضافة اسهل بس لما بمشي في طرق مدقات بسمعها علي خفيف
مشكلتي اني بدقق في الأصوات شوية
بس يا شباب لو رجع بيا الزمن تاني بردة مش حجيب غيرها لان انا حبيت ركوبتها و استريحت معاها و اداءها المميز
دة رأيي الشخصي من عربيتي و لا يعبر بالضرورة عن باقي الملاك و شكرا
انا معايا كورولا ٢٠٠٦ وكان نفسي اجدد بمنديل ٢٠١٥ يمكن ان شاء الله السنه الجايه يتوفر معايا الفرق في السعر واكيد رأي ان هي عربية ممتازة سواء الموديل القديم او الجديد
الاعزاء
لسه ما ستلمتش كتيب الصيانة ... لسه المعرض هايطلبه من تويوتا ايجيبت بصورة الرخصة
انا عملت 1000 كيلو
ارجو الافادة عن جدول الصيانات وهل أول صيانة عند 1000 كيلو ام عند 5000 وماهي اعمال اول صيانة
مع الشكر
سوال محيرني جدا عن حاجة انا محتاجة في العربية ضروري و هو
ها البلوتوث بتاع العربية اللي في الفقة التانية اللي مفهاش شاشة تاتش بينقل الاسماء كلها علي العربية و بيظهر اسم اللي بيرن عليك (فين) و لا لأ؟ و بردوا لما تحب تعما انت مكالمة لازم تمسك التلفون بايدك و لا ممكن من الزراير اللي في الكاسيت او الطارة تجيب اسم اللي عايز تكلمه و تطلبه من غير متمسك التلفون اصلا؟
انت عارف لو يبفع هانزل احجز العربية النهاردة :-)
اول صيانة 1000 تشيك كامل عالعربية زيوت و تربيط عفشةاقتباس:
المشاركة الأصلية كتبت بواسطة aymanmahmoud
ايوة بينقل الاسماء و بيظهر الاسم.اقتباس:
المشاركة الأصلية كتبت بواسطة algo3raan
و ينفع تعملي مكالمة من الكاسيت او الموبايل براحتك و تقدري تتصلي مالكاسيت علي speed dial او من history سواء missed received dialled
الف الف شكر يا هندسة
علي فكرة انا عندي الاسماء مش بتظهر .. لكن البلوتوث شغال ممتاز
ازاي اظهر الفون بوك ؟
لازم تدخل علي SETUP و تعمل copy contacts و بعدين Override allاقتباس:
المشاركة الأصلية كتبت بواسطة aymanmahmoud
شكرا يا باشمهندس محمد يا كبير
سؤال تاني معلش
طبعا لوك الشنطة بيفتح مع فتح سنتر العربية
ازاي اعملها لوك لوحدها بدون ما اعمل سنتر لوك ؟
انا بالنسبة لى مقدرش استغنى عن اى عربية تويوتا