-
الحمد لله تم البيع
السلام عليكم ورحمة الله وبركاته
الاخوة الاكارم
تم البيع الحمد لله فى اقل من نصف ساعة
فى البداية الحمد لله على كل حال
ثانيا الله يسامح الجميع وانا معكم
السيارة جابت 31 الف فى نصف ساعة وتاجر كمان مش فرد عادى
والله العظيم اتنين تجار شدونى من بعض علشان ابارك ليه وده يقول انا قلت الاول
طبعا انا كنت نزلت اعلان على النت ب 31 الف وده لانكم محدش قال السعر بل كمان نزلتم لـــ 25 طبعا انا رايح وحاطط ايدى على قلبى وكنت بدرى فى السوق الساعة 8 كنت هناك وعلى الساعة9 الا تلت كنت بايع و معايا الفلوس
طبعا انتظرت حتى فتح الشهر العقارى وكان عاوز توكيل بيع بس وعاوز افهم منكم ليه هو الراجل كان عاوز توكيل بس ليه
انا رفضت وعملت عقد مسجل وعلى حسابى ب 260 المهم الحمد لله تم البيع
بعد ما خلصنا ولسه بسلم عليه جه شخص عادى ولقيته بيتكلم معاه فى العربية
روحت سألت الراجل قال كام
لقيته بيتكلم معاه فى 34 الف
وماسك فيها بشكل رهيب
ضحكت وقلت الحمد لله على كل حال وربنا يسامح كل واحد قال العربية متجبش السعر ده
مشيت شويه كان السوق كمل على الساعة 11 وفيه اسكودا كتير قلت اسأل واطمن
رحت على عربية والله العظيم الشنطة مكسرة والزجاج الامامى مدشش ورشه وحالتها حاله ولا الموتور غير الموتور عندى والله حسيت انه موتور 27 المهم لقيت واحد بيشترى منه قلت اشوف لقيت بيتكلم فى 32 الف
فى هذة اللحظة كنت عاوز ادعى على كل واحد بخس تمن العربية الارض والمهم كلكم عارفين ان انا شاريه ب 34
المهم الحمد لله على كل شىء وقدر الله وماشاء فعل
وهذة كانت النهاية مع سكودا والله انا كنت بنظر لها وانا حزين
ولكن ظروف السفر
دعواتكم ان شاء الله
كل الشكر لكل من افادنى بمعلومة خلال عام قضيته معكم
أخص بالذكر حبيبى الاستاذ منسى _ والبشمهندس احمد جوده رغم الاختلاف السياسى :Copy of new:
ولا انسى الاستاذ صبحى والبشمهندس وليد وكل الشكر لكم جميعا احبائى فى الله
فى رعاية الله
أسف على الاطالة :crying2:
-
ولا تزعل نفسك على الفلوس وربنا ان شاء الله يكرمك بالاحسن منها 100 مره
-
الف مبروك وربنا يرزقك بالاوكتافيا
-
ألف مبروك و ربنا يبارك لحضرتك و للمشتري.
-
ألف مبروك على البيع و ده نصيب اللى خدها ربنا يبارك له ..
ربنا يخلف عليك خيرا منها .... اللهم أمين
-
-
الف مبروك البيع ياكابتن وانشاء الله ترجع من سفرك سالما غانما وتشترى برضو فليشا ***
عاوز اقولك انا مسعراتش عربيتك وعمرى ما سعرت سيارة لأن دا مش اختصاصى والزملاء الذين سعروها اجتهدو فمنهم من اصاب ومنهم من اخطء وكلهم فى الأجر سواء**
-
لاتحزن علي الذي راح ولاتفرح بالذي جاء لان كله من فضل الله والله يعوض عليك
-
الف مبروك للبايع و المشترى بالتوفيق ان شاء الله
-
الف مبروك البيع وربنا يباركلك .... علشان كدة لما كنت ناوي ابيع عربيتي واغير مكنتش بفكراصلا ابيعها هنا فى المنتدي علشان الاسعار الغريبة دي
تقبل تحياتي وأتمنالك التوفيق نسيت اقول لحضرتك انا مليش توجه سياسي معين أنا كل الحكاية بتمني اشوف بلدي فى مكانها الطبيعي
Content Relevant URLs by
vBSEO 3.6.0 PL2